Kaséla
![]() | Suratan puniki nénten madué pranala ka suratan Wikipédia liyanan. (Désémber 2020) |
![](http://upload.wikimedia.org/wikipedia/commons/thumb/9/9c/Ketela_Pohon_jie73_%28_3_%29.jpg/220px-Ketela_Pohon_jie73_%28_3_%29.jpg)
Kaséla (Latin: Manihot Esculenta Crantz; Janipha Manihot H.B.K.) inggih punika, wangsa tetanduran sané rumasuk ring pala bungkah. Ring Bali Punyan Kaséla ketah kaanggén olih para janané ring ajeng-ajengan utaminnyané kaanggén ajengan antuk ngentosin ajengan/nasi. Yan risajeroning upakara Punyan Kaséla punika kaanggén ring upakara nyenuk. Ring Nusantara Punyan Kaséla puniki wénten madué pungkusan wasta minakadi:
- ring Swarna Ubi Kayu,
- ring Jawi Télo,
- ring wanin Ali Uhi, miwah sané lianan.
Yan dartayang ukuran Punya Kaséla puniki sawetara tigang depa nyantos sangang depa. Bantangnyané bunter, mabongkol, ronnyané manyari, miwah madué bungkah sané matunggilan ring akahnyané. Punyan Kaséla puniki mahurip ring genah sané tanahipun gembur, polih ai sané nyutér, miwah pepes ngamolihang toya. Kawigunannyané risajeroning maubad-ubadan inggih punika: Umbi Manihoat Utillissima sané mranén kaanggén ubad berung, ubad hyunan, miwah ngreredang panes ring angga. Unteng bungkah miwah ron Manihot Utillissima puniki wénten saponin, lianan saking punika ronnyané wénten flavonoida Mawinan kadi asapunika, Punyan Kaséla puniki yan sida kawigunayang manut galah utawi zaman, sida manados unteng perdagangan anggén nyujuh éra Globalisasi puniki.[1][2]
- ↑ Departemen Kesehatan Républik Indonésia. Inventaris Tanaman Obat Indonésia Jilid I. Jakarta, 2000.
- ↑ ""Materipertanian.com" Klasifikasi dan Ciri-ciri morfologi tanaman ubi". Kaarsipin saking versi asli tanggal 2019-05-26. Kaaksés 2019-05-26.