Canyon Bicycles
Canyon Bicycles GmbH | |
---|---|
![]() | |
![]() | |
Тып | Gesellschaft mit beschränkter Haftung[d] |
Заснаванне | 2002 |
Заснавальнікі | Roman Arnold[d] |
Краіна | |
Адрас | |
Ключавыя постаці | Роман Арнальд (CEO) |
Прадукцыя | cпартыўныя веласіпеды |
Абарот |
|
Колькасць супрацоўнікаў | 800+[1] (кастрычнік 2016) |
Дэвіз | Pure Cycling і Pure Cycling |
Сайт | www.canyon.com |
![](http://upload.wikimedia.org/wikipedia/commons/thumb/6/62/Canyon_hq.jpg/250px-Canyon_hq.jpg)
Canyon Bicycles GmbH (скарочана: Canyon) — нямецкі вытворца гоначных веласіпедаў, горных і трыятлонных ровараў, што базуецца ў Кобленцы, Германія.
Гісторыя кампаніі
[правіць | правіць зыходнік]У 1985 годзе Раман Арнольд і яго брат Франк Арнольд (які больш не звязаны з кампаніяй) заснавалі Radsport Arnold GmbH, каб займацца пастаўкамі веласіпедных частак для ровараў. І толькі ў 1996 годзе з’явіліся першыя ровары з маркай Canyon. Radsport Arnold пачаў выкарыстоўваць стратэгію прамых продажаў праз Інтэрнэт.
У 2001 годзе кампанія перапрафілявалася з пастаўшчыка на вытворцу ровараў і змяніла назву на Canyon Bicycles GmbH. З Луцам Шэфэрам (раней працаваў з Bergwerk і Votec) Canyon пачаў займацца дызайнам рамаў. У наступныя некалькі гадоў фірма, што базуецца ў Кобленцы, Германія, змагла наняць Ханса Крысціяна Смоліка і іншых спецыялістаў па стварэнню ровараў.
![Endurace AL Disc 7.0](http://upload.wikimedia.org/wikipedia/commons/thumb/c/c5/Canyon_Endurace_AL_Disc_7.0_%28%D0%BC%D0%B0%D0%B4%D1%8D%D0%BB%D1%8C_2020_%D0%B3%D0%BE%D0%B4%D0%B0%29.jpg/220px-Canyon_Endurace_AL_Disc_7.0_%28%D0%BC%D0%B0%D0%B4%D1%8D%D0%BB%D1%8C_2020_%D0%B3%D0%BE%D0%B4%D0%B0%29.jpg)
У 2006 годзе Canyon прадставіла свой новы карпаратыўны дызайн, які таксама атрымаў некалькі ўзнагарод у 2007 годзе (European Design Award за карпаратыўны дызайн, red dot design awards за карпаратыўны і вэб-дызайн, iF Product Design Award за карпаратыўны дызайн).
Удзел у веласпорце і трыятлоне
[правіць | правіць зыходнік]Radsport Arnold займаўся элітным спортам з самага пачатку. У 1985 годзе кампанія упершыню паспяхова падпісалана са спартсменам Юргенам Зэкам.
