Эстәлеккә күсергә

И. А. Бунин исемендәге Елецк дәүләт университеты

Википедия — ирекле энциклопедия мәғлүмәте
И. А. Бунин исемендәге Елецк дәүләт университеты
Нигеҙләү датаһы 1939[1]
Кем хөрмәтенә аталған Бунин Иван Алексеевич
Дәүләт  Рәсәй[1]
Административ-территориаль берәмек Елец
Баш компания (ойошма, предприятие) Рәсәй Федерацияһының Фән һәм юғары белем биреү министрлығы[d][2]
Рәсми сайт elsu.ru[1]
Карта

И. А. Бунин исемендәге Елецк дәүләт университеты (И. А. Бунин исем. ЕДУ) — Рәсәйҙәге иң боронғо юғары уҡыу йорттарының береһе. 1939 йылда Елецк эшселәр факультеты базаһында барлыҡҡа килгән. Тулы атамаһы: юғары белем биреү федераль дәүләт бюджет белем биреү учреждениеһы «И. А. Бунин исемендәге Елецк дәүләт университеты», «ЕГУ им. И. А. Бунина» аббревиатураһы киң ҡулланыла.

Тарихы

[үҙгәртергә | сығанаҡты үҙгәртеү]

1921 йылдың 27 мартында 1874 йылда асылған ҡатын-ҡыҙҙар гимназияһы базаһында Елецк эшселәр факультеты барлыҡҡа килә.

1939 йылдың авгусында РСФСР Мәғариф халыҡ комиссариаты бойороғо менән Елецк эшселәр факультеты Елецк уҡытыусылар институты итеп үҙгәртелә. Институттың өс бүлексәһе була: тарих, филология һәм физика-математика. Уларҙың һәр береһенең беренсе курсында 75-әр кеше уҡый. Тарих фәндәре кандидаты С. А. Комиссаров яңы институттың директоры була.

СССР Министрҙар Советының 1952 йылдың авгусындағы ҡарары менән уҡыу йорто Елецк педагогия институты тип атала башлай.

1959 йылдан яңы факультеттар асыла:

  • 1959 йылда — педагогика һәм башланғыс белем биреү методикаһы факультеты;
  • 1963 йылда — сит телдәр факультеты;
  • 1979 йыл — педагогика һәм психология (мәктәпкәсә) факультеты;
  • 1994 йылда — юридик факультет;
  • 1995 йылда — иҡтисад факультеты;
  • 1996 йыл — тарих факультеты;
  • 1996 йылда — музыкаль-педагогия факультеты;
  • 1998 йыл — инженер-физик;
  • 2000 йылда — сит телдәр факультеты;
  • 2001 йылда — спорт факультеты;
  • 2001 йылда — социаль-мәҙәни сервис һәм туризм факультеты;
  • 2003 йыл — дизайн факультеты;
  • 2002 йылда — ауыл хужалығы факультеты;
  • 2007 йылда — журналистика факультеты (2003 йылдан 2007 йылға тиклем филология факультетында журналистика бүлеге була);
  • 2010 йыл — механика-технология факультеты.

1993 йылда институтта аспирантура, 1994 йылда — диссертация советы асыла.

Рәсәй Федерацияһы мәғариф министрлығының 2000 йылдың 10 ноябрҙәге 3226-сы бойороғо менән Елецк педагогия институты И. А. Бунин исемендәге Елецк дәүләт университеты тип үҙгәртелә, ул 2002 йылдың 9 октябрендә юғары профессиональ белем биреү дәүләт белем биреү учреждениеһы «И. А. Бунин исемендәге Елецк дәүләт университеты» булараҡ юридик берәмектәрҙең Берҙәм дәүләт реестрына индерелә.

Рәсәй Федерацияһының фән һәм мәғариф министрлығының 2011 йылдың 23 майындағы 1721-се бойороғо менән юғары профессиональ белем биреү дәүләт белем биреү учреждениеһы «И. А. Бунин исемендәге Елецк дәүләт университеты» юғары профессиональ белем биреү федераль дәүләт бюджет белем биреү учреждениеһы «И. А. Бунин исемендәге Елецк дәүләт университеты» тип үҙгәртелә, ул артабан Рәсәй Федерацияһы Мәғариф һәм Фән Министрлығының 2015 йылдың 3 декабрендәге 1417-се бойороғо менән юғары белем биреү федераль дәүләт бюджет белем биреү учреждениеһы «И. А. Бунин исемендәге Елецк дәүләт университеты» тип үҙгәртелә.

Университет структураһы

[үҙгәртергә | сығанаҡты үҙгәртеү]

2014 йылға тиклем университеттың структураһына инәләр: 17 факультет, 40-тан ашыу кафедра, ғилми лаборатория, аспирантура, докторантура, кандидатлыҡ һәм докторлыҡ диссертациялары яҡлау буйынса диссертация советы, ирекле программа менән тәьмин итеү үҙәге, хисаплау үҙәге, электрон мәғлүмәт үҙәге, туристик-мәғлүмәт үҙәге, студенттарҙың конструкторлыҡ бюроһы, физкультура-һауыҡтырыу комплексы, студенттарҙың уҡыу-спорт базаһы, шифахана-профилакторий, «Солидарность» уҡытыу-тәжрибә хужалығы, бизнес-инкубатор «Оазис», китапхана һәм уҡыу залдары, ҡунаҡхана һәм дөйөм ятаҡтар, музей комплексы.

2014 йылдан университет структураһында үҙгәрештәр була. Факультеттар ҡушылыуы һөҙөмтәһендә 7 институт барлыҡҡа килә:

Агросәнәғәт институты

Тарих һәм мәҙәниәт институты

Математика, тәбиғәт белеме һәм техника институты

Иҡтисад һәм хоҡуҡ институты

Педагогика һәм психология институты

Физик культура, спорт һәм йәшәү эшмәкәрлеге хәүефһеҙлеге институты

Филология институты

Шулай уҡ Урта профессиональ белем биреү үҙәге эшләй башлай. Һәр институт эсендә структураһы буйынса элекке факультеттарға ярашлы бүлексәләр бар.

Һылтанмалар

[үҙгәртергә | сығанаҡты үҙгәртеү]
  1. ↑ 1,0 1,1 1,2 (unspecified title) — 2017-05-22 — 2017. — doi:10.6084/M9.FIGSHARE.5032286
  2. ↑ Единый Государственный Реестр Юридических Лиц, ЕГРЮЛ
«https://ba.wikipedia.org/w/index.php?title=И._А._Бунин_исемендәге_Елецк_дәүләт_университеты&oldid=1183232» битенән алынған