ФК Эвертан

Эвертан
Эвертан
Поўная назва	Everton Football Club
Мянушкі	Ірыскі
Заснаваны	1878
Горад	Ліверпул, Англія
Стадыён	Гудысан Парк; Умяшчальнасць: 40 157
Уладальнік	Фарад Машыры[d] і 777 Partners[d]
Галоўны трэнер	Шон Дайч[d];
Чэмпіянат	Прэм’ер-ліга
2022/23	17 месца
Сайт	evertonfc.com (англ.)

«Эвертан» (англ.: Everton Football Club) — англійскі футбольны клуб з горада Ліверпул. Клуб выступае ў англійскай Прэм’ер-лізе. У вышэйшай лізе краіны правёў найбольшую колькасць сезонаў. 9-разовы чэмпіён Англіі. Эвертан гуляе ў вышэйшым дывізіёне з 1954 года і з’яўляецца адным з заснавальнікаў Прэм’ер-лігі ў 1992 годзе. Клуб быў створаны ў 1878 годзе, стаўшы членам-заснавальнікам Футбольнай лігі па футболе ў 1888 годзе. Сваёй першай перамогі клуб дасягнуў праз два сезоны. Пасля чатырох чэмпіёнскіх тытулаў і дзвюх перамог у розыгрышы Кубка Англіі, «Эвертан» зведаў некаторае зацішша ў гады пасля Другой сусветнай вайны, а потым два перыяды адраджэння ў 1960-х гадах, калі клуб дамогся дзвюх перамог у чэмпіянаце і адной у кубку. У сярэдзіне 1980-х клуб перажыў апошні перыяд поспеху: «Эвертан» двойчы перамог у чэмпіянаце, стаў уладальнікам Кубка Англіі і ўладальнікам у 1985 годзе свайго першага кантынентальнага трафея — Кубка ўладальнікаў Кубкаў. Апошнім трафеем клуба застаецца перамога ў Кубку Англіі 1995 года.

Прыхільнікаў клуба называюць «эвертаніянамі» (англ.: Evertonians). «Эвертан» мае вялікую колькасць заўзятараў, рэгулярна прыцягваючы на стадыён у сярэднім па 36 тысяч чалавек за гульню, што складае 95 % ад агульнай ёмістасці стадыёна^[2]. «Эвертан» мае прыкметнае суперніцтва з суседзямі «Ліверпулам», матчы паміж абодвума клубамі называюць Мерсісайдскім дэрбі. «Ліверпул» быў сфарміраваны ў 1892 годзе адрынутай групай, якая складалася з экс-прэзідэнта «Эвертана» і некалькіх ігракоў. Канфлікт паміж бакамі прывёў да сыходу «Эвертана» з «Энфілда», цяперашняга стадыёна «Ліверпула», які на той час з’яўляўся хатняй арэнай «Эвертана».

Гісторыя

Заснаванне

«Эвертан» быў заснаваны ў 1878 годзе пры англіканскай царкве Святога Дамінга ў раёне Ліверпула Эвертан^[3]. Пачынаючы з 1876 года, прыхаджане царквы летам гулялі ў крыкет, але ў яго было немагчыма гуляць зімой, таму яны звярнулі свой погляд на футбол. Першапачаткова клуб атрымаў назву «Сент-Дамінга» (англ.: St. Domingo’s Football Club), але неўзабаве стаў прыцягваць цікавасць людзей, якія жывуць не толькі каля царквы, з-за чаго ў лістападзе 1879 года на сходзе ў гатэлі «Queen’s Head» было прынята рашэнне аб перайменаванні клуба ў «Эвертан».

Свае першыя матчы «Эвертан» гуляў на полі Стэнлі Парку, але калі колькасць гледачоў, якія хадзілі на матчы клуба, стала імкліва расці, клуб быў вымушаны пераехаць на новы стадыён, і ў 1882 годзе ім стаў «Праеры Роўд». Аднак праз нейкі час уладальнік поля, якому не падабалася, што ў дні матчаў заўзятары занадта шумяць, папрасіў каманду пакінуць яго, і прэзідэнт клуба Джон Хоўлдынг за невялікую суму арандаваў дзялянку зямлі на «Энфілд Роўд» у свайго сябра Джона Орэла. Першы свой матч на «Энфілдзе» клуб правёў 28 верасня 1884 года супраць клуба «Эрлзтаўн» і атрымаў перамогу з лікам 5:0.

