Activision

Activision
Тып	дэлаверская карпарацыя[d]
Заснаванне	1 кастрычніка 1979
Заснавальнікі	Larry Kaplan[d], Bob Whitehead[d] і David Crane[d]
Краіна	ЗША
Адрас	Санта-Моніка
Галіна	індустрыя камп’ютарных гульняў[d]
Прадукцыя	праграмнае забеспячэнне
Матчына кампанія	Activision Blizzard[d]
Даччыныя кампаніі	Radical Entertainment[d], Infinity Ward, Beenox[d], Raven Software[d], Sledgehammer Games[d], Treyarch і Demonware[d]
Сайт	activision.com (англ.)

Activision, Inc (NASDAQ: ATVI) — амерыканская кампанія па выданні і распрацоўцы камп’ютарных і відэагульняў. Заснавана 1 кастрычніка 1979 года. Кампанія стала першым незалежным распрацоўшчыкам гульняў для гульнявых прыставак і персанальных камп’ютараў. Першай прадукцыяй кампаніі сталі гульнявыя картрыджы для Atari 2600. Зараз гэта адзін з найбуйнейшых выдаўцоў гульняў, які саступае па велічыні толькі Electronic Arts.

Гісторыя

Да з’яўлення Activision, праграмнае забеспячэнне для гульнявых прыставак выдавалася выключна кампаніямі-стваральнікамі сістэм, для якіх прызначаліся гэтыя гульні. Напрыклад, Atari была адзіным выдаўцом гульняў для Atari 2600. Гэта выклікала моцную незадаволенасць распрацоўшчыкаў гульняў, бо яны не атрымлівалі вялікае ўзнагароджанне за выдатна зробленыя гульні, і нават не згадваліся ў друкаваных матэрыялах да гульняў. Пасля таго, як некалькі гульняў сталі бестселерамі, што дало прыбытак у мільёны долараў, некалькі праграмістаў пакінулі кампанію. Activision стала першым альтэрнатыўным распрацоўшчыкам гульняў.

Activision была заснавана Джымам Леві (Jim Levy), які прыйшоў з музычнай індустрыі, і чатырма праграмістамі, якія пакінулі Atari — Дэвідам Крэйнам (David Crane), Лары Капланам (Larry Kaplan), Аланам Мілерам (Alan Miller) і Бобам Уайтхедам (Bob Whitehead). Леві падтрымаў падыход, пры якім імёны аўтараў гульні згадваюцца разам з самой гульнёй.

Сыход з Atari чатырох праграмістаў, гульні якіх забяспечвалі на той час больш паловы прыбытку з продажу картрыджаў, прывёў да судовых разбіральніцтваў паміж дзвюма кампаніямі. Калі на рынку гульнявых прыставак пачаўся спад, Activision пашырылася, распачала кірунак гульняў для хатніх камп’ютараў, а таксама павыкупіла невялікіх выдаўцоў.

У 1982 ў Activision выпусціла Pitfall!, якая лічыцца адной з першых гульнёй-платформерам, і яна стала лепшай па продажах гульнёй для Atari 2600 (прададзена больш за 4 млн. копій).

У 1985 ў Activision аб’ядналася з Infocom — кампаніяй-піянерам тэкставых адвентур. Джым Леві быў фанатам гульняў Infocom і жадаў, каб гэтая кампанія засталася. Праз шэсць месяцаў пасля аб’яднання, Брус Дэвіс (Bruce Davis) стаў на чале Activision. Ён быў супраць аб’яднання з самага пачатку. Ён правёў змены ў маркетынгавай палітыцы кампаніі, у выніку чаго продажы гульняў Infocom рэзка знізіліся. У 1989 годзе Activision закрыла студыю Infocom ў Кембрыджы і прапанавала 11-ці з 26 супрацоўнікаў студыі перабрацца ў штаб-кватэру кампаніі ў Сіліконавай даліне; пяць з іх пагадзіліся.

У 1988 годзе ў кампаніі пачаліся спробы ўдзелу ў іншых відах распрацоўкі ПА, у прыватнасці, у распрацоўцы бізнес-дадаткаў. Для гэтага Activision нават змяніла назву на Mediagenic, каб адлюстраваць у ёй разнастайнасць відаў дзейнасці кампаніі. Нягледзячы на перайменаванне, Mediagenic працягвала шырока выкарыстоўваць брэнд Activision пры выданні гульняў для розных платформ. Новая прадукцыя прывяла кампанію да неабходнасці абароны па артыкуле 11 закона ЗША аб банкруцтве.

