Zum Inhalt springen

Farchn: Unterschied zwischen den Versionen

Links beorwatn
Aus Wikipedia
Versionsgeschichte interaktiv durchsuchen
← Zum vorign Versionsunterschied
Inhalt gelöscht Inhalt hinzugefügt
VisuellWikitext
Keine Bearbeitungszusammenfassung
Quejn 1 gsichad und 0 ois doud markiad.) #IABot (v2.0.9.5
 
Zein 204: Zein 204:
{{Commons|Pinus|{{PAGENAME}}}}
{{Commons|Pinus|{{PAGENAME}}}}
* [http://www.mineralienatlas.de/lexikon/index.php/Pinus Fossile Farchn im Mineralienatlas WiKi]
* [http://www.mineralienatlas.de/lexikon/index.php/Pinus Fossile Farchn im Mineralienatlas WiKi]
* [http://www.efloras.org/florataxon.aspx?flora_id=1&taxon_id=125519 Bschreibung in da Flora of North America] (engl.)
* [https://web.archive.org/web/20110512174531/http://www.efloras.org/florataxon.aspx?flora_id=1&taxon_id=125519 Bschreibung in da Flora of North America] (engl.)
* [http://www.holzwurm-page.de/holzarten/holzart/Farch.htm Bebuidlter Steckbriaf zum Farchn-Huiz]{{Toter Link|date=2017-10 |bot=InternetArchiveBot |url=http://www.holzwurm-page.de/holzarten/holzart/Farch.htm }}
* [http://www.holzwurm-page.de/holzarten/holzart/Farch.htm Bebuidlter Steckbriaf zum Farchn-Huiz]{{Toter Link|date=2017-10 |bot=InternetArchiveBot |url=http://www.holzwurm-page.de/holzarten/holzart/Farch.htm }}


Aktuelle Version vo 22. Mäerz 2024, 09:32 Uhr.

Kiefern

Wald-Kiefer (Pinus sylvestris), Illustration

Systematik
Untaobteilung: Samenpflanzen (Spermatophytina)
Klass: Coniferopsida
Ordnung: Koniferen (Coniferales)
Famij: Kieferngewächse (Pinaceae)
Unterfamij: Pinoideae
Goddung: Kiefern
Wissnschoftlicha Nama der Unterfamij
Pinoideae
Link
Wissnschoftlicha Nama der Goddung
Pinus
L.

De Farchn (Pinus), Forchn, Fohrn oder Fährabaam (dt.: Kiefern, Boarischdeitsch: Föhre; engl.: pine) buidn a Pflanznagoddung vo Nodlhoizgwächse (Pinophyta) in da Famij vo de Farchngwächse (Pinaceae). Den Woatstomm Farch gibt's in fost oin germanischn Sprochn, z. B. engl.: fir. De Farchn san de oanzige Goddung vo da Untafamij Pinoideae.

Bschrieb

[Werkeln | Am Gwëntext werkeln]

De moastn Farchn-Oartn woxn ois Baam, a boa a ois Busch. Farchn san immagreane Liachtbaamoartn und riachn recht guad. Farchn wean bis iwa 50 m houch und kenna aa uma 1000 Joar oid wean. A boa Oartn, wia P. lambertiana wean meahra ois 60 m houch und iwa 700 Joar oid.[1].

Iahre Nodlbladl san im Vagleich mid ondan Nodlbaamgoddunga bsondas long. Es san aa oft zwoa Typn vo Nodlbladl am sejm Baam do: de oan san wia a Spiroin on de Zwoag o'gordnt de ondan noch iahra Oart entweda zu zwoat, zu dritt oda a zu fimft (sejtna oanzln oda a zu sext) in Bindln on Kuaztrieb stehnd, weahnd sunst (bei Feichtn, Tanna) de Nodln oanzln on de Zwoag woxn (schau af's Buidl). De Farchnnodln vo an Kuaztrieb wean vo a Scheide umschlossn.

De Farchn-Oartn san meist'ns oahaisig trenntgschlechtig (monözisch); se hom oisoso Manndal und Weiwal ois Zapfn an oan Baam. A boa Oartn san manchmoi zwoahaisig trenngschlechtig[2]. Farchn wean mid da Huif vom Wind bsteibt (Anemophilie). De Zapfn, de Manndal san, san ziemli vui und stenga olle af an Haffa. Weiwal gibt's an oan Baam ned so vui und de stenga a aloa rum, monchmoi owa zu zwoat oda a zu dritt. De Zapfn braucha oanahoib bis zwoa Joar bis se reif san, donn mocha se af und lossn an Sama ausse. De Zapfn foin donn in Oam z'Boun. De Sama hom a grings Gwicht, san g'fligalt und wean mid'n Wind davo drong. A boa Oartn hom schwarare Sama, de wean mid de Viecha davo drong, de Sama hom donn koane Fligal, oda z'mindast so ziemli reduziate.

