Еўле
Горад
| ||||||||||||||||||||||||||
Еўле (шведск.: Gävle) — горад на ўсходзе цэнтральнай Швецыі, на беразе Батнічнага заліва Балтыйскага мора. Насельніцтва — 93509 (2009). Цэнтр муніцыпалітэта Еўле (92416 жыхароў) і лена Еўлеборг (275.908 жыхароў).
Размешчаны пры ўпадзенні ракі Геўлеан у Еўлеўскую бухту Батнічнага заліва. У 15 км на паўднёвы ўсход ад Еўле знаходзіцца вусце ракі Далэльвен. Насельніцтва горада складае 71 033 чалавекі (2010).
Гісторыя
[правіць | правіць зыходнік]Упершыню Еўле згадваецца ў 1413 годзе. У 1446 атрымаў гарадскія прывілеі ад Крыстафера Баварскага. Еўле служыў партовым горадам для прамысловага раёна Бергслаген. Падчас Вялікай Паўночнай вайны, у 1719 годзе, Еўле здолеў пазбегнуць лёсу іншых усходняшведскіх гарадоў, а менавіта — быць спаленым і разрабаваным рускімі, бо абаронцы гораду адбілі некалькі расійскіх атак. У XVIII стагоддзі горад меў станоўчае эканамічнае развіццё. У 1792 у мясцовым замку кароль Густаў III склікаў апошні раз у сваім жыцці рыксдаг. У XIX стагоддзі Еўле быў важным прамысловым цэнтрам, але пачынаючы з XX стагоддзя паступова страціў сваё значэнне.
Славутасці
[правіць | правіць зыходнік]![](http://upload.wikimedia.org/wikipedia/commons/thumb/4/4f/Yule_goat_Gefle_Sweden_2009.jpg/250px-Yule_goat_Gefle_Sweden_2009.jpg)
- Замак Еўле (першапачаткова заснаваны ў 1583)
- Царква Святой Тройцы (1654)
- Квартал Стары Еўле
- Музей лена Еўлеборг
- Шведскі чыгуначны музей
- Тэатр Еўле (пабудаваны ў 1878)
- Еўлеўскі казёл — вялізная саламяная фігура Каляднага казла, якую з 1966 штогод усталёўваюць на Замкавай плошчы. Вядомасць набыў дзякуючы таму, што казла амаль штогод спальваюць вандалы, нягледзячы на спробы ўладаў захаваць фігуру.
Спорт
[правіць | правіць зыходнік]У горадзе размяшчаецца футбольны клуб Ефле Еўле.
Гарады-пабрацімы
[правіць | правіць зыходнік]Галерэя
[правіць | правіць зыходнік]Спасылкі
[правіць | правіць зыходнік]На Вікісховішчы ёсць медыяфайлы па тэме Еўле
- Афіцыйны сайт горада
- Музей чыгунак у Еўле