Orang Siam
![](http://upload.wikimedia.org/wikipedia/commons/thumb/9/99/Thai_dancer_3_%285795874324%29.jpg/220px-Thai_dancer_3_%285795874324%29.jpg)
Orang Siam (hurup Arab Gundul: اورڠ سيام) atawa dikenalin sebagé orang Tay (hurup Arab Gundul: اورڠ تاي) entu kaum nyang utama deri negeri Muang-Tay. Entu kaum jadi kelompok kaum Siam paling gedé nyang tinggal di Asia Kidul-wètan, Tiongkok bekidul, èn Hindi Lor-wètan. Entu kaum ngomong paké basa Tay nyang ada punya logat di ragem daèra. Orang Siam rerata ngikut agama Buda mashap Térawada.
"Kaum Siam" biasanya menjuntrung Siam Tenga-kidul, Siam Lor (orang Lan Na), èn orang Isan (Siam Lor-wètan). Mangkanya, kadang-kadang dijadiin bakal menjuntrung orang deri negeri Muang-Tay, kaga' cuman kaum Siam.
Kaum Siam tinggal di Muang-Tay ada 60 jutaan. Nyang laènnya ada nyang tinggal di Laos, Malésia, Kemboja, èn Birma uda sederi lama.
Kaum Siam aslinya entu dateng deri daèra Kangsé, Tiongkok. Kaum Siam mulain ngidulin sekitaran abad ke-8 ampé abad ke-10. Dia pada ninggalin lebak kali Caw-Praya. Dia pada kepengaruh ama kaum Mon èn Kamèr, terusannya masup agama Buda. Negara Siam awal-awalnya entu kemasup kerajaan Sukodaya[1] èn daéra karésidènan Suwarnapura[2]. Tay disebut "Siam" ama Kamèr èn tunduk patuh ama kekaèsaran Kamèr. Orang Tay mulain ngembangin kuasa abis kerajaan Ayudaya[3] kebentuk.