Verbroadung und Oobau

[Werkeln | Am Gwëntext werkeln]

Farchn gibt's voa oim af da Noadhoibkugl. Und do steans voa oim im kila, feichtn Klima. Vui Oartn waxn aba a in de Subtropn oda a in de Tropn. Iwaroi af da Wejd, wo Farchn waxn kenna, wean se a obaut. Bsondas in Korea und Japan is de Kiefa a bsondas Gwax: Duat steht a Farchn fia Steakn, a longs Lem und vui Geduid.

Fiad Forstwiatschoft is wejdweit gseng de Farchn des wichtigste Hoiz. Da Baam braucht weni und waxt guad.

Systematik

[Werkeln | Am Gwëntext werkeln]

De klassische Untateilung vo da Goddung in drei Untagoddunga is weng molekulargenetischa Studien af zwoa Untagoddunga reduzieat worn. Noch Gernandt et al. 2005 wean de 111 Oartn wia foigt g'liedat:[3]

Zapfn vo daAleppo-Kiefa (P. halepensis, links), da Beagkiefa (P. mugo, Middn) und da Pinie (P. pinea, rechts)

.

Queaschnitt duach an fimfjaarign Kiefastomm.

Nutzung

[Werkeln | Am Gwëntext werkeln]
Hoiz vo Kiefa und a Feichtn im Vagleich: De zwoa linkn Bredl san aus Farchnhoiz, des rechte is a feichtans.

Farchnhoiz gheat neban Feichtnhuiz zu de wichtigstn Nodlhejza. Es waxt grod und schnoi, braucht wenig und ma ko des Hoiz guad heanemma. De mechanischn Eingschoftn vom Hoiz san guad, da Streibereich is aba a sea grouß, des kummt hoit draf o, wo des Hoiz gschlong worn is.

Heanemma ko ma des Hoiz ois Bau- und Möbehoiz, aba a ois Brennhoiz. Es is a awichtigs Hoiz um Sponplottn z baun. Ois Bau- und Konstruktionshoiz wead Kiefahoiz fost iwaroi eihgsetzt. Ma nimmts her fia Dochkonstruktiona, Hoizvakleidunga, Glander, Treppn, Fuaßbön, Fensta und Dian. Aba a fia Fassadnvakleidung, Terrassndecking, Kindaspuisoch, Zein und im Goatn und Landschoftsbau. Dazua kemma no Sachn wia Mastn, Pfostn, Rammpfoi im Wossa-, Hofn- und Beagbau und ois Schwejnhoiz beim Gleisbau.

Farchn wean a zua Beechgwinnung gnutzt. De Sama oanzlna Farchnoartn san so grouß, doss ma se ois Nahrungsmiddl hernemma ko, wia de Pinienkean, oda de Zedernussn.

Buidl

[Werkeln | Am Gwëntext werkeln]
  • Gejb-Farch (Pinus ponderosa)
    Gejb-Farch (Pinus ponderosa)
  • Pinus brutia
    Pinus brutia
  • Longlebige Farch (Pinus longaeva). Es gibt Baam, de san 4900 Joar oid (Inyo National Forest, Kalifornien).
    Longlebige Farch (Pinus longaeva). Es gibt Baam, de san 4900 Joar oid (Inyo National Forest, Kalifornien).
  • A Schwoaz-Farch(Pinus nigra) in da Wuchsfoam "Schirm-Farch" im Weanawoid (bei Mödling.)
    A Schwoaz-Farch(Pinus nigra) in da Wuchsfoam "Schirm-Farch" im Weanawoid (bei Mödling.)
  • Woidfarch
    Woidfarch
  • Latschenfarch (Vorkomma in de Oipn)
    Latschenfarch (Vorkomma in de Oipn)

Beleg

[Werkeln | Am Gwëntext werkeln]

Fuaßnotn

[Werkeln | Am Gwëntext werkeln]
  1. ↑ http://www.conifers.org/pi/pin/lambertiana.htm
  2. ↑ Beschreibung der Gattung. (engl.)
  3. ↑ David S. Gernandt, Gretel Geada López, Sol Ortiz García, Aaron Liston: Phylogeny and classification of Pinus. Taxon, Band 54, 2005, S. 29–42 (pdf)

Im Netz

[Werkeln | Am Gwëntext werkeln]
 Commons: Farchn – Oibum mit Buidl, Videos und Audiodateien
Voh „https://bar.wikipedia.org/w/index.php?title=Farchn&oldid=842456“