Kasit

An kasit, pluwidong seminal o inaapod sa Partido na tupga (Ingles: semen o seminal fluid) iyo an sarong pluwidong minakompwesto nin spermatozoa. Ini ipigluluwas kan mga gonad (glandulang sekswal) asin iba pang mga organong sekswal kan lalake o mga hermaproditikong mga hayop asin mapupwedeng magpunlay (fertilize) nin sugok kan babaye (ovum o ova).

Mga naghihiriro na mga esperma mantang pigmamasdan sa tabang kan mga lente nin sarong mikroskopyo.

Sa mga tawo, an kasit iyo nagkokompwesto nin pirang mga kabtang apwera pa sa spermatozoa: an proteolytic asin iba pang mga ensaym siring kan fructose iyo mga elemento kan kasit na nagtataguyod kan pagpapadagos kan spermatozoa asin magtao nin medium nganing malanguyan kan mga ini.

Tawo

Komposisyon

Durante kan proseso kan pagluwas nin kasit, an sperm minaagi sa ejaculatory ducts asin minasalak sa mga pluwido gikan sa seminal vesicles, an prostata, asin an bulbourethral glands tanganing makaporma nin kasit. An seminal vesicles minaprodusir nin yellowish viscous fluid na mayaman sa fructose asin iba pang mga sabstans na minakompwesto sa harons 70% kan kasit nin tawo. An prostatic secretion, maimpluensyahan kan dihydrotestosterone, iyo an maputi (minsan malinaw), mahimpis na pluwido na igwa nin proteolytic enzymes, citric acid, acid phosphatase asin lipids. An bulbourethral glands minaluwás nin malinaw na secretion pasiring sa lumen kan uretra tanganing gibohon na mahalnas iyan.