Паўночная Каталонія
![](http://upload.wikimedia.org/wikipedia/commons/thumb/d/d7/Localitzaci%C3%B3_de_la_Catalunya_Nord_respecte_Catalunya.png/180px-Localitzaci%C3%B3_de_la_Catalunya_Nord_respecte_Catalunya.png)
![](http://upload.wikimedia.org/wikipedia/commons/thumb/6/65/Pyr%C3%A9n%C3%A9es-Orientales-Position.png/180px-Pyr%C3%A9n%C3%A9es-Orientales-Position.png)
![](http://upload.wikimedia.org/wikipedia/commons/thumb/9/93/Localitzaci%C3%B3_catalunya_nord_pa%C3%AFsos_catalans.svg/180px-Localitzaci%C3%B3_catalunya_nord_pa%C3%AFsos_catalans.svg.png)
Паўночная Каталонія або Французская Каталонія — частка Каталонскіх земляў, тэрыторыя распаўсюджвання каталонскай мовы і каталонскай культуры, аддадзеная Іспаніяй Францыі ў выніку падпісання Пірэнэйскага дагавора ў 1659 годзе ў абмен на адмову Францыі ад фармальнай абароны нядаўна створанай Каталонскай Рэспублікі. Тэрыторыя прыкладна адпавядае сённяшняму французскаму дэпартаменту Усходнія Пірэнеі, які гістарычна быў часткай Каталоніі з часоў Графства Барселона да эпoхі Арагонскай Кароны і Княства Каталоніі, пакуль не быў перададзены Францыі Іспаніяй.
У французскай мове выкарыстоўваецца эквівалентны тэрмін Catalogne Nord, хоць і радзей, чым больш палітычна нейтральны Русільён (катал.: Rosselló), нягледзячы на тое, што гэты апошні тэрмін геаграфічна і гістарычна недакладны, бо ігнаруе гістарычныя камаркі Валеспір (Vallespir), Канфлан (Conflent) і Сардання (Cerdanya). Тэрмін, які таксама выкарыстоўваецца ў наш час — Pays Catalan.
![](http://upload.wikimedia.org/wikipedia/commons/thumb/7/75/Tota_la_Catalunya_del_Nord.png/220px-Tota_la_Catalunya_del_Nord.png)
![](http://upload.wikimedia.org/wikipedia/commons/thumb/e/e1/20210111_-_Canigou_depuis_Pic_de_Garces.jpg/220px-20210111_-_Canigou_depuis_Pic_de_Garces.jpg)
10 снежня 2007 года Генеральны савет Усходніх Пірэнеяў абвясціў каталонскую мову афіцыйнай разам з французскай праз «Хартыю ў падтрымку каталонскай мовы».
Найбуйнейшым горадам Паўночнай Каталоніі з’яўляецца Перпіньян.