Freyung

Freyung is de Kroasstod vom Landkroas Freyung-Grafenau im Niedabaiern. De Stod ligt im Dreiländaeck Boarischa Woid in da Näh vo Grenz zu Tschechien und Eastareich.

Eadkund

Geografische Log

De Kroasstod liegt im Südostn vom Boarischn Woid am Ufa vom Saußboch, dea spada de Woifstoana Ohe buidt. Neadle vo Freyung befindt se da Nationoipark Boarischa Woid. Freyung liegt 33 km neadle vo Bassa, 17 km vo da Grenz zu Tschechien, 18 km vo Grofanau und 27 km vo da Grenz zu Eastareich entfernt.

Gmoagliedarung

Es gibt 27 Gmoateile:

Gschicht

Vo da erschtn urkundlichn Awähnung bis zum 19. Joahrhundat

Erste Siedlunga aus'm 13. Joahrhundat aaf dem Gebiet vo da heitign Stod Freyung san bekannt; de Eiwohna lassn se in da Näh vo da oidn Buag Woifstoa, de Bischof Wolfger vo Erla um 1200 arichtn hot lassn, in am Rodungsdoaf nieda. Zuvoa hot Kaisa Heinrich VI. des Land 1193 an a por Bossaa Bischeaf obtretn. De Freyung war domois no koa Oatsnama, sondan hot a Gebiet bezeichnat, in dem Siedla a Freiung, des hoaßt a Befreiung vo Steian, gwährt worn is. 1301 is dea Oat ois Purchstol zu Wolfastoa und a Woid dazua erstmois urkundle awähnt worn. Scho 1354 hot da Nachoaoat Kreizbeag, wöjcha Ofang vom 14. Joahrhundt gründt worn is, des Moaktrecht ahoitn, des 1523 aaf Freyung ibatrong worn is. Ois im Joahr 1380 in Freyung a Pfarrkiach aricht worn is, war Kreizbeag scho länga a bekannta Woifaotsoat. De heitige Kreizbeaga Pfarrkiach und de erste Schui vo dem Oat san um 1500 awähnt. Im Middloita san de zwoa Oatschaftn zwoimoi vo da Pest hoamgsuacht worn, wo jedo da Popularität vo dem Woifoatsoat ned gschodt hot. Ois 1803 des Fiastbistum Bossa mit dem Reichsdeputationshauptschluss aafgleast worn is, is Freyung znachst dem eastareichischn Herzogtum Soizbuag zuagfoin und is zwoa Joahr spada mit dem Friedn vo Pressbuag an des Kinereich Bayern gfoin. 1811 san 535 Eiwohna zöjt worn. Bei am vaheerandn Stodbrand 1872 san 39 vo de 70 Haisa zasteat worn.

20. Joahrhundat und jingare Vagangaheit

Am 3. Dezemba 1953 is Freyung zua Stod ahom worn. Noch da Eigmeindung vo Oat war Freyung vom 1. Aprui 1954 bis zum 30. Juni 1972 Kreisstod vom Landkroas Woifstoa. Noach da Vaeinigung vo dem Landkroas mit dem Landkroas Grafanau is sie Kreisstod vom Landkreis Freyung-Grofanau worn. Im März 2017 hot Freyung den Zuaschlog fia de Ausrichtung vo da Boarischn Landesgoatnschau 2022 ahoitn. De is aaf des Joahr 2023 vaschom worn.

Eigmeindunga

Zwischn 1988 und 2018 is de Stod stagniert bzw. minimoi gwachsn vo 7158 aaf 7166 um 8 Eiwohna bzw. um 0,1 %.

Relegionan

Bei da Voikszöjung am 25. Mai 197 hot Freyung 7124 Eiwohna ghabt, von dene 6582 (92,4 %) reamisch-katholisch, 393 (5,5 %) evangelisch und 149 Eiwohna (2,1 %) andasgläubig warn.

