Алімпія Марата
Алімпія Марата | |
| Olimpia Fulvia Morata | |
 | |
| Дата нараджэньня | 1526[1] |
|---|---|
| Месца нараджэньня | |
| Дата сьмерці | 26 кастрычніка 1555[3] |
| Месца сьмерці | |
| Прычына сьмерці | сухоты |
| Занятак | пісьменьніца, клясыцыстка, паэтка, навукоўца |
| Бацька | Fulvio Pellegrino Morato[d][1] |
Алі́мпія Фу́львія Мара́та (па-італьянску: Olimpia Fulvia Morata; 1526 — 26 кастрычніка 1555) — італьянская антыказнаўка.
Жыцьцяпіс
[рэдагаваць | рэдагаваць крыніцу]Нарадзілася ў Фэрары ў сям’і Фульвіё Пэлегрына Мараты і Люкрэцыі. Зь дзяцінства атрымлівала клясычную адукацыю дзякуючы знаёмству бацькі з найзнакаміцейшымі арыстакратамі Італіі. У 12-гадовым веку Алімпія магла бегла размаўляць па-грэцку і лацінску.
У гэтым узросьце стала кампаньёнкай і настаўніцай Ганны д’Эстэ, дачкі Фэрарскай герцагіні Рэнаты. Пры двары герцагіні часта бывалі Жан Кальвін, Віторыя Калёна, Клеман Маро ды іншыя вядомыя пратэстанты.
У 1546 року Алімпія Марата пакінула двор, каб даглядаць хворага бацьку, які навярнуўся ў пратэстанцтва. Па ягоным сконе занялася выхаваньнем сваіх братоў і сёстраў. Пэўны час пры двары Ганны д’Эстэ, цяпер жонкі герцага Франсуа дэ Гіза, вывучала філязофію.
У 1550 року выйшла замуж за маладога студэнта мэдыцыны і філязофіі Андрэаса Грундлера з Баварыі. Пэўны час жылі ў ягоным родным месьце Швайнфурце, у 1554 Грундлер атрымаў працу ў Гайдэльбэргу.
У 1558 року, ужо па сьмерці Алімпіі, у Базэлі быў выдадзены збор ейных грэцкіх і лацінскіх лістоў[4].
Крыніцы
[рэдагаваць | рэдагаваць крыніцу]- ^ а б Мората, Олимпия-Фульвия (рас.) // Энциклопедический словарь — СПб: Брокгауз — Ефрон, 1896. — Т. XIXа. — С. 830.
- ^ Saracco L. MORATO, Olimpia Fulvia // Dizionario Biografico degli Italiani (італ.) — 2012. — Vol. 76.
- ^ Bibliothèque nationale de France data.bnf.fr (фр.): плятформа адкрытых зьвестак — 2011.
- ^ Robin, Larsen and Levin 2007. С. 215.
Літаратура
[рэдагаваць | рэдагаваць крыніцу]- Robin, Diana Maury, Larsen, Anne R. and Levin, Carole. Encyclopedia of women in the Renaissance: Italy, France, and England. — ABC-CLIO, Inc., 2007.