發佈時間：20:40 2024-12-27
由陳家樂、陳曉華、阮浩棕和譚凱琪主演的TVB劇集《異空感應》，贏盡口碑。當中演「Duncan」的阮浩棕，被真正Big Boss「楊醫生」殺死，壯烈犧牲，令不少網民大呼心痛。
而在醫院彌留一幕，阮浩棕臨終前虛弱地微笑著，吐出的最後一句：「我好攰」，還表示最後心願是：「同成家人齊齊整整咁食飯」，這一句，感動萬千網民洗版式留言悼念。
今次阮浩棕演技大爆發，全因入行多年，他一直告訴自己，不能夠辜負嫲嫲梁舜燕的大名，令他不斷鞭策自己，努力向前，琢磨演技。
延伸內容：《異空感應》阮浩棕探訪幼稚園送聖誕福袋行善 被小朋友認出是Duncan哥哥
延伸內容：陳曉華 陳家樂 阮浩棕顏值掀熱話 陳曉華素顏上陣都咁靚 !
延伸內容：爸爸不要老︱阮浩棕被父親狠批「戲屎」崩潰落淚：盼你為我自豪
開心角色成功入屋
對於角色成功入屋，阮浩棕表示感恩，謙稱自己「尚有很多進步空間」。他不會忘記，在去年曾被爸爸阮惠源批評「戲屎」，即使有時表現不俗，爸爸也只是簡單一句「OK啦」！
被問到爸爸今次有甚麼評價？阮浩棕開心說：「爸爸今次終於有讚我喇，佢睇咗我演出，話我做得好，同我講話：『個仔終於識做戲喇』。」
不負「上等孫」身份
不負「上等人」梁舜燕個孫稱號，阮浩棕坦言只希望能對得住這個身份：「我𠵱家冇諗太多喇，當然以前會唔想人哋淨係記得我呢個身份，反而𠵱家接受咗。最近《異空》出街，好多人認識咗Duncan，亦因為呢個角色認識到阮浩棕，但到最後好多人都係依然叫番我『上等孫』。呢一刻我會為呢個身份自豪，亦覺得更加想要對得住呢個身份；嫲嫲在生時成日讚我做得好，好想對得住佢嘅讚賞。」
感激恩情表達感情
今次憑《異空感應》能夠嶄露頭角，近日在《歡樂滿東華》中，又表演揈水髮，為貧苦大眾籌得不少善款，人氣可謂一時無兩。他不忘一位恩重如山的高層對他賞識有加，特別致電給對方，聲淚俱下地表達感謝之情⋯⋯
至於緋聞何沛珈，他就以三個字來形容這段感情。
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
