Зімовыя Алімпійскія гульні 2022

XXIV зімовыя Алімпійскія гульні
Горад-арганізатар	Пекін, Кітай
Краіны-ўдзельніцы	91
Колькасць атлетаў	2871
Разыгрываецца медалёў	109 камплектаў у 7 відах спорту
Цырымонія адкрыцця	4 лютага 2022 года.
Адкрываў	Сі Цзіньпін
Цырымонія закрыцця	20 лютага 2022 года
Алімпійскі агонь	—
Алімпійская клятва	—
Стадыён	Нацыянальны стадыён
Сайт	olympics.com/en/b… (англ.)​ (фр.)​ (ням.)​ (італ.)​ (парт.)​ (ісп.)​ (кіт.)​ (ар.)​ (яп.)​ (хіндзі)​ (кар.)​ (руск.) beijing2022.cn/en/ (англ.)​ (фр.)​ (кіт.)
← 2018 2026 →
Медыяфайлы на Вікісховішчы

Зімовыя Алімпійскія гульні 2022 года (афіцыйна — Гульні XXIV Алімпіяды) — XXIV зімовыя Алімпійскія гульні, якія праходзілі з 4 па 20 лютага 2022 года ў Пекіне (КНР).

Упершыню з 1984 года Алімпійскія зімовыя гульні пройдуць у камуністычнай краіне і гэта будуць першыя Алімпійскія зімовыя гульні, якія адбудуцца ў Кітаі. Меркаваны бюджэт гульняў $ 3,9 млрд, менш, чым адна дзясятая з 43 $ мільярдаў, выдаткаваных на летнія Алімпійскія гульні 2008 года. Падчас спаборніцтваў будзе задзейнічана 25 стадыёнаў, размешчаных у Пекіне, Янцыне і Чжанцзякоу.

Выбар горада

Вынікі галасавання
Кандыдаты	Краіна	1-ы раўнд
Пекін	Кітай	44
Алматы	Казахстан	40

Талісман

Талісманам Гульняў стала панда Бін Двэнь Двэнь. У прэзентацыі сказана, што з касцюмам з лёду, сэрцам з золата і любоўю да ўсіх зімовых відаў спорту, гэтая панда гатова падзяліцца з усім светам сапраўдным духам Алімпіяды.

Медалі

На алімпійскіх медалях пяць канцэнтрычных кольцаў, якія ўвасабляюць традыцыйную кітайскую філасофію гармоніі паміж небам, зямлёй і чалавекам. Пярсцёнкі таксама сімвалізуюць алімпійскія кольцы, выгравіраваныя ва ўнутраным крузе, і алімпійскі дух, які аб’ядноўвае свет з дапамогай спорту. Таксама можна заўважыць узоры ў выглядзе аблокаў і сняжынак.

У цэнтральнай частцы адваротнага боку медалёў змешчана эмблема маючых адбыцца зімовых Алімпійскіх гульняў у Пекіне, а вакол яе — афіцыйная назва Гульняў на кітайскай мове. Кольцы, якія атачаюць эмблему, уяўляюць сабой зорныя сляды, на іх выгравіраваны 24 кропкі ў гонар 24-х па ліку зімовых Алімпійскіх Гульняў. Дызайн натхнёны старажытнымі астранамічнымі картамі і сімвалізуе бязмежнае зорнае неба, гармонію паміж чалавекам і прыродай і надзею, што спартсмены на Гульнях будуць дасягаць дасканаласці і зіхацець, як зоркі.

Дызайн медалёў быў натхнёны кольцападобнай яшмавай (нефрытавай) рэгаліяй бі — плоскай круглым дыскам з круглай адтулінай у цэнтры. Падобна да таго, як нефрыт лічыцца спрыяльным і бясцэнным упрыгожваннем у традыцыйнай кітайскай культуры, медаль з’яўляецца сведчаннем гонару і нястомных намаганняў спартсменаў.

Цырымонія адкрыцця

Цырымонія адкрыцця XXIV зімовых Алімпійскіх гульняў

Цырымонія адкрыцця XXIV зімовых Алімпійскіх гульняў прайшла 4 лютага на кітайскім Нацыянальным стадыёне вядомым пад назвай «Птушынае гняздо». Арганізатары падрыхтавалі шоу, якое аб’яднала сучасныя тэхналогіі і гістарычныя традыцыі Кітая. Лейтматывам цырымоніі стаў дэвіз Алімпійскіх гульняў у Пекіне «Разам дзеля агульнай будучыні».

Спаборніцтвы

2 лютага 2022 стартаваў групавы турнір па кёрлінгу сярод змешаных пар (дабл-мікст). Першы залаты медаль Гульняў 5 лютага выйграла Тэрэза Ёхаўг з Нарвегіі ў лыжных гонках (скіатлон).