Faro

Faro (distaget [ˈfaɾu] e portugaleg) zo ur gêr hag ur gumun eus kreisteiz Portugal, kêr-benn distrig Faro ha hini Algarve. E 2011 e oa 64 560 a dud o vevañ enni.

Faro

Un aerborzh etrebroadel zo e Faro, ma teu kalz touristed da weladenniñ Algarve, rannvro greisteisañ ha tommañ Portugal. An eil aerborzh brasañ eo e Portugal, goude hini Lisbon. En-dro da gumun Faro emañ kumunioù São Brás de Alportel, Olhão ha Loulé, hag ar Meurvor Atlantel e tu ar c'hreisteiz.

Kêrioù gevellet

Liammoù he deus Faro gant ar c'hêrioù-mañ :

• Huelva (Spagn)
• Hayward (Stadoù Unanet)
• Málaga (Spagn)
• Reggio Calabria (Italia) abaoe 1989
• Tanja (Maroko) abaoe 1985
• Bolama (Ginea-Bissau)
• Praia (Kab Glas)
• Príncipe (São Tomé ha Príncipe)
• Baiona (Euskadi)
• Maxixe (Mozambik)
• Haikou (Sina)