Перапіс насельніцтва Беларусі (2019)

Перапіс насельніцтва Беларусі 2019 года — трэці агульнадзяржаўны перапіс насельніцтва ў незалежнай Беларусі, які адбыўся з 4 па 30 кастрычніка 2019 года. Напярэдадні Беларускі статыстычны камітэт распачаў высылаць на мабільныя тэлефоны грамадзянаў SMS-паведамленні пра тэрміны перапісу^[1]. Перапісны ліст складаецца з 49 пытанняў. Нацыянальнымі актывістамі распачата акцыя па прапагандзе сярод насельніцтва краіны беларускай мовы ў пытаннях 12 і 13 перапіснога ліста, як сродка ўплыву на далейшую палітыку дзяржавы^[2].

Правядзенне

Прыняць удзел у перапісе ўпершыню стала магчыма наступнымі спосабамі:

інтэрнэт-перапіс
на стацыянарных участках
па месцы жыхарства

Праграма перапісу

Пералік пытанняў, па якіх адбываецца збор персанальных звестак у дачыненні грамадзянаў Беларусі, зацверджаны Саветам Міністраў Рэспублікі Беларусь^[3]:

Пытанні, датычныя асноўных дэмаграфічных характарыстык

прозвішча, імя, імя па бацьку;
ідэнтыфікацыйны нумар;
дата нараджэння, узрост;
пол;
сваяцкія ці іншыя стасункі з асобай, пазначанай першай у хатняй гаспадарцы;
стан у шлюбе (для асоб ва ўзросце 15 гадоў і старэйшых);
месца нараджэння.

Пытанні, датычныя міграцыйнай актыўнасці

бесперапыннасць пражывання ў гарадскім паселішчы ці сельскай мясцовасці гэтага адміністрацыйнага раёна;
перыяд прыбыцця ў дадзены населены пункт;
месца папярэдняга жыхарства;
пражыванне болей за 1 год безупынна ў якой-небудзь іншай краіне;
краіна, у якой пражываў рэспандэнт да даты прыбыцця ў Рэспубліку Беларусь на сталае месца жыхарства;
месяц і год прыбыцця ў Рэспубліку Беларусь;
прычына прыбыцця ў Рэспубліку Беларусь на сталае месца жыхарства;
намер і прычына, па якой плануецца выехаць з Рэспублікі Беларусь (для асоб ва ўзросце 15—74 гадоў);
тэрмін, на які плануецца выехаць з Рэспублікі Беларусь.

Пытанні, датычныя нацыянальна-этнічных характарыстык

нацыянальнасць (паводле самавызначэння і жадання рэспандэнта, для дзяцей — па вызначэнні бацькоў).
родная мова;
мова, на якой рэспандэнт звычайна размаўляе дома;
іншая(-ыя) мова(-ы), якой(-імі) вольна валодае рэспандэнт.

Пытанні, датычныя адукацыі

узровень адукацыі (для асоб ва ўзросце 10 гадоў і старэйшых), наяўнасць навуковай ступені;
уменне чытаць і пісаць;
навучанне ва ўстанове адукацыі (для асоб ва ўзросце 6—60 гадоў);
наведванне дзіцём дашкольнай установы (для дзяцей ва ўзросце 3—7 гадоў, якія не наведваюць школу).

Крыніцы сродкаў да існавання, якія маюцца ў 2019 годзе.

Пытанні, датычныя занятасці (для асоб ва ўзросце 15 гадоў і старэйшых)

асноўная аплачваная работа, занятак, які прыносіць прыбытак, ці работа без аплаты працы ў сваяка (далей — работа) у апошні тыдзень да пачатку перапісу насельніцтва;
месцазнаходжанне працы;
прычына, па якой рэспандэнт не працуе ў населеным пункце па месцы жыхарства;
перыядычнасць выезду на працу на тэрыторыю іншай дзяржавы;
характарыстыка работы, якую выконвае рэспандэнт;
кім рэспандэнт з’яўляўся на працы (статус у занятасці);
пошук працы рэспандэнтам цягам апошняга месяцу да пачатку перапісу насельніцтва, гатоўнасць прыступіць да яе ў найбліжэйшыя 2 тыдні;
прычына адмовы ад пошуку працы.

Колькасць народжаных дзяцей (для жанчын ва ўзросце 15 гадоў і старэйшых).

Пытанні, датычныя жыллёвых умоваў

месца жыхарства;
колькасць хатніх гаспадарак, якія жывуць у памяшканні, і іхні склад;
памер агульнай плошчы аднакватэрнага жылога дому ці кватэры;
існыя віды дабрабыту ў памяшканні, якое выкарыстоўваецца для пражывання;
уласнік памяшкання, якое выкарыстоўваецца для пражывання;
колькасць жылых пакояў, якую займае хатняя гаспадарка.

