Сара Полсан

Сара Полсан
англ.: Sarah Paulson
Дата нараджэння	17 снежня 1974(1974-12-17) (49 гадоў)
Месца нараджэння	Тампа, Хілсбара, Фларыда, ЗША
Грамадзянства	ЗША
Адукацыя	Амерыканская акадэмія драматычнага мастацтва[d] (1992) Вышэйшая школа Фіярэла Г. Ла-Гуардзія[d] Berkeley Carroll School[d]
Прафесія	тэлеактрыса, кінаактрыса, тэатральная актрыса, актрыса
Узнагароды	Прайм-тайм прэмія «Эмі» за найлепшую жаночую ролю ў міні-серыяле ці тэлефільме[d] (2016)
IMDb	ID 0005299
Медыяфайлы на Вікісховішчы

Сара Кэтрын Полсан (англ.: Sarah Catherine Paulson; нар. 17 снежня 1974(1974-12-17), Тампа, Фларыда) — амерыканская актрыса, рэжысёр, а таксама выканаўчы прадзюсар.

Сара Полсан пачала сваю акцёрскую кар’еру на тэатральнай сцэне і потым перайшла на тэлебачанне. Прарывам Полсан стала роля ў серыяле NBC «Студыя 60 на Сансет-Стрып» (2006—07), якая прынесла ёй першую намінацыю на прэмію «Залаты глобус». Другую намінацыю яна атрымала за ролю ў тэлефільме HBO «Гульня змянілася» ў 2012 годзе. У 2011 годзе Полсан пачала здымацца ў серыяле FX «Амерыканская гісторыя жахаў», ролі ў якім прынеслі ёй пяць намінацый на прэмію «Эмі» (2013, 2014, 2015, 2016, 2018).

У 2016 годзе Сара Полсан выканала ролю пракурора Маршы Кларк у серыяле канала FX «Амерыканская гісторыя злачынстваў», за якую атрымала ўсеагульную пахвалу ад крытыкаў. Гэтая роля прынесла ёй прэміі «Эмі», «Залаты глобус», прэмію Гільдыі кінаакцёраў ЗША, Выбар тэлевізійных крытыкаў і прэмію Асацыяцыі тэлевізійных крытыкаў, тым самым яна стала першай актрысай, якая выйграла ўсе пяць вышэйшых тэлевізійных узнагарод за адзін сезон.

У 2017 годзе часопіс Time уключыў Сару Полсан у спіс «100 самых уплывовых людзей года».

Фільмаграфія

Год		Беларуская назва	Арыгінальная назва	Роля
2000	ф	Чаго хочуць жанчыны	What Women Want	Эні
2011	ф	Стары Новы год	New Year's Eve	Грэйс Шваб
2013	ф	12 гадоў рабства	12 Years a Slave	Мэры Эпс

Спасылкі

• Сара Полсан на сайце «Internet Movie Database» (англ.)