AMX-10RC
| AMX-10RC | |
|---|---|
 | |
| Бітва | |
| Краіна паходжання | |
| Вытворца | KNDS France[d] |
| Усяго выраблена | 457 |
| Дата прыняцця ў эксплуатацыю | 1981 |
| Даўжыня |
|
| Шырыня | 2 950 міліметр |
 Медыяфайлы на Вікісховішчы | |
.svg){kind=small}
AMX-10RC («RC» значыць «Roues-Canon» або «колавая гармата»[1]) — браніраваная разведвальная машына[2].
Распрацавана ў 1970-х гадах для замены бронемашыны Panhard EBR[3]. На ўзбраенне французскіх войск AMX-10RC быў прыняты ў 1977 годзе[4].
Апісанне
[правіць | правіць зыходнік]Корпус
[правіць | правіць зыходнік]
Машына мае лёгкае браніраванне. Корпус выкананы са зварной брані з алюмініевага сплаву. Браня забяспечвае абарону ад аскепкаў артылерыйскіх снарадаў і аўтаматычнай зброі сярэдняга калібру. Вежа ўстаноўлена па цэнтры корпуса. Прыводзіцца ў рух пры дапамозе гідраўлічнай помпы SAMM CH49 з прывадам ад электрарухавіка, які працуе ад генератара сілавога агрэгата. У задняй частцы вежы ўсталявана сістэма абароны ад зброі масавага паражэння, якая падтрымлівае падвышаны ціск у баявым аддзяленні.
Экіпаж складаецца з чатырох чалавек. Месцы камандзіра і наводчыка размяшчаюцца ў баявым аддзяленні справа, месца зараджаючага — злева. Кіроўца месціцца ў пярэдняй частцы корпуса з левага боку.
Рухавік усталяваны ў задняй частцы.
Узбраенне і абсталяванне
[правіць | правіць зыходнік]Асноўнае ўзбраенне складаецца з 105-мм паўаўтаматычнай гарматы Model F2 або BK MECA калібру 105 мм. Ужыты паўаўтаматычны затвор з вертыкальным клінам, які дазваляе аўтаматычна выкідваць гільзу пасля стрэлу[5]. Злева ад асноўнага ўзбраення спарана ўсталяваны 7,62-мм кулямёт, яшчэ адзін — на даху вежы. З двух вуглоў у тыльнай частцы вежы размешчаны па два 80-мм дымавыя гранатамёты.
-
Кулямёт -
Дымавыя гранатамёты
Машына абсталявана сістэмай кіравання агнём Safran M401 COTAC (аўтаматычнае кіраванне агнём для танкаў) у спалучэнні з лазерным дальнамерам APX M550, распрацаваным CILAS[6].
Сілавы агрэгат
[правіць | правіць зыходнік]На машыне ўсталяваны рухавік, каробка перадач і рулявы дыферэнцыял ад баявой машыны пяхоты AMX-10P. Рухавік — дызельны, Baudouin GF-11SX, магутнасцю 280 конскіх сіл.
Хадавая частка
[правіць | правіць зыходнік]Шасі мае шэсць апорных каткоў. Падобна гусенічнай тэхніцы, AMX-10RC таксама можа разварочвацца на месцы на 360 градусаў. Гідрапнеўматычная падвеска дазваляе паднімаць або апускаць корпус машыны.
Максімальная хуткасць на дарогах — каля 85 км/г. Запас ходу складае каля 800 км. Двума вадамётамі забяспечваецца рух па вадзе, максімальная хуткасць — 7,2 км/г.
Мадэрнізацыя
[правіць | правіць зыходнік]_(2).jpg)
У снежні 2000 года французская армія заключыла кантракт на абнаўленне 256 машын. Мадэрнізацыя, якая атрымала пазначэнне AMX-10RCR, уключае дадатковае браніраванне, аўтаматычную трансмісію, новую электрагідраўлічную сістэму кіравання падвескай, інфармацыйную сістэму кіравання полем бою, сістэму самаабароны Galix, сістэму папярэджання аб лазерным апраменьванні, сістэму радыёлакацыйнага апазнавання, прыбор начнога бачання і радыёстанцыю PR4G. Машыну абсталявалі новым сілавым агрэгатам, уключаючы больш магутны рухавік і новую трансмісію. Дзеля эканоміі вагі прабралі вадамётныя рухачы[3][7].
