Glarinettn
Der Artikl is im Dialekt Mingarisch gschriem worn. |
B-Glarinettn, Böhm Süstem + deitsches Süstem |
---|
engl.: clarinet, ital.: clarinetto |
![]() |
Klassifikazion |
Aerofon Hoizblosinschtrument mid Oafochroabladdl |
Tonumfong: |
![]() |
Vawondde Instrumente: |
Saxofon, Chalumeau |
Musika |
Listn vo Glarinettistn Kategorie:Klarinettist |
D' Glarinettn ghead zu de tipisch boarischn Musikinschtrumente, de in da boarischn Voiksmusi midspuin. Da Nam ("kloans Clarino") kimmd vu da Clarin-Trumpetn.
De Technik dohinta
[Werkeln | Am Gwëntext werkeln]A Ton kimmd do raus, wenn ma duach Luftstrom as Hoizbladdl am Mundstickl in Schwingunga bringd. (Gnauso wia beim Saxofon) Noamoi wean Glarinettn aus Grenadillhoiz heagstejd. Des bsondare on dem Hoiz is, doss's a hähare Dichtn hod ois Wossa. Außadem nimmd des Hoiz wenig Feichtigkeit af, wenns moi druggad woan is. Desweng is des gonz guad fian Inschdrumendnbau geeignd. Es gibd owa a Blasdik- und Metoiglarinettn. De Klappn san aus Neisüwa, Süwaa, Messing oda, wea ses leistn ko, Goid.
S Inschtrument hod fimf Tei. Und zwoa:
- s' Mundstick (midn Bladdl)
- d' Birn (in Estareich songs Fassl dozua)
- da oware Griftei (Owastick)
- da untare Griftei (Untastick) und
- da Schoitrichta
Griffsystem
[Werkeln | Am Gwëntext werkeln]![](http://upload.wikimedia.org/wikipedia/commons/thumb/c/cf/Clarinet001.jpg/120px-Clarinet001.jpg)
Heizdog wean haptsechli zwoa Griffsystem gspuid, des „Deitsche“ und des „Böhm“-System. Wia da Nam sogd, weads deitsche System gean in Deitschland, in Estareich und im Ostn vawendd, des Böhm-System in da restlichn Wejd. Obgseng vo a boa Detäi isses aso, doss beim Böhm-System olle Klappal, de wo min klaanan Finga druggd wean, doupped ausglegd san, des hoassd, du kaunsd das min rechtn odara min linkn klaan Finga druggn. Af de Oat daschpoad ma si de Rollaln af de Klappaln.
Gschicht
[Werkeln | Am Gwëntext werkeln]Eafundn hods da Johann Christoph Denner uma 1700. Und zwoar hodas ausm Chalumeau entwickld. Zeascht hods no ned so vui Kloppn ghod wia jezd. De san eascht noch und noch dazua kemma.
Vawendung in da Musi
[Werkeln | Am Gwëntext werkeln]D' Glarinettn wiad ned nua in da Voiksmusi eigsezd sundan aa in da Klassik und a im Dschäs. De bärigsdn Glarinettistn san: Da Toni Stadler (18. Joarhundad), d' Sabine Meyer (* 1959) fia de Klassik, und da Johnny Dodds, da Jimmy Giuffre und da Benny Goodman fian Jazz. A bekaunnda Jazzglarinettist ausn boarischn Sprochraum woa da Fatty George aus Wean.
In da Voiksmusi oda Danzlmusi is newa de B-Glarinettn aa gonz ofd a Es-Glarinettn im Eihsotz. De klingd no a weng häha.