Футбольная ліга

У 1888 годзе «Эвертан» увайшоў у лік заснавальнікаў Футбольнай лігі. Першы сезон склаўся для каманды не вельмі ўдала, і «Эвертан» заняў толькі восьмае месца, але ўжо ў наступным годзе «Эвертан» стаў другім, а яшчэ праз год клуб упершыню ў сваёй гісторыі стаў чэмпіёнам Англіі.

Тым часам Хоўлдынг, які да таго часу быў ужо ўладальнікам стадыёна, стаў спрабаваць усё больш і больш нажывацца на «Эвертане», падвысіўшы кошт арэнды клубам стадыёна^[4]. У выніку аднаго з сходаў футбольнага клуба было вырашана, што Хоўлдынг будзе звольнены, а «Эвертан» пакіне «Энфілд» і перабярэцца на «Гудысан Парк». Хоўлдынг і Орэл жа, застаўшыся са стадыёнам, але без клуба, вырашылі стварыць новы клуб — «Ліверпул». Апошні свой матч на «Энфілдзе» «Эвертан» згуляў 18 красавіка 1892 года супраць «Болтана».

Пасля пераезду на «Гудысан Парк» «Эвертану» чатыры разы ўдалося дасягнуць фіналу Кубка Англіі да Першай сусветнай вайны — у 1893, 1897, 1906 і 1907 гадах. Але скарыўся «Эвертану» трафей толькі аднойчы. 21 красавіка 1906 года «Эвертан» здолеў перамагчы «Ньюкасл Юнайтэд» з лікам 1:0. Астатнія тры фіналы былі прайграны «Вулверхэмптану», «Астан Віле» і «Шэфілд Уэнсдэй» адпаведна.

Другі тытул чэмпіёна краіны «Эвертан» здолеў заваяваць у сезоне 1914/15, які стаў апошнім перад Першай сусветнай вайной.

Стадыён

Першапачаткова «Эвертан» гуляў на полі Стэнлі Парку. Паступова колькасць гледачоў, якія прыходзілі на матчы клуба, расла. Да 1882 года іх лік перавышаў 2 тысячы чалавек, у выніку чаго «Эвертан» пераехаў на «Праеры Роўд», аднак ужо праз год новым стадыёнам клуба стаў «Энфілд». На «Энфілдзе» «Эвертан» гуляў да 1892 года, пакуль прэзідэнт клуба і ўладальнік стадыёна Джон Хоўлдынг ва ўласных інтарэсах не вырашыў павысіць арэндавы кошт поля. Неўзабаве пасля гэтага «Эвертан» пераехаў на новы стадыён «Міер Грын», які потым быў перайменаваны ў «Гудысан Парк». Джон Хоўлдынг жа стаў ініцыятарам узнікнення новага клуба — «Ліверпул».

«Гудысан Парк» стаў першым стадыёнам у Англіі, прызначаным толькі для футбола^[5]. У 1966 годзе стадыён прыняў пяць матчаў чэмпіянату свету. Ніводзін іншы стадыён, за выключэннем «Уэмблі», не прымаў гэтак шмат гульняў чэмпіянату. Умяшчальнасць «Гудысан Парку» складае 40 157 чалавек, а памеры поля — 112×78 метраў.

Дасягненні

Чэмпіён Англіі: 9
- 1891, 1915, 1928, 1932, 1939, 1963, 1970, 1985, 1987
Уладальнік Кубка Англіі: 5
- 1906, 1933, 1966, 1984, 1995
Суперкубак Англіі па футболе: 9
- 1928, 1932, 1963, 1970, 1984, 1985, 1986 (разам з «Ліверпулам»), 1987, 1995
Уладальнік Кубка ўладальнікаў Кубкаў: 1
- 1985
Першы дывізіён: 1
- 1931
Малочны Кубак: 2
- 1995, 2002

Склад

Станам на люты 2024 года.


