Браманціна

Браманціна
Дата нараджэння	каля 1465
Месца нараджэння	Мілан, Міланскае герцагства
Дата смерці	1536
Месца смерці	Мілан, Міланскае герцагства
Род дзейнасці	мастак, архітэктар
Мастацкі кірунак	Адраджэнне
Медыяфайлы на Вікісховішчы

Браманціна, сапр. імя Барталамеа Суардзі (італ.: Bartolommeo Suardi; Мілан або Бергама, каля 1465 — 1530) — італьянскі мастак і архітэктар.

Біяграфія і творчасць

Барталамеа Суардзі нарадзіўся каля 1465 года ў Мілане (па іншай версіі — у Бергама).

У Мілане, дзе «валадарыў» Леанарда, Браманціна стварыў яркі, востры стыль. Браманціна сфармаваўся пад уплывам Буцінонэ і графічнага стылю Падуі і Ферары. Пазней ён шмат чаму навучыўся ў Даната Брамантэ, у якога доўгі час быў памочнікам (чым і тлумачыцца яго мянушка Браманціна — літар. «Маленькі Брамантэ») і ў якога пераняў любоў да манументальных формаў і драматызму. Некаторыя мастацтвазнаўцы мяркуюць, што Брамантэ даручаў Браманціна, як жывапісцу, ажыццяўленне сваіх задум.

У спелы перыяд сваёй творчасці, калі былі выкананы шпалеры для створанага ім маўзалея Трывульцы, мастак прытрымліваўся строгай кампазіцыйнай ураўнаважанасці.

Пераехаўшы ў Рым у 1508 годзе, дзе ён распісваў лоджыі ў Ватыкане, Браманціна пачаў працаваць у новай манеры, блізкай да маньерысцкага стылю.

Браманціна памёр у 1530 годзе.