Mié Acéh
 Sepiring Mié Acéh. | |
| Mawit saking |  Indonésia |
|---|---|
| Wawengkon utawi wewidangan | Acéh |
| Lakaran utama | Mié, be (kambing utawi sampi) utawi sanganan pasih (udang utawi iwak), rempah sejenis kari, seledri, don bawang, miwah bawang merah |
| Variasi | Mié Acéh goreng (digoreng dan kering), mi aceh tumis (dengan sedikit kuah) dan mi aceh kuah (sup) |
Mie Aceh silih sinunggil sanganan khas sane mawit saking Nanggroe Aceh Darussalam. Ceciren mie puniki madaging kuah kari kentel sane pastika sampun rasa kuahne punika otentik pisan antuk rempah-rempah, kawewehin antuk daging ditengahne.Yaning katah mie punika nganggen daging sapi, utawi be siap naler ulam laut, matiosan ring mie Aceh sane ngadungang sami ulame punika. Sanganan khas Aceh puniki nganggen ulam sampi, siap, kambing, napi malih seafood sakadi cuma ngantos kepiting. Sampunang sangsaya indik rasane, campuran rempah-rempah khas Aceh sekadi tabia, katumbar, mica, kapulaga, kunyit sampun lakar utama sane manados basa rikalaning Mie Aceh puniki, sane ngawinang sanganan puniki sida dados ajengan sane jangkep rasane.
Kota Banda Aceh inggih punika silih tinunggil kota taler Ibu Kota ring Aceh. Dumun wawidangan punika ketah kabaos "Kutaraja", selanturnyane ngawait 28 Desember 1962 kagentos "Kutaraja" manados "Banda Aceh". Pinaka pamucuk Sang Angewerat ring wawidangan Aceh, Banda Aceh manados pailehan ring sajeroning lintas sektor, luire;Ekonomi, Politik, Sosial, Pusat Pemerintahan, Pendidikan dan Kebudayaan Provinsi Aceh.Genah kota Banda Aceh manut ring astronomi inggih punika 05°16' 15"-05° 36' 16 lintang utara - 95° 16'15" - 95° 22' 35" Bujur Timur. Jimbar Kota Banda Aceh kirang langkung 61.36 Km[1]
Mie Aceh matiosan ring mie sane lianan. Mie puniki madue bahan dasar sane matekstur kenyal, pipih mwah tebel, taler warnane kuning nyentak, sane ngawinang mie puniki luwih pisan. Tiosan ring punika sanganan puniki kabaga antuk tigang jenis;
- Mie goreng (kering),
- Mie kuah (basah),
- Mie goreng basah
Pinaka jangkepan, ajembung mie Aceh jagi kaicen bawang magoreng, krupuk emping, katimun, mwah juuk nipis.
Kawentenan sanganan khas serambi mekah puniki nenten dados lempas ring panglimbak budaya asing. Duk punika, ring pasisi Kerajaan Aceh, sane pinaka silih tinunggil pasisi sane kosek pisan kasinggahin oleh para dagang asing. Dagange puniki lantas berasimilasi utawi maadungan teken janane sane jenek irika, sayosan ring nglimbakang agama Islam naler makta basa sanganan sane anyar. Ring buku sane majudul "Kuliner Bergizi Berbasis Budaya" pakaryan Sunarto Kadir, (2022), kaldu sane kentel ring mie aceh inggih punika panglimbak saking sanganan India, sakemawon mie punika saking Tiongkok.
Mie Aceh kaidangang nganggen ulam kambing mwah sampi, nenten lempas ring panglimbak nilai-nilai Islam ring tanah Aceh. Naler, wewehan makueh indik ulam laut utawi seafood ring mie Aceh kalimbakang olih genah geografis Aceh sane kaiterin olih pasisi. Makueh budaya sane kacampur ring mie Aceh nyadiang mie Aceh pinaka sanganan khas ring Ibu Kota Banda Aceh.[2]
- ↑ "SIMPOSIUM NASIONAL AKUNTANSI XIV ACEH" (PDF). Informasi Kota Banda Aceh. Kaarsipin saking versi asli (PDF) tanggal 2023-03-05. Kaaksés 2023-03-05.
- ↑ "Sejarah Mie Aceh, Kuliner Hasil Perpaduan Banyak Budaya". katadata.co.id. 2022-09-09. Kaaksés 2023-03-05.