Перайсці да зместу

Ericsson

З Вікіпедыі, свабоднай энцыклапедыі
Ericsson
Тып aktiebolag[d] і публічная кампанія
Лістынг на біржы NASDAQ[1], Стакгольмская фондавая біржа[2] і Стакгольмская фондавая біржа[3]
Заснаванне 1876
Заснавальнікі Ларс Магнус Эрыксан[d]
Краіна
Адрас
Галіна інфармацыйна-камунікацыйныя тэхналогіі[d]
Прадукцыя сеткавае абсталяванне
Чысты прыбытак
  • 12,6 млрд (2011)
Колькасць супрацоўнікаў
  • 101 322 чал. (2021)
Даччыныя кампаніі Marconi Corporation plc[d], Ericsson (Hungary)[d], Ericsson (Italy)[d], Ericsson (Netherlands)[d], Ericsson (Finland)[d], Ericsson Canada[d], Ericsson (Germany)[d], Ericsson Limited[d], Ericsson (Denmark)[d], Ericsson (Norway)[d], Kathrein Mobile Communications[d][5][6] і Setemer Società Elettro Telefonica Meridionale[d]
Сайт ericsson.com (англ.)

Ericsson (Telefonaktiebolaget LM Ericsson) — шведская транснацыянальная кампанія з штаб-кватэрай у Стакгольме, вытворца сеткавага і тэлекамунікацыйнага абсталявання. Кампанія прадае абсталяванне, праграмнае забеспячэнне і паслугі ў галіне інфармацыйна-камунікацыйных тэхналогій, у тым ліку абсталяванне 3G, 4G і 5G, а таксама IP і аптычныя сістэмы. Кампанія налічвае каля 100 000 супрацоўнікаў і працуе ў больш чым 180 краінах[7]. Ericsson мае больш за 57 000 выдадзеных патэнтаў[8].

Кампанія Ericsson унесла вялікі ўклад у развіццё тэлекамунікацыйнай індустрыі і з’яўляецца адным з лідараў у галіне 5G[9].

Ericsson з’яўляецца стваральнікам тэхналогіі Bluetooth[10].

Гісторыя

[правіць | правіць зыходнік]
Ранні тэлефон Ericsson, выраблены кампаніяй Ericsson Telephone Co. Ltd. з Нотынгема, зараз знаходзіцца ў калекцыі Бірмінгемскага музея навукі.

Заснавана ў 1876 годзе Ларсам Магнусам Эрыксанам як майстэрня па рамонце тэлеграфнага абсталявання.

Ларс Магнус Эрыксан пачынаў кар’еру простым рабочым, у 15 гадоў паехаў у Нарвегію працаваць на шахце і вучыцца кавальскаму рамяству, праз паўтары года становіцца майстрам кавальскай справы. Праз шэсць гадоў вяртаецца ў Швецыю, уладкоўваецца ў Стакгольме. 1 красавіка 1876 года Эрыксан са сваім таварышам па ранейшай працы ў «Öllers & Co» Карлам Андэрсанам засноўвае электрамеханічную майстэрню «LM Ericsson & Са» (LME), якая займаецца рамонтам тэлефонных апаратаў і сігнальнага абсталявання. Неўзабаве з’яўляецца і ўласны апарат — настольны тэлефон з магнета і рупарам. Галоўным канкурэнтам былі тэлефонныя апараты амерыканскай кампаніі Bell. У 1881 годзе ствараецца шведская нацыянальная тэлефонная асацыяцыя «Telegrafverket», якая абвясціла конкурс на пастаўку абсталявання паміж «Bell Company» і майстэрняй «LME». Эрыксан, з больш якасным і танным абсталяваннем, перамагае. На працягу пяці наступных гадоў 64 з 93 гарадоў Швецыі былі тэлефанізаваны прадукцыяй «LME». Неўзабаве «Telegrafverket» адкрывае сваю ўласную вытворчасць, і ўзровень продажаў прадукцыі «Ericsson» рэзка падае. У кароткія тэрміны быў наладжаны экспарт тэлефоннага абсталявання ў Нарвегію, Данію, Фінляндыю, Аўстралію і Новую Зеландыю. Шанхай заказвае тэлефонную станцыю. Адкрываецца офіс у Нью-Ёрку і паступае заказ на тэлефанізацыю Мехіка.

Сёння

[правіць | правіць зыходнік]

У 2001 годзе Ericsson разам з японскай кампаніяй Sony на парытэтных пачатках выступіла заснавальнікам кампаніі па вытворчасці сотавых тэлефонаў Sony Ericsson.

У 2011 годзе кампанія Ericsson набыла кампанію Telcordia Technologies за $ 1,15 млрд, дзякуючы чаму пашырыла свой уплыў на рынку сеткавай аптымізацыі і сістэм бізнес-падтрымкі.

Гл. таксама

[правіць | правіць зыходнік]

Крыніцы

[правіць | правіць зыходнік]
  1. ↑ Ericsson // Polygon.io Праверана 21 лютага 2021.
  2. ↑ Ericsson A — NASDAQ.
  3. ↑ Ericsson B — NASDAQ.
  4. ↑ Ericsson // Prikklok van AaBe Wollenstoffenfabriek, Tilburg — 1950. Праверана 22 студзеня 2024.
  5. ↑ https://www.ericsson.com/en/press-releases/2019/10/ericsson-completes-acquisition-of-kathreins-antenna-and-filter-business
  6. ↑ https://www.kathrein.com/en/newsroom/press/archive/announcement/news/restructuring-of-kathrein-group-largely-completed
  7. ↑ Ericsson Annual Report 2020 (англ.). Telefonaktiebolaget LM Ericsson. Праверана 10 студзеня 2023.
  8. ↑ Ericsson Annual Report 2020 (англ.). Telefonaktiebolaget LM Ericsson. Праверана 10 студзеня 2023.
  9. ↑ Ericsson Nips Huawei, Nokia in Gartner's 5G Vendor Ranking (англ.). SDxCentral. SDxCentral, LLC (24 лютага 2021). Праверана 10 студзеня 2023.
  10. ↑ Presenting the (economic) value of patents nominated for the European Inventor Award 2012 (англ.). Technopolis Group (30 сакавіка 2012). Праверана 10 студзеня 2023.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Ericsson&oldid=4748730"