ФК Майнц 05

Майнц 05
Поўная назва	1. Fußball- und Sport-Verein Mainz 05 e.V.
Заснаваны	27 сакавіка 1905
Горад	Майнц, Германія
Стадыён	Мева Арэна Умяшчальнасць: 34 034
Прэзідэнт	Штэфан Гофман[d]
Галоўны трэнер	Бо Хенрыксен[d]
Чэмпіянат	Бундэсліга
2022/23	9 месца
Сайт	Афіцыйны сайт
Асноўная форма Гасцявая форма Рэзервовая форма

«Майнц 05» (ням.: 1. FSV Mainz 05) — нямецкі футбольны клуб з горада Майнц, які размяшчаецца ў федэральнай зямлі Рэйнланд-Пфальц. Створаны 16 альбо 27 сакавіка 1905 года і, акрамя футбола, маецца гандбольны клуб, а таксама клуб настольнага тэнісу. Футбольная каманда гуляе з сезона 2009/10 у Бундэслізе.

Найбольш значнымі поспехамі клуба з’яўляюцца ўдзел у розыгрышу нямецкай Бундэслігі паміж 2004 і 2007 гадамі, удзел у турніры на Кубак УЕФА ў сезоне 2005/06 і ўдзел у паўфінале на Кубак Германіі ў сезоне 2008/09. Пасля паляпшэння фінансавага становішча клуб распачаў будаўніцтва новага стадыёна. 5 мая 2009 года ў наваколлях Майнца пачалося будаўніцтва новай футбольнай арэны «Кофейс-Арэны», будаўніцтва якой скончылася ў 2011 годзе. Разам новы стадыён умяшчае 33 500 гледачоў.

Гісторыя

Раннія гады

Ужо ў 1903 годзе ў горадзе прадпрымалася спроба стварыць футбольны клуб, якая зведала няўдачу, аднак праз два гады ў Майнцы ўсё ж такі быў створаны клуб «Mainzer Fussballclub Hassia 1905». Пасля некалькіх гадоў, гуляючы ў Паўднёвай Нямецкай лізе (ням.: Süddeutschen Fußballverband) клуб аб’яднаўся з іншым мясцовым футбольным таварыствам, і стаў называцца «Mainzer Fussballverein Hassia 05». У 1912 годзе слова «Hassia» было выключана з назвы клубу. Пасля Першай сусветнай вайны ў клубу зноў адбылося зліццё, на гэты раз, з клубам «Sportverein 1908 Mainz», што ў выніку ўтварыла каманда «Mainzer Fußball-und Sportverein 05», які стаў у далейшым самавітым клубам. «Майнцэр» перамог у рэгіянальным чэмпіянаце ў перыяд паміж Першай і Другой сусветнымі войнамі, і патрапіў у адборачны круг нацыянальнага чэмпіянату пасля перамогі ў рэгіянальнай Крайслізе.

Перыяд Трэцяга Рэйха

У 1920—1930-я гады клуб паказваў нядрэнныя вынікі ў дывізіёне Гесэна, уключаючы першае месца па заканчэнні сезонаў 1931/32 і 1932/33. Пасля рэарганізацыі футбольных структур, якая адбылася ў краіне пры ўладзе нацыянал-сацыялістаў, каманда прабілася ў Гаўлігу Паўднёвага Захаду (ням.: Gauliga Südwest), якая ў тыя часы з’яўлялася адной з шасці вядучых рэгіянальных лігаў Рэйха. Аднак, у дадзеным дывізіёне клуб правёў усяго адзін сезон. У 1938 годзе ўлады прымусова аб’ядналі клуб з іншым спартыўным таварыствам — «Reichsbahn SV Mainz», і да канца Другой сусветнай вайны клуб выступаў пад назвай «Reichsbahn SV Mainz 05».

Склад

Станам на люты 2024 года.

№ Паз. Імя Нар. 2 Аб Філіп Мвенэ 1994 3 Аб Сеп ван дэн Берг 2001 5 Аб Максім Ляйч 1998 7 ПА Лі Джэ Сон 1992 8 ПА Леандру Барэйру 2000 9 Нап Карым Анісіва 1992 10 Нап Марка Рыхтэр 1997 11 Нап Джэсік Нганкам 2000 14 ПА Том Краус 2001 16 Аб Штэфан Бель 1991 17 Нап Людавік Ажорк 1994 18 ПА Надзім Аміры 1996 19 Аб Антані Касі 1997

№ Паз. Імя Нар. 20 ПА Эдымілсан Фернандыш 1996 21 Аб Дані да Коста 1993 23 ПА Жазуа Гілавагі 1990 24 ПА Мервель Папела 2001 25 Аб Андрэас Ханчэ-Ольсен 1997 27 Бр Робін Цэнтнер 1994 29 Нап Джонатан Буркарт 2000 30 Аб Сільван Відмер (капітан) 1993 31 ПА Дамінік Кор 1994 33 Бр Даніэль Бац 1991 43 Нап Браян Груда 2004 44 Нап Нельсан Вайпер 2005

Спасылкі

• На Вікісховішчы ёсць медыяфайлы па тэме ФК Майнц 05
• Афіцыйны сайт