Гран-пры Аўстрыі
Рэд Бул Рынг | |
![]() | |
![]() | |
Гісторыя | |
---|---|
Праведзеныя гонкі | 42 |
Першая гонка | 1963 |
Лідэр (гоначнік) | ![]() |
Лідэр (канструктар) | ![]() |
Траса | |
Працягласьць кола | 4,318 км |
Працягласьць гонкі | 306,452 км |
Колькасьць колаў | 71 |
Сэзон 2023 году | |
Поўл-пазыцыя |
|
Подыюм |
|
Найхутчэйшае кола |
|
Вонкавыя спасылкі | |
Гран-пры́ А́ўстрыі (па-нямецку: Großer Preis von Österreich) — гонкавае спаборніцтва пад эгідай Міжнароднай аўтамабільнай фэдэрацыі, а з 2014 року — гонка Формулы-1.
Мінуўшчына
[рэдагаваць | рэдагаваць крыніцу]Першую гонку па-за залікам 1963 року ў Цэльтвэгу за 70 км ад Грацу выйграў аўстраліец Джэк Брэбэм. З наступнага сэзону гонка ўвайшла ў каляндар Формулы-1; што праўда, якая аказалася надта небясьпечнай з вузкімі каляінамі ды няроўная, таму ўсяго праз год яе выдалілі з календара да пабудовы новай трасы. У 1965 тут адбылася гонка «200 міляў Цэльтвэгу», праз год пераўтвораная ў этап чэмпіянату сьвету спартовых аўтамабіляў «1000 км Цэльтвэгу». З 1969 року гонка перанесеная ў суседні Шпільбэрг на трасу Аўстрыярынг, а з наступнага стала этапам чэмпіянату Формулы-1.
У 1975 гонка мела назву Гран-пры Эўропы. На жаль, яна была азмрочаная аварыяй амэрыканца Марка Донаг’ю падчас трэніроўкі, які пазьней сканаў ад траўмаў. Сама гонка была адкладзеная на 1 гадзіну 15 хвілінаў праз залеву, і ў такіх умовах адзіную сваю перамогу ў кар’еры здабыў Віторыё Брамбільля, пры гэтым сам разьбіўшы нос машыны ўжо пасьля перасячэньня фінішнай рысы.
Гоначнікі ўпадабалі Аўстрыярынг за ягоную хуткасьць нават у паваротах. Аднак з павелічэньнем агульнай хуткасьці балідаў гэта стала хутчэй праблемай. Гонку 1987 року перазапускалі двойчы пасьля аварый на стартавым адцінку. Да таго ж яна перастала адпавядаць стандартам бясьпекі ФІА. На дзесяць гадоў правядзеньне Гран-пры Аўстрыі спынілася.
З 1997 гонка ўзнавілася на абноўленым Аўстрыярынгу, які цяпер атрымаў паводле галоўнага спонсара назву А1-Рынг, альбо паводле месца правядзеньня — Шпільбэрг. Хуткія працяглыя павароты былі замененыя, каб зьменшыць хуткасьць. У 2002 року гонка «праславілася» эпізодам, калі каманда «Фэрары» загадала Рубэнсу Барыкела аддаць перамогу Міхаэлю Шумахэру. Гонка на А1-Рынгу ладзілася да 2003 року.
Новыя ўласьнікі трасы — Red Bull GmbH — дабіліся аднаўленьня Гран-пры з 2014 року, дзе яно і праходзіць дагэтуль, толькі траса называецца ўжо Рэд Бул Рынг.
Пераможцы
[рэдагаваць | рэдагаваць крыніцу]![](http://upload.wikimedia.org/wikipedia/commons/thumb/a/a4/Circuit_Zeltweg.png/220px-Circuit_Zeltweg.png)
![](http://upload.wikimedia.org/wikipedia/commons/thumb/5/56/%C3%96sterreichring_1969-1976.svg/220px-%C3%96sterreichring_1969-1976.svg.png)
![](http://upload.wikimedia.org/wikipedia/commons/thumb/c/ca/%C3%96sterreichring_1977-1987.svg/220px-%C3%96sterreichring_1977-1987.svg.png)
Ружовае тло азначае, што гонка не ўваходзіць у каляндар Чэмпіянату сьвету Формулы-1.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Austrian GP. ChicaneF1. Архіўная копія ад 10 December 2021 г.
- ^ Grand Prix winners 1894–2019 Forix. Autosport. Архіўная копія ад 17 August 2017 г.
- ^ Higham, Peter The Guinness Guide to International Motor Racing. — London, England: Motorbooks International, 1995. — P. 350. — ISBN 978-0-7603-0152-4