Элемент AA

AA (таксама: R6, LR6, 316, А316, Mignon, Stilo, у прастамоўі «пальчыкавая батарэйка») — аднаэлементная цыліндрычная сухая электрычная батарэя стандартаванага памеру. Вырабляюцца з 1907 года і з’яўляюцца найбольш распаўсюджаным тыпапамерам электрычных батарэй (гальванічных элементаў сілкавання і акумулятараў). Батарэйкі тыпу АА часта выкарыстоўваюцца ў партатыўных электронных прыладах.

Элементы AA.

Элемент сілкавання AA у параўнанні з іншымі тыпамі (4-ы злева).

Намінальнае напружанне — 1,5 В у гальванічных элементаў, 1,2 В — у Ni-Cd і Ni-MH акумулятараў, 1,6 В у Ni-Zn акумулятараў.

У СССР элементы сілкавання АА мелі абазначэнне 316 (з солевым электралітам, гандлёвая марка «Уран М») і А316 (са шчолачным электралітам, гандлёвая марка «Квант»).

Існуюць літый-іонныя акумулятары падобнага тыпаразмеру (14500), з намінальным напружаннем 3,7 В, што можа пашкодзіць большасць прылад, разлічаных на напружанне 1,2—1,5 В.

Магчымыя значэнні ёмістасці

	Солевыя	Шчолачныя	Li-FeS2	NiZn	NiCd	NiMH
Назва паводле стандарта IEC	R6	LR6	FR6	ZR6	KR6	HR6
Ёмістасць	550 — 1500 mAh	1000 — 2980 mAh	2000 — 3000 mAh	1500 — 1800 mAh	600 — 1500 mAh	1400 — 3000 mAh
Намінальнае электрычнае напружанне	1.50 V	1.50 V	1.50 V	1.65 V	1.25 V	1.25 V
Перазараджвальнасць	Не	Некаторыя	Не	Так	Так	Так

Прыведзеныя значэнні ёмістасці солевых і шчолачных элементаў слушныя пры разрадзе малымі токамі, якія не перавышаюць дзясяткі мА. Пры разрадзе токамі ў сотні мА, ёмістасць гэтых элементаў змяншаецца ў некалькі разоў.

Прылада

Элемент AA уяўляе сабой цыліндр, дыяметрам 13,5 — 14,5 мм. Даўжыня элемента разам з кантактным выступам дадатнага полюсу складае 50,5 мм. Цыліндрычная частка пакрыта ізаляванай абалонкай. Вывады размяшчаюцца на процілеглых тарцах цыліндру. Дадатны вывад ўяўляе сабой выступ, дыяметрам 5,5 мм і вышынёй не менш як 1 мм. Адмоўны вывад уяўляе сабой плоскую ці рэльефную кантактную пляцоўку, дыяметрам не менш як 7 мм.

Вага можа адрознівацца ў шырокіх межах. Так, напрыклад:

• Солевыя:
  • Samsung Pleomax AA/R6 — 14 г
  • GP Greencell AA/R6 — 18 г
• Шчолачныя:
  • Panasonic Essential Power AA/LR6 — 22 г
  • Duracell Turbo AA/LR6 — 24 г
• Ni-Mh:
  • Sanyo eneloop BK-3HCC — 30 г
  • GP AA 2700 mAh — 30 г.

У ранніх асобніках батарэй цынкавы стакан (для сухіх элементаў) ці стальны нікеляваны (для шчолачных) непасрэдна служыў адным з электродаў. Аднак такая канструкцыя элементаў часта была прычынай кароткіх замыканняў, а таксама такія элементы былі вельмі схільныя да карозіі. Сучасныя гальванічныя элементы маюць ізаляваны металічны ці пластмасавы корпус, які засцерагае элемент ад кароткіх замыканняў і ад карозіі.

Гл. таксама

• Батарэйка
• Батарэйка AAA
• Батарэйка «Крона»
• Тыпаразмеры гальванічных элементаў
• Гальванічны элемент
• Хімічная крыніца току
• Нікель-метал-гідрыдны акумулятар (NiMH)
• Нікель-кадміевы акумулятар (NiCd)
• Літый-іонны акумулятар (Li-Ion)

Спасылкі

• На Вікісховішчы ёсць медыяфайлы па тэме Элемент AA