На ўзбраенні
[правіць | правіць зыходнік]
Дзяржавы, на ўзбраенні якіх знаходзіцца AMX-10RC (станам на 2024 год):
Францыя: 210 адз.;[8]
Марока: 80 адз.;[9]
Украіна: 35 адз.;[10]
Катар: 12 адз.;[11]
Камерун: 6 адз.[12]
Баявое выкарыстанне
[правіць | правіць зыходнік]AMX-10RC выкарыстоўваўся французскай арміяй у Чадзе падчас аперацыі «Манта» ў 1983—1984 гадах, у Персідскім заліве падчас аперацыі «Бура ў пустыні» і ў Косаве. Першае прымяненне AMX-10RCR адбылося ў 2006 годзе ў Кот-д’Івуары ў складзе Французскага Замежнага легіёна. Таксама AMX-10RCR ужываўся ў Афганістане і Малі. У 2023 годзе партыя машын была перададзена Украіне[3][7].
Ацэнка
[правіць | правіць зыходнік]Паводле задумы стваральнікаў, машына павінна была спалучаць супрацьтанкавае ўзбраенне і высокую хуткасць і мабільнасць. У часы, калі машына была прадстаўлена, узбраенне лічылася магутным, аднак супраць сучасных асноўных баявых танкаў яго эфектыўнасці недастаткова. Лёгкае браніраванне не дазваляе выкарыстоўваць AMX-10RC для прарыву ўмацаванняў праціўніка. Такім чынам, асноўная роля AMX-10RC — разведка і агнявая падтрымка[1][13][14].
Крыніцы
[правіць | правіць зыходнік]- ↑ а б Kyle Mizokami. It Has a Turret and a Big Gun, and Is on the Way to Ukraine. But Is It a Tank? (англ.). Popular Mechanics (10 студзеня 2023). Праверана 6 жніўня 2024.
- ↑ La programmation militaire pour les années 2003 à 2008. senat.fr. Праверана 20 ліпеня 2020.
- ↑ а б в AMX-10RC. Wheeled 6x6 reconnaissance anti-tank armored vehicle - France (англ.). armyrecognition.com (31 ліпеня 2024). Праверана 6 жніўня 2024.
- ↑ Marc Chassillan, " L’AMX 10 RC ", Raids, hors-série, vol. 20 " Les chars léger en action 2e partie ", 2006, p. 39 (ISSN 0769-4814)
- ↑ F2 (MECA) (фр.). www.army-guide.com. Праверана 15 жніўня 2019.
- ↑ Opérations Spéciales N°12 mar/avr 2015 - Page 46 - 47(недаступная спасылка). 1001mags (mar/avr 2015). Архівавана з першакрыніцы 15 ліпеня 2023. Праверана 15 жніўня 2019.
- ↑ а б AMX-10RCR. Upgraded 6x6 wheeled reconnaissance anti-tank armored vehicle - France (англ.). armyrecognition.com (23 ліпеня 2024). Праверана 6 жніўня 2024.
- ↑ IISS 2024, с. 92.
- ↑ IISS 2024, с. 374.
- ↑ IISS 2024, с. 212.
- ↑ IISS 2024, с. 380.
- ↑ IISS 2024, с. 478.
- ↑ Analysis: What are combat capabilities of French AMX-10RC for Ukraine against Russian tanks (англ.). armyrecognition.com (15 сакавіка 2023). Праверана 7 жніўня 2024.
- ↑ The Ukrainian Marine Corps’ AMX-10RC Recon Vehicles Didn’t Last Long in A Frontal Assault On Russian Defenses (англ.). Forbes (14 чэрвеня 2023). Праверана 7 жніўня 2024.
Літаратура
[правіць | правіць зыходнік]- The International Institute for Strategic Studies. The Military Balance 2024 (англ.). — London: Routledge, 2024. — ISBN 978-1-032-78004-7.
Спасылкі
[правіць | правіць зыходнік]- La page de l'AMX-10RC sur Army-Technology (англ.).
- Fiche technique AMX-10RC. Strategic-Bureau.
- AMX-10RC. Wheeled 6x6 reconnaissance anti-tank armored vehicle - France (англ.). armyrecognition.com (31 ліпеня 2024). Праверана 6 жніўня 2024.
- AMX-10RCR. Upgraded 6x6 wheeled reconnaissance anti-tank armored vehicle - France (англ.). armyrecognition.com (23 ліпеня 2024). Праверана 6 жніўня 2024.
- Kyle Mizokami. It Has a Turret and a Big Gun, and Is on the Way to Ukraine. But Is It a Tank? (англ.). Popular Mechanics (10 студзеня 2023). Праверана 6 жніўня 2024.
.svg){kind=small}
.svg){kind=small}
