Pulo
![](http://upload.wikimedia.org/wikipedia/commons/thumb/f/fa/Moioio_Island_01.jpg/220px-Moioio_Island_01.jpg)
Pulo i ma tano na adong di tongatonga ni aek songon di samudera, laut, tao dohot binanga jala gumelleng sian sada banua.[1] Anggo punguan ni pigapiga pulo i ma dijou hapuloan (Hata Inggeris : archipelago).
Ragam ni pulo
[patota | patota mualna]![](http://upload.wikimedia.org/wikipedia/commons/thumb/d/d1/Mont_Saint-Michel_en_gros_plan.jpg/200px-Mont_Saint-Michel_en_gros_plan.jpg)
![](http://upload.wikimedia.org/wikipedia/commons/thumb/3/32/Diamonds_Thudufushi_Beach_and_Water_Villas%2C_May_2017_-08.jpg/200px-Diamonds_Thudufushi_Beach_and_Water_Villas%2C_May_2017_-08.jpg)
![](http://upload.wikimedia.org/wikipedia/commons/thumb/f/fd/Kansai_closeup.jpg/200px-Kansai_closeup.jpg)
Pulo kontinental (continental islands)
[patota | patota mualna]Pulo kontinental i ma pulo na tarhubung tu sada banua salpu landas kontinen.[2] Godang do pulo na umbalga di portibi on na tarmasuk tu ragam pulo-pulo kontinental.[3] Umpamana, Greenland (840.000 mi2 manang 2.175.000 km2), pulo na umbalga, i ma tarsiranghon sian banua Amerika Utara salpu laut na sompit.[3]
Pulo tidal (tidal islands)
[patota | patota mualna]Pulo tidal i ma sada ragam ni pulo na tarhubung tu pogu ni luat (mainland) salpu tano na adong di toru ni aek pasang.[2] Sala sada ni pulo tidal i ma Mont Saint-Michel di Perancis.[2]
Pulo parik (barrier islands)
[patota | patota mualna]Pulo parik i ma tano na ganjang jala sompit di luat ni garis pante, na tinompa sian sedimentasi horsik, orbuk jala batu karengkel.[2] Pulo nian gabe parlindungan ni pante sian erosi.[2] Pulo Padre di Texas, Amerika Serikat gabe pulo parik na gumanjang di portibi on.[4]
Pulo na adong di samudera (oceanic islands)
[patota | patota mualna]Pulo na adong di samudera dijou do pe pulo vulkanik, na tinompa sian dolok na mapultak di dasar samudera.[2]
Pulo karang (coral islands)
[patota | patota mualna]Pulo karang i ma pulo na tarbahen sian di aek na bonggor.[2]
Pulo na tinompa (artificial islands)
[patota | patota mualna]Pulo nian i ma tinompaon ni jolma.[2] Dibahen jolma do pulo na tinompa on dohot sipareakan na marbeda, songon gabe bandara, markas militer dohot lan na asing. Umpamana Bandara Kansai na dipature di atas ni pulo na tinompa di Japang.
Pustaha
[patota | patota mualna]- ↑ "island". Merriam-Webster Ditionary (dalam bahasa English). Diakses tanggal 2020-08-29.
- ↑ 2.0 2.1 2.2 2.3 2.4 2.5 2.6 2.7 "Island". National Geographic (dalam bahasa English). Diakses tanggal 2020-08-29.
- ↑ 3.0 3.1 "Island". Encyclopaedia Britannica (dalam bahasa English). Diakses tanggal 2020-08-30.
- ↑ "Barrier Island". Encycopedia.com (dalam bahasa English). Diakses tanggal 2020-09-10.