Бесьпілётнік

Бесьпілётнік — лятак, кіраваны зь зямлі або іншага траспарту пры дапамозе бартавога кампутара або пульту кіраваньня пілётам. У 1935 г. першую іх вытворчасьць пачаў ангельскі актор Рэджынальд Дэні.

Беларусь

У 1999 годзе Канструктарскае бюро «Індэла» распрацавала бартавую апаратуру і наземную станцыю кіраваньня бесьпілётнікам для Сухапутных войскаў і Вайскова-паветраных сілаў Беларусі. 31 ліпеня 2008 году ва Ўзброеных сілах Беларусі стварылі ўправу прымяненьня і разьвіцьця бесьпілётных авіяцыйных комплексаў^[1].

У лютым 2011 г. Фізыка-тэхнічны інстытут Нацыянальнай акадэміі навук Беларусі пачаў першую сэрыйную вытворчасьць звышлёгкіх бесьпілётнікаў «Бусел», «Скат» і «Стрыж» вагой ад 2,5 да 10 кг з практычнай стольлю да 3 тыс. мэтраў і хуткасьцю ад 50 да 100 км/г. Працягласьць іх палёту складала каля гадзіны. Прызначаліся для нагляду для прадказаньня надзвычайных здарэньняў, нагляду за дзяржаўнай мяжой і дарожным рухам, атмасфэрных і мэтэаназіраньняў, агляду стану навакольнага асяродзьдзя, прадухіленьня незаконнай высечкі лесу і браканьерства^[2].

Крыніцы

^ Хрэнін: БПЛА прыняты на ўзбраеньне ва ўсіх родах войскаў // Беларускае тэлеграфнае агенцтва, 31 ліпеня 2023 г. Праверана 31 ліпеня 2023 г.
^ Ірына Юдзіна, «Менск-навіны». Першая сэрыйная партыя айчынных беспілётных лятальных апаратаў выпушчана ў Менску // Зьвязда : газэта. — 19 лютага 2011. — № 33 (26897). — С. 10. — ISSN 1990-763x.

Гэта — накід артыкула па тэхніцы. Вы можаце дапамагчы Вікіпэдыі, пашырыўшы яго.

[1] Хрэнін: БПЛА прыняты на ўзбраеньне ва ўсіх родах войскаў // Беларускае тэлеграфнае агенцтва, 31 ліпеня 2023 г. Праверана 31 ліпеня 2023 г.

[2] Ірына Юдзіна, «Менск-навіны». Першая сэрыйная партыя айчынных беспілётных лятальных апаратаў выпушчана ў Менску // Зьвязда : газэта. — 19 лютага 2011. — № 33 (26897). — С. 10. — ISSN 1990-763x.

[1]

[2]