Брыгіта Шведская

Брыгіта Шведская
Birgitta Birgersdotter
Дата нараджэння	1303
Месца нараджэння	Фінста[d], Sjuhundra[d], лен Стакгольм, Швецыя
Дата смерці	23 ліпеня 1373
Месца смерці	Рым, Папская вобласць
Месца пахавання	Vadstena Abbey[d]
Кананізавана	1391
У ліку	святы і каталіцкі святы
Дзень памяці	23 ліпеня
Бацька	Біргер Персан
Маці	Ingeborg Bengtsdotter[d]
Муж	Ulf Gudmarsson[d]
Дзеці	Märta Ulfsdotter[d], Karl Ulfsson[d], Birger Ulfsson[d], Кацярына Вадстэнская і Cecilia Ulvsdotter[d]
Медыяфайлы на Вікісховішчы

Брыгіта Шведская, Біргіта (шв. Birgitta; 1303, Фінстад, Швецыя — 23 ліпеня 1373, Рым, Італія) — каталіцкая святая, заснавальніца ордэна брыгітак, апякунка Еўропы.

Сям’я

Брыгіта нарадзілася ў 1303 годзе ў арыстакратычнай шведскай сям’і, яе бацька быў кіраўніком адной з буйных і значных шведскіх абласцей. У 13 гадоў яе выдалі замуж за высакароднага двараніна Ульфа Гудмарсана, у сямейным жыцці мела 8 дзяцей, адна з дачок св. Брыгіты была пазней праслаўлена, як Святая Кацярына Шведская. Яе сын Карл жыў пры двары каралевы Джаваны Неапалітанскай, якая прымусіла яго развесціся з жонкай. Не паспеўшы абвянчацца з каралевай, Карл памёр, і ў яго смерці Брыгіта і яе сям’я лічыла вінаватай каралеву.

Біяграфія

Нягледзячы на тое, што яе погляды фармаваліся ў арыстакратычным асяроддзі, Брыгіта з юнацкіх гадоў аддавала перавагу духоўным каштоўнасцям і мала клапацілася аб матэрыяльным, дапамагаючы бедным і хворым.

У 1344 годзе памёр муж Брыгіты, пасля чаго яна пасялілася побач з цыстэрцыянскім кляштарам Альвастра.

Брыгіце былі відзежы. У адным з такіх відзежаў у 1346 годзе Св. Брыгіта атрымала загад заснаваць новы манаскі ордэн. Кароль Швецыі Магнус Эрыксан быў прыхільны да гэтай ідэі і вылучыў зямлю ў Вадстэне пад будучы кляштар ордэна. Аднак Папа Рымскі Клімент VI з Авіньёна адхіліў прашэнне Св. Брыгіты.

У 1350 Брыгіта пераехала ў Рым, дзе жыла да самай смерці, за вылікам рэгулярных пілігрымак. Яны набыла ў Рыме добрую славу сваім дабрачынным жыццём і сваёй міласэрнасцю.

Кананізацыя

У 1391 годзе яна была кананізавана Папам Баніфацыем IX. У 1999 годзе была абвешчана заступніцай Еўропы Папам Янам Паўлам II. Памяць Св. Брыгіты ў Каталіцкай царкве — 23 ліпеня.

Спасылкі

• Сайт пра Св. Брыгіту Архівавана 8 чэрвеня 2004. (шведск.) (англ.)
• Каталіцкая энцыклапедыя (англ.)