Часовае пражыванне (побыт) на дату правядзення перапісу насельніцтва сярод членаў хатняй гаспадаркі асоб, якія стала пражываюць па-за межамі Рэспублікі Беларусь

Пытанні, датычныя сельскагаспадарчай дзейнасці

наяўнасць ва ўласнасці або валоданні, карыстанні хатняй гаспадаркі зямельных надзелаў у 2019 годзе з пазначэннем іхняй колькасці;

характарыстыка зямельных надзелаў (месцазнаходжанне і агульная плошча, у тым ліку занятая пад пасевы па відах сельскагаспадарчых культураў) і мэты іхняга выкарыстання;
наяўнасць на земляных надзелах пладова-ягаднага дрэвастану і хмызнякоў на 1 кастрычніка 2019 г.;
колькасць (плошча) пладова-ягаднага дрэвастану ў пладаносным узросце па відах;
наяўнасць у гаспадарцы скаціны, птушкі і пчоласем’яў на 1 кастрычніка 2019 года;
колькасць скаціны і птушкі па відах, колькасць пчоласем’яў.

У дачыненні асоб, якія часова пражываюць у Беларусі

У дачыненні асоб, якія часова пражываюць у Рэспубліцы Беларусь, праграма была іншай:

адрас у перыяд прахаджэння перапісу;
прозвішча, імя, імя па бацьку;
пол;
дата нараджэння;
краіна нараджэння;
грамадзянства;
краіна сталага пражывання;
мэта прыезду ў Рэспубліку Беларусь.

Вынікі

20 лютага 2020 года Нацыянальны статыстычны камітэт расказаў пра першыя вынікі перапісу насельніцтва 2019 года. Як паказваюць лічбы, у краіне жыве 9 413 446 чалавек, больш жанчын (53,8%). У сталіцы жыве 2 018 281 чалавек. У Брэсцкай вобласці жыве больш за 1 000 348 чалавек, у Віцебскай — больш за 1 135 000, у Гомельскай — больш за 1 388 000, у Гродзенскай — больш за 1 026 000, у Магілёўскай — больш за 1 024 000. Больш за ўсё жыхароў зафіксавана ў Мінскай вобласці — больш за 1 471 000.^[4]

Зноскі

↑ "Перапіс насельніцтва-2019". Беларускае Радыё Рацыя. Праверана 2019-10-10.
↑ Галіна Абакунчык (2019.10.04 23:11). "Перапіс-2019 распачаўся. На якія пытанні варта звярнуць увагу?". Белсат. Праверана 2019-10-10. {{cite news}}: Праверце значэнне даты ў: |date= (даведка)
↑ Постановление Совета Министров Республики Беларусь от 28 июня 2018 г. № 505 «Об утверждении программы переписи населения Республики Беларусь 2019 года» (нявызн.)(недаступная спасылка). Архівавана з першакрыніцы 20 верасня 2019. Праверана 11 кастрычніка 2019.
↑ Борисевич, Катерина (20 лютага 2020). "В стране нас стало меньше, в Минске — больше. Первые итоги переписи населения — 2019"(руск.). TUT.BY. Архівавана з арыгінала 8 ліпеня 2020. Праверана 2020-09-12.

Спасылкі

Перапіс насельніцтва Рэспублікі Беларусь 2019 Архівавана 10 кастрычніка 2019. на сайце Нацыянальнага статыстычнага камітэта Рэспублікі Беларусь
Перапіс насельніцтва — 2019 Архівавана 10 кастрычніка 2019. на сайце Тэлерадыёкампаніі «Гомель»

[racyja-1] "Перапіс насельніцтва-2019". Беларускае Радыё Рацыя. Праверана 2019-10-10.

[bel-2] Галіна Абакунчык (2019.10.04 23:11). "Перапіс-2019 распачаўся. На якія пытанні варта звярнуць увагу?". Белсат. Праверана 2019-10-10. {{cite news}}: Праверце значэнне даты ў: |date= (даведка)

[3] Постановление Совета Министров Республики Беларусь от 28 июня 2018 г. № 505 «Об утверждении программы переписи населения Республики Беларусь 2019 года» (нявызн.)(недаступная спасылка). Архівавана з першакрыніцы 20 верасня 2019. Праверана 11 кастрычніка 2019.

[4] Борисевич, Катерина (20 лютага 2020). "В стране нас стало меньше, в Минске — больше. Первые итоги переписи населения — 2019"(руск.). TUT.BY. Архівавана з арыгінала 8 ліпеня 2020. Праверана 2020-09-12.

[1]

[2]

[3]

[4]