Новы Ярычыў

Новы Ярычыў (укр.: Новий Яричів) — пасёлак гарадскога тыпу ў Кам’янка-Бугскім раёне Львоўскай вобласці Украіны. Цэнтр пасялковага Савета, размешчаны за 27 км ад Львова, за 38 км ад раённага цэнтра г. Каменка-Бугская і за 6 км ад чыгуначнай станцыі Запыціў.

Населены пункт Новы Ярычыў Герб Сцяг Краіна Украіна Вобласць Львоўская вобласць Раён Львоўскі раён Каардынаты 49°54′07″ пн. ш. 24°18′12″ у. д. Вышыня цэнтра 222 м Насельніцтва 3 002 чал. (2019) Часавы пояс UTC+2, летам UTC+3 Паштовыя індэксы 80465 КААТУУ 4622155600 Новы Ярычыў на карце Украіны ±

Медыяфайлы на Вікісховішчы

Гісторыя

Паселішча ўпершыню згадваецца ў пісьмовых крыніцах у 1148 г., але найбольш даставерная першая згадка аб Новым Ярычаве датуецца 1370 г.

У 1618 г. мястэчка атрымлівае магдэбургскае права. 27 сакавіка 1934 г. улады Другой Польскай Рэспублікі надаюсь паселішчу статус горада.

У 1940-1941 і ў 1944-1962 гг. паселішча было цэнтрам Новаярычыўскага раёна Львоўскай вобласці.

У 2001 г. ў мястэчку была адкрыта адрамантаваная школа, якая была пабудавана яшчэ ў 1899 г. у часы, калі Новы Ярычыў разам з усёй Галічыной знаходзіўся ў складзе Аўстра-Венгрыі.

Персаналіі

• Мяцелля Севярын Мадэставіч (1863-1936 гг.) — украінскі ўніяцкі святар, грамадскі дзеяч, дэпутат аўстрыйскага парламента ў Вене ад Галічыны, дэпутат Галіцкага краявога сейма, дэлегат Украінскай Нацыянальнай Рады ЗУНР.
• Стэфанішын Міхаіл - бацька першай астранаўткі ўкраінскага паходжання Гайдэмары Стефанішын-Пайпер.
• Цягнібок Яраслаў - бацька ўкраінскага палітыка Алега Цягнібок.
• Панькевіч Іван Артэмавіч (1887-1958 гг.) - украінскі мовазнаўца, этнограф, грамадскі дзеяч.
• Пашко Васіль Любаміровіч (1982-2014 гг.) - удзельнік АТО, вайсковец ДУК, удзельнік расійска-ўкраінскай вайны, загінуў пад Амвросіеўкай.
• Яснагурская Сафія Яўстахіеўна (нар. у 1940 г.) — савецкая спартсменка (лыжныя гонкі, веласпорт, спартыўнае арыентаванне). Майстар спорту СССР.