دؤشمه یولو
دؤشمه یولو ویا پییادا کئچیدی و یا پییادا بؤلگهسی و یا یایا بؤلگهسی (فارسجا: پیاده‌راه) و (اینگیلیسجه:Pedestrian zone) یاشاییش ساحه‌سی‌نین یالنیز پیادا‌لارین ایستیفاده‌سی اوچون آیریلمیش و اکثر و یا تامامیله نقلیات واسطه‌لری‌نین حرکتی‌نین قاداغان ائدیلدیگی اراضی‌لردیر. کوچه‌نین و یا اراضی‌نین یالنیز پیادا‌لارین ایستیفاده‌سینه وئریلمه‌سینه پیادالاشما دئییلیر.[۱]
کئچمیشی
[دَییشدیر]آت ایله پییادا حرکتی‌نین آیریلماسی ساحه‌سینده ایلک آددیم ۱۸۵۸-جی ایلده اولمستئد آدلی آمئریکا‌لی شهر پلانلاییجی‌سی طرفین‌دن آتیلدی. دونیادا ایلک دؤشمه یولو ۱۹۱۳-جو ایلده بوئنوس آیرسده حیاتا کئچیریلمیش‌دیر. آوروپا شهرلری‌نین تاریخی و مرکزی اراضی‌سینده‌کی پییادا‌لار (یایالار) ایلک دفعه ایکینجی دونیا ساواشییندان سونرا آلمانیانین اسن شهری‌نین مرکزینده محدود و یئرلی اراضیده، داها سونرا ایسه تاریخی آوروپانین اکثر حیسه‌سینده تاریخی-کوممئرسیا مقصدلی پیادا‌لار یولا سالینیب. ۱۹۵۰-جی ایللرین سونوندان شهرلر ۱۹۷۵-جی ایلده اینشا ائدیلمیش‌دیر. ۲۱-جی عصرین بیرینجی اونیللیگینده آوروپانین اکثر شهرلرینده فاصیله‌سیز شهر پیادا شبکه‌سی‌نین حیاتا کئچیریلمه‌سی پلان‌لاری حاضیرلانمیش‌دیر.[۲]
دؤشمه یول‌لارینین چئشیدلری
[دَییشدیر]دؤشمه یولو، سوروجونون حرکتی‌نین محدودلاشدیریلماسی باخیمیندان اوچ قروپا بؤلونور.
- اوتوموبیلین کئچمه‌سینه ایجازه وئریلمه‌ین پیادا‌لار.
- بعضی چوخ یاواش آوتوموبیل‌لرین کئچمه‌سینه ایجازه وئریلن دؤشمه یولو.
- گونون خصوصی ساعات‌لاریندا (عادتاً آخشام‌لار) و یا هفته‌نین و یا ایلین خصوصی گون‌لرینده نقلیات واسطه‌لری‌نین حرکتینه ایجازه وئریلمه‌ین دؤشمه یولو.