Гэнічэска Гірка
Вёска
Гэнічэска Гірка
.jpg)
Гэнічэска Гірка на карце Украіны ±   | ||||||||||||||||||||
Гэнічэска Гірка (укр.: Генічеська Гірка) — вёска ў Гэнічэскім раёне Херсонскай вобласці Украіны.
Насельніцтва па перапісу 2001 года складала 495 чалавек. Паштовы індэкс — 75581. Тэлефонны код — 55-34. Код КААТЛУ — 6522186502.
Геаграфія
[правіць | правіць зыходнік]Вёска знаходзіцца на касе Арабацкая стрэлка паўвострава Крым.
Гісторыя
[правіць | правіць зыходнік]У гады Другой сусветнай вайны ў баях на ўзвышшы ля вёскі 127-я артылерыйская марская батарэя Чарнаморскага флоту не прапусціла нямецкую армію ў Крым.
З лютага 2022 года акупаваная расійскімі войскамі.
Лячэнне і аздараўленне
[правіць | правіць зыходнік]У Гэнічэскай Гірцы размешчана адзіная на Арабацкай стрэлцы водалячэбніца «Гаряче Джерело», у якой можна прайсці курсавое лячэнне з выкарыстаннем тэрмальнай мінеральнай вадой пад наглядам медыцынскіх спецыялістаў[1]. Ёда-бромная хларыда-натрыевая вада паступае з падземнага возера, які залягае на глыбінях ад 1224 да 1559 метраў, і выкарыстоўваецца для агульных і мясцовых тэрмальных ваннаў. Такія працэдуры рэкамендаваныя пры лячэнні хвароб апорна-рухальнага апарата, сардэчна-сасудзістай, нервовай, эндакрыннай сістэм, скурных захворванняў і г.д.
Акрамя тэрмальных вод, побач з Гэнічэскай Гіркай размешчана некалькі радовішчаў сульфідна-глеістых гразяў, у прыватнасці, на Генічэскім і Зяблаўскім азёрах, а таксама ў заліве Сіваш[2]. Згодна даследаванням НДЦ гідрагеалагічных даследаванняў «Триас», па хімічным складзе і фізічных уласцівасцях гразі з арабацкіх салёных азёр падобныя з чорнымі гразямі Сакскага і Чокракскага азёр у Крыме.
Славутасці
[правіць | правіць зыходнік]- Храм Святога Георгія Перамаганосца
Быў пабудаваны ў маі 2009 года па праекце архітэктара В. Ф. Булгакава на ахвяраванні і мецэнацтве сям’і гэнічэскага прадпрымальніка Астафурова Валянціна Міхайлавіча (аб чым сведчыць надпіс на мемарыяльнай дошцы) і асвечаны 21 ліпеня гэтага ж года епіскапам Новакахоўскім і Гэнічэскім Іасафам на свята Свята-казанскай іконы Божай Маці[3].
Размешчаны на самым высокім пункце вёскі Гэнічэскай Гіркі. Побач з храмам знаходзіцца мемарыяльны комплекс артылерыстам, якія абаранялі Крым ад наступу нямецка-фашысцкіх войскаў у 1941 годзе. На тэрыторыі храма разбіты невялікі садок, маецца альтанка, пакрытая сусальным золатам, а таксама дом для гаспадарчых патрэб. Да храма вядзе асфальтаваная дарога.
Храм Святога Георгія Перамаганосца адкрыты для наведвання штодня акрамя панядзелка: з 9-00 да 13-30. Службы ў ім праводзіць айцец Аляксандр. Нядзельныя і святочныя літургіі праходзяць у 08-00[4].
Зноскі
- ↑ Azov.UA. Водолечебница "Гаряче Джерело" в Генгорке - обзор. Azov.UA.
- ↑ НМП "Арабатская Стрелка". Бальнеология на Арабатской Стрелке. Arabatka.UA.
- ↑ Православный Храм Георгия Победоносца в Генгорке. Архівавана з першакрыніцы 24 кастрычніка 2020.
- ↑ Православный храм святого великомученика Георгия Победоносца в Генгорке. Архівавана з першакрыніцы 26 студзеня 2021.
