Ягелёнія Беласток

	Ягелёнія Беласток
Поўная назва	па-польску: Jagiellonia Białystok Sportowa Spółka Akcyjna
Заснаваны	1920
Горад	Беласток, Польшча
Стадыён	Гарадзкі стадыён; Умяшчальнасьць: 22 386
Прэзыдэнт	Цэзары Кулеша[d]
Галоўны трэнэр	Адрыян Сяменец[d];
Чэмпіянат	Экстракляса
· 2023—2024	1 месца
	Галерэя здымкаў у Вікісховішчы; jagiellonia.pl (пол.)

«Ягелёнія» (па-польску: Jagiellonia) — польскі футбольны клюб з гораду Беластоку. Заснаваны ў 1920 годзе. Чэмпіён Польшчы (2024), уладальнік Кубка Польшчы (2010) і Супэркубка Польшчы (2010). Клюб названы ў гонар караля Польшчы й Вялікага князя літоўскага Ўладыслава Ягайлы. Свае хатнія матчы клюб праводзіць на Гарадзкім стадыёне, які зьведаў рэканструкцыю ў 2014 годзе. Пасьля атрыманьня Кубку Польшчы «Ягелёнія» ўпершыню ў гісторыі ўзяла ўдзел у эўракубках, але каманда ня здолела кваліфікавацца ў Лігу Эўропы, саступіўшы ў трэцім кваліфікацыйным раўндзе грэцкаму клюбу «Арыс». У сэзоне 2018—2019 гадоў беластоцкая дружына зьбірала ў сярэднім 9458 наведвальнікаў на хатнія матчы ў лізе^[4].

Гісторыя

Клюб быў заснаваны жаўнерамі рэзэрвовага батальёну 42-га стралковага палку 30 траўня 1920 году. У першыя гады ўключна з 1923 годам большасьць матчаў каманды былі таварыскія сустрэчы альбо невялікія турніры ў самім Беластоку. Клюб далучыўся да акруговай лігі ў 1924 годзе, пачынаючы з Клясы Б акругі Вільні. У першы ж сэзон беластокцы атрымалі посьпех і адразу здабылі перамогу ў сваёй групе ў дэбютным сэзоне, атрымаўшы прасоўваньне ў Клясу А акругі Вільні. Праз паўзу ў турнірах матчаў у лігах у 1925 годзе не было^[5]. Толькі ў 1926 годзе каманда дэбютавала ў галоўным дывізіёне віленскай акругі. У далейшыя гады каманда пагоршыла свае вынікі. У 1929 годзе беластоцкая каманда ўжо гуляла ў навастворанай Беластоцкай акрузе, а ў 1932 клюб пастанавіў аб’яднацца зь іншым камандай Зьвязу сельскай моладзі Беластоку. Новай назвай была абраная «Ягелёнія», як даніна памяць дынастыі Ягайлавічаў, якая некалькі стагодзьдзяў панавалі ў Рэчы Паспалітай^[6]. У той жа час колерамі каманды сталі жоўты і чырвоны.

Напрыканцы 1930-х гадоў празь фінансавыя цяжкасьці клюб быў ліквідаваны. Большасьць гульцоў далучылася да складу беластоцкага клюбу «Сагітарыюс», які таксама спыніў сваё існаваньне праз пачатак Другой сусьветнай вайны. Па вайне «Ягелёнія» адрадзілася дзякуючы намаганьням Караля Кавальчынскага^[7], але адраджэньне было нядоўгім. Ужо 20 чэрвеня 1946 году клюб быў распушчаны^[7]. Наўзамен быў створаны клюб «Матор», які няблага вытупаў у рэгіянальных спаборніцтвах. У 1949 годзе паўстаў клюб «Будаўляны», які ў 1951 годзе аб’яднаўся з «Маторам». У 1955 годзе аб’яднаны клюб атрымаў назву «Ягелёнія», а 26 студзеня 1957 году адбылося зьліцьцё «Ягелёніі» і «Спарты». Клюб працягнуў свае выступы ў рэгіянальных спаборніцтвах.

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Макс Стрыек	1996
3	Аб	Душан Стоінавіч	2000
4	Аб	Етмір Галіці	1996
5	Аб	Цэзары Поляк	2003
6	ПА	Тарас Раманчук (капітан)	1991
8	ПА	Нэнэ	1995
9	Нап	Лямін Дыябі-Фадыга	2001
10	Нап	Афіміку Пулулу	1999
11	ПА	Хэсус Імас	1990
14	ПА	Яраслаў Кубіцкі	1995
16	Аб	Міхал Сачак	1996
17	Аб	Адрыян Д’егес	1996
20	Нап	Мікі Вільяр	1996
21	Нап	Дарка Чурлінаў (ар. Бэрнлі)	2000

№	Пазыцыя	Імя	Год нараджэньня
22	Нап	Пэтэр Ковачык (ар. Кома)	2001
29	Нап	Марцін Лісткоўскі	1998
33	Бр	Бартломей Жынэль	1998
38	Нап	Даміян Вайдакоўскі	2005
39	ПА	Арэльен Нгіямба	1999
44	Аб	Жуан Маўтыньню (ар. Спэцыя)	1998
50	Бр	Славамер Абрамовіч	2004
51	Нап	Алян Рыбак	2006
66	Бр	Мілаш Пекутоўскі	2006
71	ПА	Шыман Стыпулкоўскі	2006
72	Аб	Матэвуш Скшыпчак	2000
82	Аб	Томаш Сылва	1999
99	Нап	Крыстафэр Гансэн	1994

Крыніцы

^ https://jagiellonia.pl/oklubie
^ https://rejestr.io/krs/64830/jagiellonia-bialystok-sportowa
^ https://www.transfermarkt.com/jagiellonia-bialystok/mitarbeiterhistorie/verein/2300
^ «Ekstraklasa 2018/2019 — Attendance». Worldfootball.net.
^ «Historia polskiej ekstraklasy (d. I ligi)». Historia polskiej piłki nożnej.
^ «Jagiellonian Dynasty». Britannica.
^ ^а ^б «Historia». Jagiellonia.pl.

Вонкавыя спасылкі

[_a3ff4aa9224a0ae3-1] ttps://jagiellonia.pl/oklubie

[_3b968170051d1693-2] ttps://rejestr.io/krs/64830/jagiellonia-bialystok-sportowa

[_8b431b0bbeacf983-3] ttps://www.transfermarkt.com/jagiellonia-bialystok/mitarbeiterhistorie/verein/2300

[4] «Ekstraklasa 2018/2019 — Attendance». Worldfootball.net.

[5] «Historia polskiej ekstraklasy (d. I ligi)». Historia polskiej piłki nożnej.

[6] «Jagiellonian Dynasty». Britannica.

[historia-7] а ^б «Historia». Jagiellonia.pl.

[1]

[2]

[3]

[4]

[5]

[6]

[7]