Euglenozoa

Euglenozoa — тып аднаклетачных пратыстаў. Свабоднажывучыя і паразіты.

Euglenozoa
Прадстаўнікі роду Эўглена (Euglena)
Навуковая класіфікацыя
прамежныя рангі Дамен:  Эўкарыёты Без рангу:  Пратысты Царства:  Прасцейшыя Надтып:  Excavata Тып:  Euglenozoa
Міжнародная навуковая назва
Euglenozoa Cavalier-Smith, 1981
Класы
Diplonemea Euglenoidea — Эўгленавыя водарасці Kinetoplastea — Кінетапластыды Symbiontida
Сістэматыка на Віківідах Выявы на Вікісховішчы NCBI   33682 EOL   4841

Апісанне

Фотатрофныя і гетэратрофныя формы з 1—2, радзей некалькімі жгуцікамі, якія нясуць бялковы (параксіяльны) цяж і маюць простыя вырасты-мастыганемы. Жгуцікі, як правіла, выходзяць з глыбокага рэзервуара на пярэднім канцы клеткі і маюць 2—3 мікратрубачкавых карэньчыкі. Крысты ў мітахондрыях пераважна пласціністыя (дыскападобныя), але могуць прымаць і трубчастую форму.

Размнажэнне вегетатыўнае, зрэдку — палавое. Дзяленне ядра — адкрыты ўнутрыядзерны мітоз. Маюць цытастом, які служыць для захоплівання ежы.

Сістэматыка

Тып раздзяляюць на 2—4 класы, у тым ліку сюды адносяцца эўгленавыя водарасці (Euglenoidea) і кінетапластыды (Kinetoplastea).

Літаратура

• Протисты: Руководство по зоологии / под ред. академика РАН А. Ф. Алимова. — СПб.: Наука, 2000. — Т. 1. — 679 с. ISBN 5-02-025864-4