Tong sampa
![](http://upload.wikimedia.org/wikipedia/commons/thumb/4/44/Trashcan_in_berlin.jpg/220px-Trashcan_in_berlin.jpg)
Tong sampa (basa Inggris: waste container; hurup Arab Gundul: توڠ سمفا) nya'entu tempat bakal ngumpulin sampa bakal sebentaran nyang sokanan kekeja deri besi atawa pelastik.
Di dalem pangkèng, tong sampa lumbrahnya ditaro di dapur bakal muang bekas dapur kaya' kulit buah atawa pelès. Ada gè tong sampa kusus keretas nyang dipaké bakal kantor. Berapa tong sampa ada punya tutupan di palanya bagèn bau sampanya ora kuar. Kebanyakan kudu dibuka sorangan, cuman enni wayah uda banyak nyang maké jejegan bagèn gampangin buka-tutup tong sampanya. Tong sampa dalem pangkèng lajimnya diisiin kerèsèk bakal ngegampangin buang sampanya tepinan ora usah lagi minda-mindain tong sampanya seumpama uda pol, tinggal mawa kerèsèknya, buang kerèsèk pol sampanya, ganti ama kerèsèk anyar. Enni ihwal gampangin wayah buang sampa. Berapa tempat kaya' taman ada punya tong sampa nyang ditaroin di pinggir jalan terus-terusan. Enni ihwal diarepin bakal ngebisain orang bakal ogah buang sampa tambarakan nyang ganggu keèndaan èn kesihatan lingkungan serènta tata krama masarakat bakalan.