Сэдрык Карасо

**Сэдрык Карасо**
	Сэдрык Карасо
Пэрсанальная інфармацыя
Нарадзіўся	30 сьнежня 1981 (42 гады); Авіньён;
Рост	187 см
Вага	87 кг
Пазыцыя	брамнік
Клюбы
Зборныя

Сэдрык Карасо (па-француску: Cédric Carrasso; нарадзіўся 30 сьнежня 1981 году, Авіньён, Францыя) — былы францускі футбаліст, брамнік. У 2011 годзе правёў 1 матч у складзе нацыянальнай зборнай Францыі.

Кар’ера

«Марсэль»

Карасо далучыўся да юнацкай акадэміі «Марсэля» ва ўзросьце трынаццаці гадоў і, нягледзячы на сыход у «Авіньён» на адзін год у 1998 годзе, менавіта ў «Марсэлі» ён падпісаў свой першы прафэсійны кантракт. Перш чым Сэдрык атрымаў шанец згуляць за першую каманду, ён быў аддадзены ў арэнду ў ангельскі «Крыстал Пэлас» на сэзон 2001—2002 гадоў, дзе згуляў толькі адзін матч. Па вяртаньні ў «Марсэль», Карасо дэбютаваў у асноўным складзе клюбу 2 лістапада 2002 году ў гульні супраць «Манпэлье», якая скончылася зь лікам 2:0. Пазьней ён зьмяняў Вэдрана Рунье яшчэ некалькі гульняў.

Потым на працягу доўгага часу Карасо знаходзіўся ў цені Фаб’ена Бартэза, аднак пасьля здолеў прабіцца ў склад у сэзоне 2006—2007 гадоў і прымусіў Бартэза сысьці з клюбу.

«Тулюза»

У ліпені 2008 году Сэдрык перайшоў з «Марсэлю» ў «Тулюзу» за 2,5 млн эўра, дзе стаўся асноўным брамнікам клюбу.

«Бардо»

Пасьля ўдалага сэзону ў «Тулюзе» Сэдрыка запрыкмецілі функцыянэры «Бардо», зь якім 30 чэрвеня 2009 году Карасо падпісаў кантракт на 4 гады^[3]. Сума трансфэру склала 8 млн эўра.

Міжнародная кар’ера

Дзякуючы выступам за «Тулюзу», Карасо атрымаў запрашэньне ў зборную Францыю на таварыскі матч супраць зборнай Аргентыны 11 лютага 2009 году. Пасьля гэтага ён стала запрашаўся на ўсе гульні зборнай пад кіраўніцтвам Раймона Дамэнэка, але заўсёды ў якасьці трэцяга брамніка пасьля Юго Лярыса й Стыва Манданды. Дэбютаваў у складзе зборнай у таварыскім матчы супраць зборнай Польшчы 8 чэрвеня 2011 году.

Дасягненьні

«Бардо»:

Уладальнік Супэркубка Францыі: 2009
Уладальнік Кубка Францыі: 2013

«Галатасарай»:

Чэмпіён Турэччыны: 2018

Крыніцы

^ ^а ^б ^в Cédric Carrasso // Transfermarkt (мн.) — 2000.
^ ^а ^б ^в CEDRIC CARRASSO // Argentine Soccer Database (гішп.)
^ Каррассо официально стал игроком «Бордо»(недаступная спасылка). championat.ru

Вонкавыя спасылкі

Сэдрык Карасо — сховішча мультымэдыйных матэрыялаў

Статыстыка на сайце LFP.fr
Профіль на сайце transfermarkt.co.uk

[_5d8179d6b6d0b669-1] а ^б ^в Cédric Carrasso // Transfermarkt (мн.) — 2000.

[_5403c16f57859757-2] а ^б ^в CEDRIC CARRASSO // Argentine Soccer Database (гішп.)

[3] Каррассо официально стал игроком «Бордо»(недаступная спасылка). championat.ru

[1]

[2]

[3]

Пэрсанальная інфармацыя
Сэдрык Карасо

Нарадзіўся	30 сьнежня 1981(1981-12-30)^[1]^[2] (42 гады) Авіньён
Рост	187 см
Вага	87 кг
Пазыцыя	брамнік
Клюбы
Гады	Клюб	Гульні (галы)¹
2001—2008 2002 2004—2005 2008—2009 2009—2017 2017—2018	Алімпік Марсэль → Крыстал Пэлас (арэнда) → Генгам (арэнда) Тулюза Бардо Галатасарай	59 (0) 1 (0) 26 (0) 37 (0) 256 (0) 1 (0)
Зборныя
2011	Францыя	1 (0)