Электраскоп

Прасцейшы электраскоп

Электраско́п — прасцейшая прылада, што выкарыстоўваецца для вызначэння электрычнага зарада. Дзеянне электраскопа заснавана на тым, што аднайменныя зарады адштурхоўваюцца.

Электраскоп складаецца з ізаляванага металічнага стрыжня (звычайна з металічным шарыкам на верхнім канцы), да якога знізу замацаваны адзін або два лёгкія металічныя пялёсткі. Стрыжань з пялёсткамі змешчаны у шкляную ёмістасць. Пры дачыненні зараджанага цела да стрыжня (шарыка) электраскопа частка электрычнага зарада перадаецца яго пялёсткам, якія адштурхоўваюцца адзін ад аднаго (у электраскопе з адным пялёсткам — пялёстак адштурхоўваецца ад стрыжня). Аб велічыні зарада можна меркаваць па велічыні адхілення пялёсткаў электраскопа ад першапачатковага становішча.

Гл. таксама

• Электрометр
• Электрычны зарад
• Электрастатыка

Літаратура

• Электраскоп // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1). — С. 90.

Спасылкі

• На Вікісховішчы ёсць медыяфайлы па тэме Электраскоп