Dynastes maya — жук з падсямейства Dynastinae сямейства пласцініставусыя.
Dynastes maya марфалагічна падобны з Dynastes hercules і Dynastes hyllus. Існуе гіпотэза, што гэты від можа з’яўляцца пераходнай формай паміж паўночнымі відамі роду, што жывуць у сухім клімаце (Dynastes tityus, Dynastes granti, Dynastes hyllus) і паўднёвымі, што жывуць у вільготным клімаце (Dynastes hercules, Dynastes neptunus, Dynastes satanas).
Даўжыня самца — 50 — 90 мм; самкі — 40 — 50 мм. Афарбоўка пярэднеспінкі і галавы самцоў — чорная або чорная з зелянявым адценнем. Часам пярэднеспінка самцоў з чырванавата-карычневым адценнем. Надкрылле жоўтае з аліўкава-зялёным адценнем. Самцы з дужым, тоўстым, адносна нядоўгім рогам на галаве. Пярэднеспінка з адным адносна доўгім рогам і 4 асобнымі кароткімі зубцамі.
- Hardy, M. 2003. Description of a new species of Dynastes Kirby (Coleoptera Scarabaeidae Dynastinae) from North and Central America. Besoiro 9: 3-7.