Politik

Stodrot

Bei da Kommunoiwoi am 15. März 2020 hot se foigande Stimmanvateilung agem:

Christle-Sozoie Union in Baian e.V. (CSU) (CSU): 48,15 % Biagagmoaschoft Stod und Land (BGStuL): 20,57 % Eakologisch-Demokratische Partei (ödp): 10,81 % Ibaparteiliche Wähla Freyung-Kreizbeag (ÜWFK): 9,96 % Junge Wähla Union (JWU): 10,52 %

Siazvateilung

CSU: 10 Sitz BGStuL: 4 Sitz ödp: 2 Sitz ÜWFK: 2 Sitz JWU: 2 Sitz

Buagamoasta

1946-1952: Josef Haas
1952-1956: Ludwig Heydn
1956-1972: Josef Lang
1972-1978: Otto Fink (SPD
1978-2002: Fritz Wimmer (CSU
2002-2008: Peter Kaspar (Buagagmoaschoft Stod und Land (BGStuL))
seit 2008: Olaf Heinrich CSU, seit Oktoba 2013 aa Bezirgsdogspräsident

Deazeit besteht de Stodspitzn aus

Easta Buagamoasta Olaf Heinrich, CSU (2008: 62,74 % vo de gültign Stimman im eastn Woigang, 2014: 94,53 %, 2020: 94,82 %)
Zwoata Buagamoasta Heinz Lang, GRÜNE, gwäjt iba de Listn vo da CSU
Drittm Buagamoasta Christoph Endl, CSU
weitara Stöjvatreta vom Buagamoasta, Josef Geis, CSU

Obgoadnate

Alexander Muthmann MdL

Wappn

Blasonierung: " In Suiba aaf greanam Bodn a greana Baam, aaf den vo rechts a goidana Vogl zuafliagt." Wappnbegründung: Da greane Baam vaweist aaf de Log vo da Gmoa im Boarischn Woid. Da frei fliagade Vogl soi woi aaf den Ortsnama Freyung und des bessare Recht vo de frein Siedla im Moakt (1354) ospuin. Des heitige Wappn is erstmois aaf am Siegl vo da Moaktgmoa aus da Zeit um 1818 noweisboa. A eatas Siegl is wia fia andane bis 1803 zum Hochstift Bossa ghearande Märkt ned ibaliefat. Noch 1812 hot Freyung koa Wappn gfiaht.

Städtepoatnaschoftn

Tschechei: Vimperk/Wintabeag
Eastareich: Seewoichn am Attasee

Kuitua und Sehnswiadikeitn

Museen

Schloss Wolfstein (mit Jagd- und Fischereimuseum sowia Landkroasgalerie), Wolfkerstroß 3
Schramlhaus, Hoamatmuseum in am Vierseithof aus'm 17. Joahrhundats, mit Sammlung vo Glos- und Hintaglosmolarei, Abteistroß 8
Heimatmuseum Winteabeag im Böhmawoid, Stodplotz 3

Fuimtheata

Des Cineplex im Stodplotzcenta is im Novemba 2013 aeaffnat worn. Es bsitzt insgsamt via Kinosäle mit 500 Sitzplätz und 3D-Technologie.

Bauwerk

Katholische Stodpfarrkiach Maria Himmefoaht
Pfarrhof
Katholische Woifoahtskiach St. Anna in Kreizbeag
Wiesbauerhaus (Stodplotz 6)

Parks

Spoat

Städtischs Freibod
Hallnbod
Ferienpark Geyersbeag
Spoatplotz
3-fach-Turnhalle
Eisspoathalle Solla
1-fach-Turnhalle vo da Grundschui am Schloss Woifstoa

Reglmäßige Vaanstoitunga

Märkt

Im Fruahjoahr und im Heabst organisiert de Werbegmoaschoft Freyung den SonnYdog.

Hostorische Feste

Des bekannsteste historische Fest, des Freyunga Schlossfest, findt jährle am 1. Septembawochnend stott.

Schutzgebiete

Buchbeaga Leitn (Wuidbochklamm)

Wirtschoft und Infrastruktua

Industrie

In dem Carbidwerk Freyung wern künstliche Edlstoa heagstöjt.
Kunststoffvaoabatung Freyung (Weak vo da Karl Bachl GmbH & Co. KG)
Kunststoffvaoabatung Freyung (Aptar Freyung GmbH)
Traditionsbraukunst in da Lang Bräu Freyung eG
Servaheastella Thomas-Krenn AG
Hirschmann Automotive Freyung GmbH
Max Fuchs AG
IB/E-Optics