У галіне велагонак кампанія супрацоўнічае з рознымі камандамі. У 2007 годзе кампанія ўпершыню абсталявала каманду Unibet.com, якая прыняла ўдзел у UCI ProTour. У апошнія гады Katusha-Alpecin (існавала да 2019 года) і Movistar спаборнічалі на гоначных роварах Canyon. Самы вялікі прыз, які калі-небудзь выйгравалі на ровары Canyon, атрымаў Найра Кінтана, які стаў пераможцам 2014 года ў Giro d’Italia. Ён спаборнічаў на ровары з рамай Ultimate CF SLX у дарожных этапах і Speedmax CF — для спаборніцтвах на час (time trials). Іншыя дасягненні на роварах Canyon уключаюць перамогу Кадэла Эванса у 2009 World Professional Road Race Championship за каманду Silence-Lotto, перамогу Аляксандра Крыстафа ў 2014 годзе на двух этапах Тур дэ Франс і перамогі 2015 года Яна Фрадэна на Ironman European Championship 2015 у Франкфурце і на Ironman World Championship на Гаваях. У жніўні 2015 года было абвешчана, што з 2016 года Canyon будзе спонсарам новай жаночай каманды вышэйшага ўзроўню пад кіраўніцтвам былых спартыўных дырэктараў каманды Velocio-SRAM Pro Cycling Роні Лаўкэ (Ronny Lauke) і Beth Duryea.[4] У снежні 2016 года было абвешчана, што яны будуць спансаваць брытанскую каманду Canyon DHB p/b Soreen (першапачатковая назва — Bike Channel-Canyon), якая мае статус UCI Continental.[5]
Брэнд падтрымлівае не толькі трыятланістаў і гоначных веласіпедыстаў, але і горных веласіпедыстаў. Першымі вядучымі спартоўцамі, хто падпісаў кантракт з Canyon, былі Бобі Рут (Bobby Root) і Стэфан Герман (Stefan Herrmann), а таксама браты Фумік (Fumic) у 2006 годзе. Кампанія была, такім чынам, прадстаўлена прафесійнымі гоншчыкамі ва ўсіх дысцыплінах горнага веласіпеда.
Адным з найвышэйшых дасягненняў на сённяшні дзень для Canyon у дысцыпліне горных ровараў была перамога ў нямецкім крос-кантры чэмпіянаце Мануэля Фуміка ў 2008 годзе.
Другога чэрвеня 2019 года эквадорац Рычард Карапаз выйграў Джыра-д’Італія (другую па прэстыжнасці гонку пасля Тур дэ Франс) на ровары Canyon. Падчас прабегу Giro ён быў узнагароджаны ружовым роварам Canyon (колер лідара), які выкарыстоўваўся на адным з этапаў.
Canyon мае праграму развіцця моладзі пад назвай Canyon Young Heroes. Веласіпедысты ва ўзросце ад 15 да 16 гадоў могуць падаць заяву, каб быць прынятым у каманду. У выпадку поспеху яны атрымоўваюць поўны ровар з вугляроднага валакна і тэхнічную падтрымку не менш як на адзін год. Настаўнікам Canyon Young Heroes з’яўляецца былы вядучы спрынтар Эрык Цабэль (Erik Zabel).
Адмысловыя ровары
[правіць | правіць зыходнік]2004 г. Project 3.7: самы лёгкі ў той час гоначны ровар агульнай вагой 3,7 кг.
2006 г. Project 6.8: гоначны ровар з дыскавымі тармазамі з масай 6,8 кг — найменшая вага, дазволеная UCI Pro Tour.
2007 г. Project 0.05: ровар для трыятлону, які адрозніваецца вельмі нізкім узроўнем супраціўлення ветру дзякуючы такім рашэнням, як убудаваныя ў раму тармазы і сістэма для пітва, убудаваная ў руль.
2008 г. Project 0.01: гоначны ровар з поўнай падвескай, які, дзякуючы высокаму ўзроўню камфорту, здымае ціск на мышцы раварыста падчас максімальных намаганняў.
2009 г. Project S5: Першы горны ровар быў фрырайдным веласіпедам вагой менш за 12 кг. Ён прызначаўся для паездак у высокіх гарах, дзе ёсць працяглыя адрэзкі і складаныя спускі.
Іншыя брэнды
[правіць | правіць зыходнік]У Швейцарыі ровары Canyon доўгі час называліся Pure Cycling, бо гандлёвая марка Canyon ужо была занятая іншым вытворцам ровараў.
Зноскі
- ↑ Numbers & Facts(недаступная спасылка). Архівавана з першакрыніцы 3 ліпеня 2016. Праверана 25 November 2016.
- ↑ https://www.canyon.com/de-de/about/imprint.html
- ↑ https://www.handelsblatt.com/unternehmen/industrie/fahrraeder-fahrradproduzent-canyon-waechst-deutlich-schneller-als-der-markt/29035378.html Праверана 29 ліпеня 2022.
- ↑ News shorts: Vuillermoz wins Rio Olympics test event (17 жніўня 2015).
- ↑ Elton-Walters. New British Continental squad Bike Channel-Canyon launched (1 снежня 2016).