Mikola Bajan

Mikola Bajan
ukr. Микола Платонович Бажан
Doğum tarixi	9 oktyabr 1904
Doğum yeri	Kamenets-Podolski, Podolsk quberniyası[d], Rusiya imperiyası
Vəfat tarixi	23 noyabr 1983 (79 yaşında)
Vəfat yeri	Kiyev, Ukrayna SSR, SSRİ
Dəfn yeri	Baykovo qəbiristanlığı
Fəaliyyəti	Ukrayna şairi
Fəaliyyət illəri	1924-cü ildən
Əsərlərinin dili	ukrayn dili
İstiqamət	futurizm, sosialist realizmi
Janrlar	şeir
Üzvlüyü	SSRİ Yazıçılar İttifaqı, Ukrayna Milli Elmlər Akademiyası, Sovet İttifaqı Kommunist Partiyasının Mərkəzi Komitəsi, Ukrayna Milli Yazıçılar Birliyi[d]
Mükafatları
Vikianbarda əlaqəli mediafayllar

Mikola Platonoviç Bajan (ukr. Микола Платонович Бажан, 26 sentyabr (9 oktyabr) 1904, Kamenets-Podolski – 23 noyabr 1983, Kiyev) —Ukrayna şairi, 1951-ci ildə Ukrayna SSR Elmlər Akademiyasının üzvü, 1946–1949-cu illərdə SSRİ Dövlət mükafatı laureatı olmuş, 1974-cü ildə Sosalist Əməyi Qəhrəmanı .

Həyatı

Mikolo Bajan Platonoviç 1904-cü il 9 oktyabr tarixində Ukraynanın Kamenets- Polodski şəhərində anadan olmuşdur.

1951-ci ildə Ukrayna SSR Elmlər Akademiyasının üzvü, 1946–1949-cu illərdə SSRİ Dövlət mükafatı laureatı olmuş, 1974-cü ildə Sosalist Əməyi Qəhrəmanı adını almışdır.

"On yeddinci patrul" adlı ilk şeir kitabı 1923-cü ildə nəşr edilmişdir. Böyük Vətən müharibəsi illərində Mikolo Bajan işğal edilmiş vilayətlərin əhalisi üçün buraxılan "Za Padyansku Ukrainu" (Sovet Ukraynası uğrunda) qəzetinin redaktoru olmuşdur. Müharibə illəri və ondan sonrakı illərdəki yaradıcılığının əsas mövzusu xalqlar dostluğu, sülh uğrunda mübarizədir.

Mikolo Bajan Ş. Rustavelinin "Pələng dərisi geymiş pəhləvan", Ə. Nəvainin "Fərhad və Şirin" poemalarını, A. S. Puşkinin, B. B. Mayakovskinin, A. Mistkeviçin əsərlərini ukrayna dilinə tərcümə etmişdir.

1978-ci ildən Ukrayna Sovet Ensiklopediyasının baş redaktoru, SSRİ Ali Sovetinin deputatı olmuşdur.

23 noyabr 1983-cü ildə vəfat etmişdir.

Mükafatı

• Beş dəfə Lenin ordeni (31.01.1939; 09.10.1954; 24.11.1960; 08.10.1964; 27. sentyabr 1974)
• Sosialist Əməyi Qəhrəmanı (27. sentyabr 1974)
• "Oktyabr inqilabı" ordeni (2. iyul 1971)
• "Qırmızı bayraq" ordeni (1. aprel 1943)
• və bir çox orden və medallarla təltif olunub.