Glory Hole

Glory Hole у туалеце.

Glory Hole (ад англ.: glory — слава, гонар, захапленне; hole — дзіра, адтуліна) — адтуліна ў сцяне для пеніса з мэтай здзяйснення ананімных сексуальных кантактаў, часцей за ўсё ў грамадскіх туалетах.

Тэрмін

У англійскай слэнгавай мове тэрмінам glory hole пазначаецца адтуліна ў сцяне паміж прыватнымі відэа-кабінамі ў секс-кінатэатры ці паміж кабінкамі ў грамадскіх туалетах, прызначаная для ананімных сексуальных кантактаў, у першую чаргу — паміж мужчынамі.

Само па сабе словазлучэнне glory hole у англійскай мове мае і іншыя значэнні і пазначае, напрыклад, каморку для непатрэбнага смецця або назіральнае акенца ў шклаварнай печы.

Прызначэнне і выкарыстанне

Glory hole узніклі ў гомасексуальнам асяродку ў часы крымінальнага праследавання геяў. Сёння, калі вялікае развіццё атрымалі знаёмствы праз інтэрнэт, glory hole страцілі сваё значэнне, імі карыстаюцца, як правіла, толькі мужчыны, якія адмаўляюць сваю гомасексуальнасць і таму аддаюць перавагу задавальняць свае тайныя жаданні з дапамогай ананімных кантактаў, пры якіх яны могуць не паказваць свой твар; а таксама мужчыны, якія не вытрымліваюць канкурэнцыі пры іншых спосабах пошуку партнёра з-за сваёй непрывабнасці, узросту і іншых прычын. Для некаторых мужчын такі від секса носіць характар сексуальнай субкультуры.

Glory hole часцей за ўсё знаходзяцца ў грамадскіх туалетах (напрыклад, на вакзалах, у бібліятэках, ва ўніверсітэтах, на паркавальных і запраўных станцыях) ці ў відэа-кабінах у секс-шопах. Такія дзіры праломваюцца падручнымі сродкамі і служаць для ананімных сексуальных кантактаў — у першую чаргу для мінета, а таксама для пранікальных (вагінальных і анальных) кантактаў. Акрамя таго, праз такія дзіры сваю цікавасць могуць задавальняць і вуаерысты. У наш час glory hole выйшлі за межы гомасексуальнай субкультуры. Сцэны з выкарыстаннем glory hole часта з’яўляюцца ў парнаграфічных і эратычных фільмах, кліп «Gloryhole» групы Steel Panther стаў досыць папулярны (звыш 2 млн праглядаў). Яны сустракаюцца, напрыклад, у свінгер-клубах і секс-кінатэатрах, якія наведваюцца і жанчынамі.

У аўстрыйскай сталіцы Вене glory hole выкарыстоўваюцца ў так званых «секс-кабінах», у якіх свае паслугі прапануюць прастытуткі. Секс-кабіны размяшчаюцца ў спецыяльным памяшканні, падзеленым перагародкамі з дзірамі, размешчанымі на ўзроўні геніталіяў. На ўзроўні плячэй пры гэтым часта арганізуецца дэманстрацыя парнаграфічных фільмаў.

Падобнага роду ананімныя сексуальныя кантакты надзвычай небяспечныя, таму што нясуць вялікую рызыку заражэння хваробамі, што перадаюцца палавым шляхам, асабліва ў выпадку неабароненага секса без выкарыстання прэзерватываў.

У сувязі з тым, што карыстанне Glory Hole у грамадскіх месцах звязана з цэлым шэрагам рызык, у наш час выпускаюцца рулонныя шырмы для секса, прызначаныя для выкарыстання ў хатніх умовах, у тым ліку і з пастаяннымі партнёрамі, якія жадаюць такім чынам разнастаіць сваё сексуальнае жыццё.

Гл. таксама

• Darkroom
• Hanky Code
• Катэджынг

Літаратура

• Green, Jonathon. Cassell’s Dictionary of Slang. London: Sterling Publishing. ISBN 0-304-36636-6.
• Humphreys, Laud. Tearoom Trade: Impersonal Sex in Public Places. Aldine Transaction. ISBN 978-0-202-30283-6. (online)

Спасылкі

• На Вікісховішчы ёсць медыяфайлы па тэме Glory Holes
• Glory holes, ці Гледзячы ў «тэлевізар»
• rotten.com: Gloryholes Архівавана 23 чэрвеня 2011. (англ.)