Lee Hsien Loong
| Lee Hsien Loong | |||||||||||||||||||||||
.svg) Lee's name in Simplified (top) and Traditional (bottom) Chinese characters | |||||||||||||||||||||||
| Tradisyonal na Intsik | 李顯龍 | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Pinasimpling Intsik | 李显龙 | ||||||||||||||||||||||
| |||||||||||||||||||||||
Si Lee Hsien Loong (Chinese: 李显龙; pinyin: Lǐ Xiǎnlóng; namundag 10 Pebrero 1952) sarong Singapur na politiko asin dating Heneral de Brigada na nagseserbi bilang Primer Ministro nin Singapur asin Sekretaryo Heneral kan People's Action Party poon pa kan 2004. Siya nagin Myembro sa Parlamento (MP) representado an Teck Ghee dibisyon nin Ang Mo Kio GRC poon 1991, asin dati kan Teck Ghee SMC sa pag'ultan nin 1984 asin 1991.
Namundag sa Singapur durante kan pagkolonya nin Britanya, si Lee iyo an pinakamatuang aki ni Lee Kuan Yew, an pinakaenot na primer ministro kan Singapur. Siya naggradwar sa Trinity College, Cambridge kan 1974 nakamit an Batselyer de Arte na may honor sa matematiks asin diploma sa computer science (ngonyan katumbas sa master's degree sa computer science) na may onra. Siya nagkamit man nin Master of Public Administration degree sa Harvard Kennedy School kan 1980. Siya nagserbi sa Singapore Armed Forces (SAF) pag'ultan nin 1971 asin 1984, asin nakakua kan ranggong Heneral de Brigada bago naglaog sa politika kan 1984 kun saen siya naelehir sa Myembro nin Parlamento (MP) para sa Teck Ghee SMC asin poon kan ini tinunaw kan 1991, saiyang pigrerepresentar an Teck Ghee ward nin Ang Mo Kio GRC.
Si Lee nagserbi komo Katuwang na Primer Ministro, Ministro nin Pinansya, Ministro nin Komersyo asin Industriya asin Ikaduwang Ministro nin Depensa sa lindong kan mga minasunod na mga Primer Ministro: Lee Kuan Yew asin Goh Chok Tong bago nag'asumir kan katongdan bilang Primer Ministro kan 2004. Sa saoiyang enot na duwang taon, an saiyang gobyerno na pari'gon an "limang-aldaw na trabaho'ng semana" asin pinalawig an maternity leave na mga aldaw. An saiyang swestyon na magtugdok kan duwang Integrated Resorts (IRs) sa Singapur ngani magdugang an kita sa turismo nagbunga kan pagpatugdok kan Marina Bay Sands asin Resorts World Sentosa. Sunod sa makuring pangyari kan inapod na Great Recession, siya hinimo na makalda an estado niya na makabawe sa pagroro' kan ekonomiya sa laog nin duwang taon. Mga reporma politikal saiyang ipinasunod kan 2010 nagbvunga nin dagdag na aktibismo online asin kan bilang nin mga myembro sa Parlamento. Si Lee nanonotaran kan media internasyonal kan saiyang sweldo na iyo an saro sa pinakahalangkaw sa mga lider nin estado sa kinaban. An saiyang mga kargo nin libelo kontra sa mga peryodista saro pa man na narereparo kan mga peryodista sa kinaban.
