Canggar

Butuh kada basunat parahatan layu (kiwa) dan rahatan canggar/kajung (kanan).

Canggar atawa kajung Tahaga istilah basa Malayu saban hari gasan hal ngini, tagal ulih kabanyakan urang dianggap talalu lanji. Eufemisme rancaknya mamakai asusiasi, nang kaya badiri, tagang, wan sabagainya. Istilah kunak, nang jua dipakai gasan kaadaan nang sama, kada musti baarti canggar. Canggar adalah mangganal atawa mangajungnya butuh. Canggar marupaakan kajadian nang manjadi sarat sabalum bajayanya kupulasi atawa hubungan siksual pada binatang nang baisi butuh atawa hémipénis (mamalia wan réptilia). Pada unggas tatantu, tautama bubuhan itik (Anseriformes), canggar ditandai lawan kaluarnya urgan nang kaya tabung mamanjang matan kloaka, saupama sacara tiknis inya kada disambat canggar.

Palir manusia nang canggar rancak manjadi simbul kasuburan atawa simbul kultural lain wan panggambarannya disambat falus.

Canggar jua panyambatan urang Brunai gasan alat kasupanan lalakian nang kajung wan mangaras.

Pisiulugi

Butuh baisi dua satruktur batawas tabung nang mamanjang, disambat corpora cavernosa. Kajungnya butuh tajadi amun darah mangalir wan mahibaki corpora cavernosa marga bamacam-macam tawas rangsangan. Salain nang paling rancak marga rangsangan siksual, kajung pada lalakian kawa tajadi marga tikinan kandung kamih nang hibak. Canggar jua tajadi sacara kada sadar, misalnya wayah guring di dalam pasa REM.