Правал Mediagenic прывёў да рэарганізацыі і аб’яднання з The Disc Company. Пасля выхаду з працэсу банкруцтва, Mediagenic зноў змяніла назву на Activision, гэта адбылося ў Дэлаверы ў 1992 годзе. На гэты момант штаб-кватэра кампаніі была перанесена з Сіліконавай даліны ў Паўднёвую Каліфорнію. У ходзе банкруцтва, кампанія працягвала распрацоўваць гульні для PC і гульнявых прыставак, і працягвала рабіць стратэгічныя набыцці. Пасля гэтага Activision вырашыла сканцэнтравацца выключна на відэагульнях.

Аб’яднанне кампаній з Vivendi

У снежні 2007 года было абвешчана, што Activision аб’ядноўваецца з Vivendi Games, якой належыць Blizzard, распрацоўшчык і выдавец гульняў, і зліццё кампаній скончылася ў ліпені 2008. Новую кампанію назвалі Activision Blizzard, ўзначальваецца ранейшым прэзідэнтам Activision Бобі Котыкам. Vivendi — самы вялікі акцыянер у новай групе.

Даччыныя прадпрыемствы

• Beenox — Квебек-сіці, Квебек, Канада
• Bizarre Creations — Ліверпуль, Вялікабрытанія
• Infinity Ward — Лос-Анджэлес, Каліфорнія
• Luxoflux — Санта-Моніка, Каліфорнія
• Neversoft — Лос-Анджэлес, Каліфорнія
• Raven Software — Медысан, Вісконсін
• RedOctane — Санівейл, Каліфорнія
• Toys For Bob — Навата, Каліфорнія
• Treyarch — Санта-Моніка, Каліфорнія
• Vicarious Visions
• Z-Axis — Фостэр-Сіці, Каліфорнія
• Sledgehammer Games — Фостэр-Сіці, Каліфорнія

Да студыям, часта супрацоўнічаюць з Activision, але не з’яўляюцца даччынымі кампаніямі, можна аднесці Magic Wand Productions, FUN Labs і Sand Grain Studios.

Найбольш значныя гульні

• Kaboom! (1981)
• Barnstorming (1981)
• River Raid (1982)
• Pitfall! (1982) (для Atari 2600)
• Pitfall II: Lost Caverns (1984)
• Hacker (1985)
• DeathTrack (1986)
• Galaxy 5000 (1991)
• The Lost Treasures of Infocom (1991), The Lost Treasures of Infocom II (1992)
• MechWarrior 2: 31st Century Combat (1995)
• Quake (1996) і серыя Quake
• Interstate '76 (1997)
• Battlezone (1998)
• Civilization: Call to Power (1999)
• Tony Hawk's Pro Skater(1999)
• Star Trek: Armada (2000)
• Return to Castle Wolfenstein (2001)
• Star Trek: Bridge Commander (2002)
• Star Wars Jedi Knight II: Jedi Outcast (2002)
• Star Wars Jedi Knight: Jedi Academy (2003)
• Call of Duty (2004)
• Doom 3 (2004)
• Rome: Total War (2004)
• Vampire: The Masquerade - Bloodlines (2004)
• X-Men Legends (2004)
• Call of Duty 2 (2005)
• Gun (2005)
• The Movies (2005)
• Ultimate Spider-Man (2005)
• X-Men Legends II: Rise of Apocalypse (2005)
• Call of Duty 3 (2006)
• Guitar Hero 2 (2006)
• Marvel: Ultimate Alliance (2006)
• Tony Hawk's Downhill Jam (2006)
• Tony Hawk's Project 8 (2006)
• X-Men: The Official Game (2006)
• Spider-Man 3 (2007)
• Call of Duty 4 (2007)
• Call of Duty 5 (2008)
• Call of Duty: Modern Warfare 2 (10 лістапада 2009)
• Prototype(2009)
• Blur (2010)
• Singularity (2010)
• Call of Duty: Black Ops (9 лістапада 2010)

Спасылкі

• Афіцыйны сайт Activision (англ.)