Самі Насеры
Самі Насеры | |
---|---|
фр.: Samy Naceri | |
![]() | |
Дата нараджэння | 2 ліпеня 1961[1][2] (63 гады) |
Месца нараджэння | |
Грамадзянства | |
Прафесія | акцёр, кінапрадзюсар, кінаакцёр |
Узнагароды | |
IMDb | ID 0618651 |
![]() |
Саід «Самі» Насеры (фр.: Samy Naceri; нар. 2 ліпеня 1961, Парыж) — французскі акцёр берберскага паходжання, найбольш вядомы дзякуючы галоўнай ролі Даніэля ў фільме «Таксі» і яго працягах.
Біяграфія
[правіць | правіць зыходнік]Здымаўся ў масоўках. Менавіта ў гэты час ён вырашыў змяніць сваё імя з Саіда у Самі. Рэжысёр Тама Жылу даў яму першы рэальны шанц — роля Нордзін у фільме «Рай». Насеры ўразіў крытыкаў і атрымаў дзве ўзнагароды на Міжнародным кінафестывалі ў Лакарна і кінафестывалі ў Парыжы.
Кар’ера Насеры пайшла на ўзлёт пасля нечаканай сустрэчы з рэжысёрам і прадзюсарам Люкам Бесонам. Яны сустрэліся на здымках фільма «Леон» (1994), у якім малады акцёр сыграў ролю паліцыянта ў шлеме ў адной з апошніх сцэн. Іх шляхі зноў перасякуцца праз некалькі гадоў, на здымках кліпа Nés sous la même étoile (Народжаныя пад адной зоркай) групы IAM.
У сваім фільме Бесон даў Самі ролю Даніэля, маладога таксіста з Марселя, які любіць магутныя машыны і звышхуткасці. Нягледзячы на прахалодныя водгукі, фільм «Таксі» (1998) аказваецца камерцыйна паспяховым. Гэта штурхае прадзюсараў здымаць працягі: «Таксі 2» (2000), «Таксі 3» (2003) і «Таксі 4» (2007), у якіх сімпатычны таксіст, насуперак свайму жаданню, служыць уладам.
У 2006 годзе акцёр атрымаў прэмію за лепшую мужчынскую ролю ў фільме «Патрыёты» на Канскім кінафестывалі (разам з іншымі акцёрамі гэтага фільма).
Пасля 2009 года з прычыны частых праблем з законам пачаў усё радзей з’яўляцца на тэлебачанні. У 2015 годзе сыграў у тэатральнай пастаноўцы L’indien cherche le Bronx тэатра Théâtre du Gymnase.
У 2018 годзе пачаў працу над фільмам «Краб», аўтарам сцэнарыя і рэжысёрам, якога выступіў яго брат Бібі Насеры. Пазней праект быў перайменаваны ў «Настаўнік».
Фільмаграфія
[правіць | правіць зыходнік]Год | Беларуская назва | Арыгінальная назва | Роля | |
---|---|---|---|---|
ф | Леон | Léon | паліцэйскі ў шлеме | |
ф | Таксі | Taxi | Даніэль Маралес |
Зноскі
[правіць | правіць зыходнік]- ↑ Deutsche Nationalbibliothek Record #138259534 // Агульны нарматыўны кантроль — 2012—2016. Праверана 27 красавіка 2014.
- ↑ Samy Naceri // SNAC — 2010. Праверана 9 кастрычніка 2017.
Спасылкі
[правіць | правіць зыходнік]- Самі Насеры на сайце «Internet Movie Database» (англ.)