San Miguel Corporation
A Korporasyon nin San Miguel o San Miguel Corporation, midbid man sa halipot na kaapudang SMC, iyo sarong Filipinong multi-nasyunal asin konglomeratong kompanya. Ini an pinakadakulang korporasyon sa bilog na Filipinas kun benta an pag-uulayan, na igwa nin lagpas 24,000 na mga empleyado sa lagpas 100 na mayor na pasilidad sa bilog na Asya-Pasipikong rehiyon.
An flagship na produkto kaini, an Serbesa nin San Miguel o San Miguel Beer, iyo saro sa mga pinaka-nabebentang serbesa sa kinaban. An operasyong pang-manupaktura kan San Miguel iyo napalakop gikan sa ginikanang merkado kaini pasiring sa Hong Kong, Tsina, Indonesia, Vietnam, Thailand, Malaysia asin Australia, sagkod an mga produkto kaini iyo nailuwas na sa 60 na merkado sa bilog na kinaban.
Poon 2008, an SMC iyo naglakop hali sa mga pangenot kaining negosyo pasiring sa petrolyo (Petron Corporation), pagguno nin enerhiya asin imprastraktura. Halipot man na nakapotan kan korporasyon an Philippine Airlines poon Abril 2012 hasta Septembre 2014.[1][2][3]
Toltolan
[baguhon | baguhon an source]- ↑ "San Miguel agrees to sell PAL stake back to Tan". Rappler. http://www.rappler.com/business/industries/171-aviation-tourism/68521-san-miguel-agrees-sell-pal-stake.
- ↑ "Tan gets back PAL for $1.3 B". The Philippine Star. http://www.philstar.com/headlines/2014/09/16/1369587/tan-gets-back-pal-1.3-b.
- ↑ "PAL buyback: Lucio Tan's change of heart". Rappler. http://www.rappler.com/business/industries/171-aviation-tourism/68580-philippine-airlines-san-miguel-lucio-tan-buyout-change-of-heart.
Mga panluwas na takod
[baguhon | baguhon an source] |
An Wikimedia Commons igwa nin medya dapit sa San Miguel Corporation. |