№	Паз.	Імя	Нар.
1	Бр	Джордан Пікфард	1994
2	Аб	Нейтан Патэрсан	2001
5	Аб	Майкл Кін	1993
6	Аб	Джэймс Таркоўскі	1992
7	Нап	Дуайт Мак-Ніл	1999
8	ПА	Амаду Анана	2001
9	Нап	Дамінік Кэлверт-Льюін	1997
10	Нап	Арно Данжума	1997
11	Нап	Джэк Гарысан	1996
12	Бр	Жуан Віржынія	1999
14	Нап	Бету	1998
16	ПА	Абдулай Дукурэ	1993
18	Аб	Эшлі Янг	1985


№	Паз.	Імя	Нар.
19	Аб	Віталь Міколенка	1999
20	ПА	Дэле Алі	1996
21	ПА	Андрэ Гоміш	1993
22	Аб	Бен Годфры	1998
23	Аб	Шэймус Коўлман (капітан)	1988
27	ПА	Ідрыса Гее	1989
28	Нап	Юсеф Шэрміты	2004
31	Бр	Эндзі Лонерган	1983
32	Аб	Джарэд Брантуэйт	2002
37	ПА	Джэймс Гарнер	2001
43	Бр	Білі Крэлін	2000
61	Нап	Льюіс Добін	2003
62	ПА	Тайлер Аньянга	2003

Вядомыя ігракі

Рэкардсмены

Па колькасці гульняў за «Эвертан»:

Невіл Саўтгол — 750 гульняў (1981—1998)
Браян Лабаўн — 534 гульні (1958—1971)
Дэйв Уотсан — 528 гульняў (1986—2001)
Тэд Сагар — 497 гульняў (1929—1953)
Кевін Рэткліф — 423 гульні (1980—1992)

Па колькасці забітых мячоў за «Эвертан»:

Дзіксі Дзін — 383 мячы (1925—1937)
Грэм Шарп — 159 мячоў (1980—1991)
Боб Лэтчфорд — 138 мячоў (1974—1981)
Алекс Янг — 125 мячоў (1960—1968)
Джо Ройл — 119 мячоў (1966—1974)

Крыніцы

↑ https://www.transfermarkt.us/-/mitarbeiterhistorie/verein/29
↑ "ToffeeWeb — Seasonal Comparisons, 2005-06". Toffeeweb.
↑ The Everton Story. 1878—1930 Архівавана 27 верасня 2007.. Афіцыйны сайт ФК «Эвертан».
↑ Everton History — Part I. ToffeeWeb.
↑ History of Goodison Park. ToffeeWeb.

Спасылкі

На Вікісховішчы ёсць медыяфайлы па тэме ФК Эвертан
Афіцыйны сайт клуба
Вельмі цікавы і аўтарытэтны сайт

[_98e089e301826f48-1] ttps://www.transfermarkt.us/-/mitarbeiterhistorie/verein/29

[2] "ToffeeWeb — Seasonal Comparisons, 2005-06". Toffeeweb.

[3] The Everton Story. 1878—1930 Архівавана 27 верасня 2007.. Афіцыйны сайт ФК «Эвертан».

[4] Everton History — Part I. ToffeeWeb.

[5] History of Goodison Park. ToffeeWeb.

[1]

[2]

[3]

[4]

[5]

У сацыяльных сетках	Facebook · X
Фота, відэа і аўдыё	Instagram · TikTok · YouTube
Тэматычныя сайты	eu-football.info · FootballDatabase.eu · Soccerbase · Soccerway · playmarkerstats.com · Transfermarkt · worldfootball.net · УЕФА · MusicBrainz
Слоўнікі і энцыклапедыі	Вялікая нарвежская
Нарматыўны кантроль	GND: 4269855-8 · ISNI: 0000000105579355 · LCCN: n79018222 · VIAF: 158260946