Nihon Hidankyo

Japan Confederation of A- and H-Bomb Sufferers Organizations

Pagkakatugdas	10 Agosto 1956 (1956-08-10)
Focus	Abolition of nuclear weapons
Opisina	Shibadaimon, Minato, Tokyo
Pigseserbihang lugar	Japan
Mga paagi	Lobbying
Executive director	Sueichi Kido
Websityo	www.ne.jp/asahi/hidankyo/nihon/

An Kaayonan nin mga organisasyon sa Hapon nagsapo kan bomba atomika asin hidroheno (日本原水爆被害者団体協議会, Nihon gensuibaku higaisha dantai kyōgi-kai), na pinalipot sa Nihon Hidankyō (日本被団協, Nihon Hidankyō), sarong grupo pinagbilog kan mga hibakusha kan 1956 na may katuyohan na piriton an gobyerno Hapones na toltolon an suporta sa mga biktima asin pagdoonan an gobyerno sa paghale kan mga armas nuklear.

An mga aktibidad kan organisasyon an pagtipon asin pagdokumento kan mga rinibong istorya kan mga testigo, pagpaluwas mga resolusyon asin paghuhurot sa publiko, asin pagpadara nin taonan na delegasyon sa mga pagtiripon kan mga organisasyon internasyonal, kaiba an Nasyon Unido, asin man pagtolod kan pangkinaban na hiron sa disarmamento nuklear.

An organisasyon piggawadan kan 2024 Premyo Nobel sa Katoninongan "para sa mga paghihingowa na makamit an kinaban na libre sa armas nuklear asin sa pagpahiling kaini paagi nin pagsaksi nin mga testigo na an armas nuklear dai nanggad paggamiton liwat".

Historya

An Nihon Hidankyo lakopan na organisasyon pigbilog kan mga grupong nagsapo sa bomba nuklear asin nagkaburuhay maski siring na nangyari sa Hiroshima asin Nagasaki sa mga prefectura kaini. An fallout sa Castle Bravo, sarong thermonuclear weapon test pigkondukta sa Bikini Atoll kan Estados Unidos kan 1954, nagkawsa nin natnat na radiation syndrome sa mga residente sa mga hararani asin kataraid na mga atoll asin sa 23 na tripulante sa sasakyan nin pagsisirang Hapones na Daigo Fukuryū Maru. Ini nagtolod sa pag'organisar kan inapod na Japan Council against Atomic and Hydrogen Bombs sa Hiroshima kan sunod na taon. Napasabngan asin nasuportahan kan hiron na ini, an mga survivor sa pagbomba atomik nagporma sinda kan Nihon Hidankyo kan 10 Agosto 1956, sa ikaduwang taonan na komperensya kan council sa Nagasaki. Alagad, an mobimyentong pagkaburunyog nataya' sa peligro kan an council aktibong nagtapsok sa anti-U.S.-Japan Security Treaty na hiron kaabay an makawalang Japan Socialist Party kan 1959. Dakul na mga suportador an naglitik sa council, asin sa suporta kan konserbatibong mga Liberal Democrats, bagong organisasyon, pinangenotan ni Masatoshi Matsushita, lider kan toriyok na anti-komunistang Democratic Socialist Party, natugdas. Kan 1961, kan an Unyon Sobyet nagpadagos naman kan mga nuklear test, an sangang komunista kan council nagsayumang magkondenar sa mga siring na aktibidad, na nagbunga nin makuring siriplingan. Ini nagresulta sa pagsiriblagan pa kan movimiento, na an grupong suportado kan Japan Socialist Party na nagkondenar kan anoman na pagpaputok nin bomba nuklear kan arinman na nasyon, an grupong ini logod naglitik asin nagporma nin bagong council. An hirignitan sa anti-nuclear movement nagkawsa na an ibang prefectural na Hidankyos magsiriblagan maski sa lebel na lokal, na arog kan sa Hiroshima, kun saen may duwang grupo, saro suportado kan Socialist Party asin saro kan Partido Komunista, alagad pareho dara an sarong pangaran na Hidankyo. An organissasyon nasyonal nagdesider na dai na logod makikampi sa anoman na hirong politikal kan 1965.

Mga Aktibidad

Sa kan Oktobre 2024, an mga sibot kan Nihon Hidankyo iyo an mga minasunod:

• Adbokasuya sa pagpawara kan mga armas nuklear asin sa paghurot nin kompensasyon kan estado
• Pagpetisyon sa gobyernong Hapones, sa Nasyon Unido asin iba pang gobyerno na haleon an mga arm mga armas nuklear
• Pagtugdas nin internasyonal na tratadopara sa disarmamento nuklear, paggibo nin mga komperensya internasyonal, pagpaaprobar nin non-nuklear na leyes, asin pagsuporta sa mga hibakusha
• Pagpalakop ninptunay na pagkagamiaw kan tunay na darang ratak nin bomba nuklear sda ;ladp domestiko asin internasyonal
• Pag'adal nin hararom kan mga dinadarang ratak asin maraot na epekto kan bomba nuklear
• Pagsuporta sa mga aktibidad kan mga hibakusha

Mgas Pigurang mayor

Mga opisyales sa presente

Mga Katuwang na Chair

• Terumi Tanaka: Exposed to radiation 3.2 km away from the Nagasaki hypocentre at the age of 13; assumed office on 14 June 2017
• Shigemitsu Tanaka: Exposed to radiation 6 km away from the Nagasaki hypocentre at the age of 4; assumed office on 14 June 2018
• Toshiyuki Mimaki: Exposed to radiation at his home in Hiroshima at the age of 3; assumed office on 9 June 2022

Sekretaryo heneral

• Sueichi Kido: Natambara sa Nagasaki sa radiation sa edad na 5; nagtukaw sa opisyo 7 June 2017

Mga Katuwang na Sekretaryo heneral

• Toshiko Hamanaka
• Jiro Hamasumi
• Michiko Kodama
• Masako Wada

Hilnga man

• Anti-nuclear movement
• Anti-nuclear power movement in Japan
• International Campaign to Abolish Nuclear Weapons
• Treaty on the Prohibition of Nuclear Weapons

Mga panluwas na takod

• Nihon Hidankyō
• HIBAKUSHA – Atomic Bomb Survivors
• United Nations Secretary-General Ban Ki-moon's Statements
• Nihon Hidankyo sa Nobelprize.org