Vakeah

De Stod liegt an da Eimündung vo da B 533 in de B12. De stöjn den Oschluss an de Bundesautobahn 3 hea; de B 12 fiaht bis zum Grenzibagang Philippsreit, wo's in de tschechische Stroß I/4 mündt, de iba Strakonitz bis ins 180 km entfernte Prag fiaht. Dea eaffantliche Nahvakeah konzentriert se aaf Busse vo da RBO. Im Oatsvakeah werd a Stodbus, der vo am lokaln Busuntanehma betriem werd, obotn. Im Bahnhof Freyung endt de vo Båssa kummande Ilztoibahn. De werd seit 1982 nimma im regulärn Personanbetrieb bedeant. Noch Flutschädn is sie vo August 2002 bis August 2009 broch gleng. Oschliaßand is sie duach de Ilztoibahn GmbH und den Feadavarein Ilztoibahn e.V. reaktiviert worn und werd seit 12. Septemba 2010 zwischn Freyung und Woidkicha und seit dem 15. Juli 2011 aaf ganza Läng wieda befoahn. Im Rahma vo dem Freizeitvakeahsprojekt Doana-Ilz-Moldau werd jetza an Samsdog, Sonndog und Feiadog im Sommahoibjoahr und zu Sondafoahtn ganzjahrig Zugvakeah duachgfiaht. Seit 2017 biet Freyung seine Biaga an Shuttle-Bus, den ma pea App bstöjn ko und dea de Fahrgäst vo Haustia zu Haustia foaht. A Software optimiert de Teilweg und berechnat de Foahtkostn. Des Projekt is znachst aaf 3 Joahr begrenzt. Mehr oas zehn Prozent vo de Bewohna vo Freyung nehman bis 2019 an dem Projekt teil.

Eaffantliche Eirichtunga

Kindagoatnplätz: 156 (Stand: 05/2021)
Kindagrippnplätz: 45 (Stand: 05/2021)
Kindagroaßtagespfleg: 32 (Stand: 05/2021)
Woidkindagoatn mit 25 Plätz
Grundschui mit 203 Schüla (Stand: 09/2021)
Reoischui mit 619 Schüla (Stand: 08/2021)
Gymnasium mit 459 Schüla (Stand: 08/2021)
Montessori-Schui Wolfstoa mit 16 Schüla (Stand: 08/221)
Feadazentrum mit 53 Schüla
Katholische Awachsenenbuidung (KEB)
Voikshochschui Freyung-Grofanau
Musikschui Freyung-Grofanau
Technologie Campus, Außnstöj vo da Hochschui Deggndoaf mit drei Lehrstui fia Geoinformatik, Embedded Systems und Bionik. Aafnahm vom Lehrbetrieb zum Wintasemesta 2009/10.
Voiksmusikakademie in Bayern
plant: Polizeiakademie

Perseanlekeitn

Seahne und Teachta vo a Stod

Georg Mayerhofer (* 4.März 1894; † 17. Dezemba 1966) Politika (Baiernpartei), MdB.
Georg Poxleitner (* 31. Juli 1898; † 20. Mai 1964), Politika (NSDAP), MdR
Heinrich List (Richter) (* 15. März 1915; † 18. Juli 2018), Präsident vom Bundesfinanzhof a. D.
Heinrich Schmidhuber (* 21. Februar 1936), Politika (CSU), ehemoliga Landdogsobgoadneta und DFB-Schatzmoasta
Peter Krause (* 1957), Journalist und Synchronsprecha
Gerhard Drexler (* 31. Januar 1964), Politika (FDP), MdB (15. Mai bis 22. Oktoba 2013)
Lisa Eder-Held (* 1966), Fuimproduzentin, Regisseurin und Drehbuachautorin
Sebastian Gruber (* 4. Dezemba 1981), Politika und Landrot vom Landkroas Freyung-Groafanau
Severin Freund (* 11. Mai 1988), Schispringa
Florian Graf (Biathlet) (* 24. Juli 1988), Biathlet
Florian Fesl (* 1. August 1988), voikstümlicha Sänga und Harmonikaspuia, DSDS-Kandidat 2016
Julia Eichinger (* 28. Dezemba 1992), Freestyle-Schiarin
Shkemb Miftari (* 1. August 1993), Fuaßboispuia
Alexander Kunert (* 31. Januar 1996), Schwimmspoatla
Alia Delia Eichinger (* 19. Juli 2001), Freestyle-Schiarin