Jean-Denis Lanjuinais
Jean-Denis Lanjuinais a oa bet ganet e Roazhon d'an 12 a viz Meurzh 1753.
Reizh pe jener | paotr ![]() |
---|---|
Bro ar geodedouriezh | Frañs ![]() |
Anv e yezh-vamm an den | Jean Denis, comte Lanjuinais, Jean-Denis Lanjuinais ![]() |
Anv-bihan | Jean ![]() |
Anv-familh | Lanjuinais ![]() |
Titl noblañs | Kont ![]() |
Deiziad ganedigezh | 12 Meu 1753 ![]() |
Lec'h ganedigezh | Roazhon ![]() |
Deiziad ar marv | 13 Gen 1827 ![]() |
Lec'h ar marv | Pariz ![]() |
Lec'h douaridigezh | Bered Père-Lachaise, Grave of Lanjuinais ![]() |
Breur pe c'hoar | Joseph-Elisabeth Lanjuinais ![]() |
Bugel | Victor Lanjuinais, Paul Eugène Lanjuinais ![]() |
Yezh vamm | galleg ![]() |
Yezhoù komzet pe skrivet | galleg ![]() |
Yezh implijet dre skrid | galleg ![]() |
Micher | politiker, istorour, kazetenner, alvokad ![]() |
Karg | kannad gall, member of the Council of Elders, Pair of France, member of the Sénat conservateur, President of the National Convention ![]() |
Bet war ar studi e | Skol-Veur Roazhon ![]() |
Lec'h labour | Pariz ![]() |
Strollad politikel | Kleub breton ![]() |
Perzhiad e | Dispac'h Gall ![]() |
Ezel eus | Académie des Inscriptions et Belles-Lettres ![]() |
Statud e wirioù aozer | Ar gwirioù aozer ne dalvezont ket ken ![]() |
![](http://upload.wikimedia.org/wikipedia/commons/thumb/3/35/Profil_de_Jean-Denis_Lanjuinais.png/150px-Profil_de_Jean-Denis_Lanjuinais.png)
Aet da zoktor war ar gwir d'e 18 vloaz en devoa kenstrivet, gant berzh, evit kaout ar gador-gelenn war ar gwir-iliz e Roazhon e 1775. Alvokad kuzuliañ Breujoù Breizh e oa bet anvet da gannad an Trede-urzh gant e gengêriz eus senesaliezh Roazhon, a-benn breujoù 1789 : dibabet e oa bet evit ma vije skrivet kaieroù ar c'hlemmvanoù gantañ. D'an ampoent e tiskoueze bezañ en erbed ur vonarkiezh sklaerwel o soursial ouzh ar werin e-lec'h an noblañs. Gant ur Roazhonad all, Isaac Le Chapelier (bet krouet ar C'hleub breton gantañ), e oa ezel eus Kevredigezh mignoned ar vonreizh a oa liammet ouzh Kevredigezh Jakobined Pariz. Kemeret en devoa perzh bras e diazezadur al Lezenn evit lakaat ar gloer da vezañ keodedourien ha boulc'het laikadur aktaoù marilh ar boblañs gantañ.
Dilennet er Goñvañsion a-gevret gant 4 c'hannad all eus Il-ha-Gwilen en devoa sezet en tu-dehoù, o treiñ a-du gant ar Jirondined ouzh ar Venezidi. Da geñver prosez Loeiz XVI (Bro-C'hall) e oa aet a-du gant an toull-bac'h betek ar peoc'h ha, pa oa bet votet marv ar roue, en devoa goulennet ma vije forbanet. Diwar neuze e talas muioc'h-mui ouzh politikerezh-spont Marat ha kentañ Kumun Pariz. Da-heul un nebeud tabutoù er Goñvañsion e oa bet lakaet harz warnañ. Deuet e oa a-benn da vont kuit digant an archer edo ouzh e ziwall. Dre rebourserezh e oa bet lakaet harz war e 2 vreur (unan a oa mezeg hag egile beleg), unan eus e c'hoarezed hag e vamm. D'an 28 a viz Gouere e oa bet lakaet da dreitour ouzh ar vammvro gant ar Goñvañsion. D'an 23 a viz Gwengolo en devoa Carrier lakaet holl vadoù Lanjuinais er vac'h. Kuzhat a reas e-barzh ur c'hrignol e Roazhon beket miz Kerzu 1794 a-raok adkavout e sez er Goñvañsion e-lec'h ma voe difenner ur politikerezh hanterouriñ.
Dilennet e oa bet e Kuzul ar re Gozh o tileuriañ departamant Il-ha-Gwilen. Ne oa ket bet dilennet en-dro e 1797 ha setu ma oa distroet da Roazhon e-lec'h m'en devoa kelennet e kador-gelenn war al lezennadurezh ar Skol Greiz. E miz Mae 1800 e oa aet da senedour. Embann a reas e oa a-du gant Taol-stad an 18 a viz ar Vrumenn (9 a viz Du 1799) met ne votas ket evit Ren ar C'hoñsul e vuhez-pad e 1802 nag evit an Impalaeriezh e 1804. Ar pezh na viras ket outañ a vezañ anvet da gont an Impalaeriezh e 1808... Par Bro-C'hall e oa bet e-kerzh Kentañ Restaorasion. E-pad ar C'hant-Devezh e oa bet kannad ar Seine e kambr an dileuridi ma oa bet dilennet da brezidant anezhi.
Da vare an Eil Restaorasion en devoa adkavet e sez e Kambr ar Birien. Diwar neuze, en em ouestlañ a reas e kentelioù war ar gwir roman en Akademiezh al Lezennadurezh a oa bet unan eus an tadoù diazezourien. Kenderc'hel a reas da zifenn e vennozhioù liberal betek-penn.
![](http://upload.wikimedia.org/wikipedia/commons/thumb/a/a9/Muller_-_Lanjuinais_%C3%A0_la_tribune_de_la_Convention.jpg/220px-Muller_-_Lanjuinais_%C3%A0_la_tribune_de_la_Convention.jpg)
Aet e oa bet da Anaon e Pariz d'an 13 a viz Genver 1827.