Pleñver

Pleñver (Ploemel e galleg) a zo ur gumun eus Breizh e kanton Kiberen e departamant ar Mor-Bihan.

Pleñver
Chapel Intron-Varia Rekourañs.
Anv gallek (ofisiel)	Ploemel
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Kiberen
Kod kumun	56161
Kod post	56400
Maer Amzer gefridi	Jean-Luc Le Tallec 2014-2020
Etrekumuniezh	An Alre Kiberen Douar Atlantel
Bro velestradurel	Bro an Alre
Lec'hienn Web	www.ploemel.com
Poblañsouriezh
Poblañs	3 032 ann. (2020)
Stankter	121 ann./km²
Douaroniezh
Daveennoù lec'hiañ	47° 39′ 04″ Norzh 3° 04′ 13″ Kornôg
Uhelderioù	kreiz-kêr : 31 m bihanañ 5 m — brasañ 53 m
Gorread	25,16 km²
Pleñver

Istor

Dispac'h Gall

• Melestradurezh: krouet e voe kumun Pleñver e 1790. Gant al lezenn eus an 23 a viz Eost 1790 e voe lakaet da bennlec'h kanton Pleñver gant div gumun ennañ: An Ardeven ha Pleñver; e Bann an Alre e oa; gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe dilamet kanton Pleñver ha lakaet Pleñver e Kanton Belz, bet krouet e 1801; lakaet e voe en Arondisamant an Oriant e 1800.

XX^vet kantved

Brezel-bed kentañ

• 62 waz eus ar gumun a gollas o buhez abalamour d'ar brezel, d.l.e. 4,03 % eus he foblañs e 1911.

Eil Brezel-bed

• Mervel a reas 15 den ag ar gumun abalamour d'ar brezel.

Monumantoù ha traoù heverk

• 
  Iliz katolik Sant-Andrev.
• 
  Monumant ar re varv.

• Chapel Intron-Varia Rekourañs, XVI^vet kantved, er vourc'h.
• Iliz katolik Sant-Andrev, XIX^vet kantved.
• Monumant ar re varv.

Emdroadur ar boblañs abaoe 1962

Niver a annezidi

Brezhoneg

• E distro-skol 2024 e oa 41 skoliad enskrivet er c'hlasoù divyezhek (13,9 % eus skolidi ar gumun evit a sell ouzh ar c'hentañ derez).
• D'an 21 a viz Genver 2021 e oa bet votet emezelañ d'ar garta Ya d'ar brezhoneg gant Kuzul-kêr ar gumun.

Tud

Tud bet ganet eno

• Jozef Madeg, (1923-5 a viz C'hwevrer 2013), eskob katolik Fréjus-Toulon. Beleget e 1947 goude e studi e kloerdi sant Loeiz Roma (aotreeg war ar feizoniezh hag ar skiantoù war ar Bibl) e voe rener kloerdi Gwened e 1965. Anvet Vikel-vras e 1975 e voe eskobet e 1983. D'ur mare m'edo an Iliz e Frañs o kouezhañ en he foull e tigoras ur c'hloerdi bras a reas berzh mat e Toulon hag e roas degemer d'ar c'humuniezhioù nevez a oa gwelet fall e Frañs: kumuniezh Sant-Marzhin, kumuniezh an Emmanouel, kumuniezh ar Verb a vuhez.
• Joseph Le Pévédic, (3 a viz Kerzu 1879-9 a viz Here 1964 e Gwened), maer ar gumun, kuzulier Kanton Belz ha kannad ar Mor-Bihan e Kambr an deputeed.

Liammoù diavaez

• (br) Pleñver war lec'hienn Geobreizh