Грамадзянская гвардыя (Іспанія)
Грамадзянская гвардыя | |
---|---|
![]() | |
Краіна | |
Уваходзіць у | Law enforcement in Spain[d] |
Тып | жандармерыя і паліцыя |
Складаецца з | |
Знакі адрознення | |
Вядомыя камандзіры | Ministry of the Interior of Spain[d] і Ministry of Defence of Spain[d] |
Сайт | guardiacivil.es (ісп.) (катал.) (галіс.) (баскск.) |
Грамадзянская гвардыя (ісп.: Guardia Civil) — паліцэйскае ваенізаванае фарміраванне, якое знаходзіцца ў падпарадкаванні Міністэрства ўнутраных спраў Іспаніі. Нароўні з Нацыянальнай паліцыяй выконвае функцыі па ахове правапарадку, але, у адрозненне ад паліцыі, дзейнічае пераважна за межамі гарадоў[1].
Гісторыя
[правіць | правіць зыходнік]Грамадзянская гвардыя была створана ў 1844 годзе герцагам Франсіска дэ Аумада для барацьбы з атрадамі разбойнікаў, якія з’явіліся пасля Пірэнэйскіх войнаў з Напалеонам і наступных за імі ўнутраных канфліктаў[2].
Падчас грамадзянскай вайны 1936—1939 гадоў Грамадзянская гвардыя ў асноўным ваявала супраць прыхільнікаў Другой Рэспублікі.
1 кастрычніка 2017 года атрады Грамадзянскай гвардыі былі прыменены падчас аперацыі па прадухіленні галасавання выбаршчыкаў у Каталоніі на рэферэндуме за незалежнасць, які быў раней абвешчаны па-за законам Канстытуцыйным судом Іспаніі[3]. У выніку беспарадкаў пацярпела больш за 900 чалавек, а гвардзейцаў абвінавацілі ў непрапарцыйным прымяненні сілы[4]. Тым не менш некаторыя крыніцы лічаць, што гвардзейцы прытрымліваліся літары закону і выконвалі загады ў дакладнай адпаведнасці з нормамі Канстытуцыі[5].
Абавязкі
[правіць | правіць зыходнік]У абавязкі Грамадзянскай гвардыі ўваходзіць:
- забеспячэнне грамадскай бяспекі і падтрыманне грамадскага парадку (на зямлі, на вадзе і ў паветры);
- забеспячэнне назірання, кантролю і абароны грамадскіх месцаў і аб’ектаў;
- прадухіленне злачынстваў;
- арганізацыя фіскальнай абароны іспанскай дзяржавы ад праяў кантрабанды і махлярства (памежны паліцэйскі кантроль, мытны кантроль, выяўленне сетак і каналаў нелегальнай іміграцыі і г. п.);
- забеспячэнне парадку і бяспекі на міжгародніх аўтамабільных магістралях;
- аказанне садзейнічання, арганізацыя дапамогі і абароны грамадзянскага насельніцтва ў выпадку ўзнікнення надзвычайных сітуацый (катастроф);
- аказанне садзейнічання судовай паліцыі, судовым трыбуналам і супрацоўніцтва з пракурорскімі органамі ў расследаванні злачынстваў, затрыманні падазраваных асоб, падрыхтоўцы тэхнічных паліцэйскіх справаздач, збор сведкавых паказанняў і абарона сведак;
- збор і аналіз інфармацыі, якая мае дачыненне да грамадскай бяспекі, у асаблівасці, — да арганізацыі тэрарыстычнай дзейнасці;
- арганізацыя транспартнага перамяшчэння зняволеных, арыштаваных і сведкаў;
- ахова зброі і выбуховых рэчываў.
Адрозненні паміж гвардыяй і паліцыяй
[правіць | правіць зыходнік]З тэрытарыяльнага пункту гледжання, зонай адказнасці нацыянальнай паліцыі Іспаніі з’яўляюцца буйныя гарады, а Грамадзянская гвардыя адказвае за астатнюю тэрыторыю краіны і мора.
З функцыянальнага пункту гледжання, нацыянальная паліцыя кантралюе міграцыйныя органы, выдачу засведчвальных дакументаў, пашпартоў, азартны бізнес, а таксама прыватную бяспеку. У кампентэнцыю Грамадзянскай гвардыі ўваходзяць пытанні кантролю за абарачэннем зброі і выбуховых рэчываў, кантрабанды, шляхоў зносін, рэгуляванне партоў і аэрапортаў[6].
У адрозненне ад звычайных іспанскіх паліцыянтаў і вайскоўцаў, якія могуць здымаць кватэры і жыць у іх з сем’ямі, грамадзянскія гвардзейцы пазбаўлены такога права і ўвесь час жывуць у казармах, якіх сёння па ўсёй Іспаніі налічваецца больш за 3 тыс.[2]. Такі стан спраў выклікае шматлікія пратэсты з боку некаторых гвардзейцаў[7], якія бачаць у гэтым парушэнне сваіх агульнаграмадзянскіх правоў.
Форма і сімволіка
[правіць | правіць зыходнік]Грамадзянскія гвардзейцы носяць асаблівую форму зялёнага колеру, а на афіцыйных мерапрыемствах — гістарычны галаўны ўбор: чорную лакіраваную трыкутку «трыкорніа», якая з’яўляецца сімвалам гвардыі. Пры нясенні паўсядзённай службы выкарыстоўваюцца зручнейшыя фуражкі з казырком.
Галерэя
[правіць | правіць зыходнік]-
Грамадзянская гвардыя сочыць за бяспекай дарожнага руху.
-
Конныя грамадзянскія гвардзейцы. 2005.
-
Грамадзянская гвардыя падчас святочных мерапрыемстваў у Мадрыдзе. 2008.
-
Казарма Грамадзянскай гвардыі ў Більбаа.
Гл. таксама
[правіць | правіць зыходнік]Зноскі
- ↑ Правоохранительные органы государств-участников ОБСЕ Архівавана 4 ліпеня 2015.
- ↑ а б http://oficery.ru/security/5454 Архівавана 12 верасня 2018. Жандармы в черных треуголках
- ↑ "Гражданская гвардия Испании объяснила силовые действия в Каталонии". Interfax.ru(руск.). 2017-10-01. Архівавана з арыгінала 2017-10-02. Праверана 2017-10-03.
- ↑ "Каталонский депутат считает безответственными действия властей в ходе референдума". RT на русском(руск.). Архівавана з арыгінала 2017-10-03. Праверана 2017-10-03.
- ↑ "Гражданская гвардия обвинила полицию Каталонии в бездействии на референдуме". РИА Новости(руск.). 20171010T1339+0300Z. Архівавана з арыгінала 2017-11-07. Праверана 2017-11-01.
{{cite news}}
: Праверце значэнне даты ў:|date=
(даведка) - ↑ Полиция Испании. Испания по-русски - все о жизни в Испании . Архівавана з першакрыніцы 1 лютага 2016. Праверана 6 мая 2015.
- ↑ Портал "Русская Испания". Форум - Практикум по иммиграции. Новости(недаступная спасылка). Архівавана з першакрыніцы 4 сакавіка 2016. Праверана 6 мая 2015.
Спасылкі
[правіць | правіць зыходнік]- Афіцыйны сайт Архівавана 5 верасня 2014.