Лотас
Лотас | ||||||||||||||||
![]() Лотас арэханосны (Nelumbo nucifera) | ||||||||||||||||
Навуковая класіфікацыя | ||||||||||||||||
---|---|---|---|---|---|---|---|---|---|---|---|---|---|---|---|---|
Міжнародная навуковая назва | ||||||||||||||||
Nelumbo Adans. | ||||||||||||||||
|
Ло́тас (Nelumbo) — род двухдольных раслін, адзіны прадстаўнік сямейства Лотасавыя (Nelumbonaceae).
Апісанне
[правіць | правіць зыходнік]Шматгадовыя буйныя водныя, часам земнаводныя травы з развітым карэнішчам. Надводнае лісце буйное, шчытападобнае, доўгачаранковае, высока ўзнімаецца над вадой, тое, што плавае, — крутлявае, плоскае, падводнае — сядзячае, лускападобнае. Тканкі з вялікімі паветраноснымі лопасцямі. Кветкі дыяметрам да 30 см, ружовыя або жоўтыя, адзіночныя, на доўгіх кветаносах. Пялёсткі і тычынкі шматлікія. Плод — шматарэшак. Насенне захоўвае ўсходжасць да некалькіх тысяч гадоў.
Распаўсюджанне
[правіць | правіць зыходнік]![](http://upload.wikimedia.org/wikipedia/commons/thumb/5/5b/Nelumbo_nucifera_%28Indian_Lotus%29_in_Hyderabad_W_IMG_8736.jpg/220px-Nelumbo_nucifera_%28Indian_Lotus%29_in_Hyderabad_W_IMG_8736.jpg)
Рэлікт трацічнага перыяду. Лотас арэханосны (Nelumbo nucifera) сустракаецца ў Паўднёвай Еўропе (напрыклад, дэльта ракі Волга), Паўднёва-Усходняй Азіі і Паўночна-Усходняй Аўстраліі. Лотас жоўты (Nelumbo lutea) — у Паўночнай і Цэнтральнай Амерыцы. У Індыі, Карэі, Кітаі, Японіі культывуецца.
Віды
[правіць | правіць зыходнік]Паводле інфармацыі базы дадзеных The Plant List род Лотас аб'ядноўвае тры віды[3]:
- Nelumbo nucifera Gaertn. (1788)
- Nelumbo lutea Pers. (1807)
- Nelumbo pentapetala (Walter) Fernald (1934)
Выкарыстанне
[правіць | правіць зыходнік]Усе часткі расліны маюць у сабе вітамін C і каўчух, у чаранках і праростках — ядавітае рэчыва нелюмбін. Насенне і карэнішча ўжываюцца ў ежу і на корм жывёле. Харчовыя, лекавыя і кулыавыя расліны; старажытная культура народаў Паўднёвай і Паўднёва-Усходняй Азіі, амерыканскіх індэейцаў.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Спіс відаў рода Nelumbo(недаступная спасылка): інфармацыя ў базе дадзеных The Plant List. (Праверана 31 ліпеня 2011)
Літаратура
[правіць | правіць зыходнік]- Лотас // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).
Спасылкі
[правіць | правіць зыходнік]- Лотос: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)