Şamaxı FK

Şamaxı FK
Klubun tam adı	Şamaxı Futbol Klubu
Ölkə	Azərbaycan
Ləqəb(lər)	şirlər
Rəng(lər)	ağ-qırmızı
Yaranma tarixi	1997) (1997)
Stadionu	Şamaxı Şəhər Stadionu
Tutumu	2.200
Prezidenti	Elçin Usub
Baş məşqçisi	Ayxan Abbasov
Liqa	Azərbaycan Premyer Liqası
2023-24	1 (Premyer Liqaya yüksəldi)
Ev forması Səfər forması
Rəsmi saytı
Vikianbarda əlaqəli mediafayllar

Şamaxı FK — Azərbaycanın Şamaxı şəhərini təmsil edən peşəkar futbol klubu. İkiqat Azərbaycan çempionu (2008 və 2010), və ikiqat Azərbaycan Kubokunun (2018 və 2021) qalibidir. 2023-2024 mövsümündə 1-ci Liqanın qalibi olaraq növbəti mövsümdə Preymer liqaya yüksəlib.

2004-cü ilə kimi Xəzər Universiteti, 2017-ci ilə kimi "İnter", 2022-ci ilə kimi isə "Keşlə" adı altında mübarizə aparıb.

Tarixi

"Keşlə" adı altında çıxış edərkən istifadə olunan loqosu.

"Şamaxı" futbol komandasının tarixi 1997-ci ildən başlayır. Azərbaycanın özəl ali təhsil ocaqlarından olan Xəzər Universitetində həmin il eyniadlı komanda yaradılmış və həvəskarlar liqasının sırasına qoşulmuşdur. Növbəti mövsümdə də (1998/1999) "Xəzər Universiteti" Həvəskarlar liqasında oynamışdır. 1999/2000 mövsümündə isə "Xəzər Universiteti" Azərbaycan çempionatının güclülər dəstəsində oynamağa başlamışdır. Yüksək liqada debütü 11-ci yerlə nəticələnən komanda 2000/2001 mövsümündə 7-ci, 2001/2002 mövsümündə isə 3-cü yeri tutmuşdur. 2002/2003 mövsümünün ölkə birinciliyi keçirilməmişdir. 2003/2004 mövsümündə "Xəzər Universiteti" uğurla çıxış etmiş və Azərbaycan çempionatını 4-cü pillədə başa vurmuşdur.

Bu nəticə "Xəzər Universiteti"nə UEFA-İntertoto kubokunda iştirak etmək hüququ qazandırdı.

• Yarışın birinci mərhələsində "Xəzər Universiteti" Avstriyanın "Bregents" komandasını sıradan çıxardı: 3:0 (+:-) və 2:1.
• İkinci mərhələdə isə "Xəzər Universiteti"nin rəqibi Finlandiyanın "Tampere Yunayted" komandası oldu. Komandamız ilk görüşdə 0:3 hesabı ilə uduzsa da, Bakıda keçirilən təkrar qarşılaşmada 1:0 qalib gələrək, UEFA-İntertoto Kubokunda iştirakını dayandırdı.

Beləliklə, Azərbaycan klublarının avrokubok tarixində "Xəzər Universiteti" ilk dəfə olaraq, bir avrokubok mövsümndə 3 qələbə qazandı. 2004-cü ilin yayından "Xəzər Universiteti" komandasının bütün hüquqları yeni yaradılmış "İnter-Bakı" Peşəkar Futbol Klubuna keçmiş və komanda 13-cü Azərbaycan çempionatına da "İnter-Bakı" adı ilə başlamışdır. Bir müddət sonra isə klubda struktur dəyişikliyi edilmiş və "İnter-Bakı" Peşəkar Futbol Klubu "İnter" Peşəkar İdman Klubuna çevrilmişdir. Beləliklə, futbol komandasının adı 13-cü çempionatın ortalarından rəsmi şəkildə "İnter" kimi təsdiq olunub. 13-cü çempionatda "İnter" gözəl oyunu ilə fərqlənsə də, yekun cədvəldə 7-ci pillə ilə kifayətlənib. 14-cü Milli çempionatımızda isə "İnter" medallara layiq yer tutmağa çox yaxın olsa da komanda yekun cədvəldə 4-cü yerdən yuxarı qalxa bilməmişdir. Gənc komanda olmasına baxmayaraq, 2007–2008-ci il mövsümündə ölkə çempionu olub. Növbəti çempionatda isə 2-ci yeri tutub. 2009–2010-cu il mövsümündə "İnter" ikinci dəfə Azərbaycan çempionu adını qazandı. 2010-cu il noyabrın 26-da açıqlanan klublarının XXI əsr üçün reytinqində ilk onilliyi 256,5 xal ilə Azərbaycan klubları arasında 4-cü, dünyada isə 465-ci pillədə başa vurmuşdur.

2017-ci il 28 oktyabrdan etibarən klub rəsmən "Keşlə" adlandırılıb. 2022-ci ildə "Keşlə" FK-nın adının dəyişdirilərək "Şamaxı" Futbol Klubu adlandırılması və ev oyunlarını Şamaxı şəhər stadionunda keçirməsi qərara alınıb. "Keşlə" FK-nın aşağı yaş qruplarından ibarət komandaları və akademiyası 2022-ci ilin sonuna qədər Bakıda fəaliyyətini davam etdirəcək.

Liqa və kubok tarixi

Mövsüm	Liqa									Azərbaycan kuboku	Bombardir
	Div.	Yer	Oy.	Q	H	M	VQ	BQ	X		Adı	Liqa
1999–00	1	11	22	5	3	14	19	41	18	1/8 Final	Samir Ələkbərov	7
2000–01	1	7	20	9	2	9	26	38	29	1/8 Final	Ramin Nəsibov	8
2003–2004	1	4	26	15	6	5	43	16	51	1/8 Final	A. Soxadze	6
2004–2005	1	7	34	19	9	6	44	24	66	Finalçı	Elşən Məmmədov	10
2005–2006	1	4	26	14	8	4	35	14	50	1/4 Final	Idahor	6
2006–2007	1	4	24	13	6	5	36	12	45	Yarımfinal	Samir Əliyev	6
2007–2008	1	1	26	18	4	4	55	18	58	Finalçı	Xəqani Məmmədov	19
2008–2009	1	2	26	18	7	1	54	16	61	Finalçı	Valter Quqlielmone	17
2009–10	1	1	32	22	12	8	58	37	78	Yarımfinal	Robertas Poşkus	12
2010–11	1	5	32	13	10	9	29	24	49	Finalçı	Robertas Poşkus	5
2011–12	1	3	32	16	8	8	29	21	56	Yarımfinal	Baçana Tsxadadze	7
2012–13	1	3	32	16	9	7	38	22	57	1/4 Final	Baçana Tsxadadze	8
2013–14	1	2	36	20	7	9	60	37	67	1/4 Final	Vaqif Cavadov	16
2014–15	1	2	32	17	12	3	55	20	63	Yarımfinal	Mikel Alvaro	9
2015–16	1	4	36	16	11	9	39	28	59	Yarımfinal	Nizami Hacıyev / Mirsahib Abbasov	6
2016–17	1	3	28	11	10	7	39	33	43	Yarımfinal	Rauf Əliyev	11
2017–18	1	6	28	8	7	13	29	39	31	Qalib	Pərdis Fərcad-Azad / Adrian Skarlataçe / Slavik Alxasov	4
2018–19	1	8	28	6	5	17	29	45	23	1/4 Final	Amil Yunanov / Conatan Ayite	5

Uğurları

• Azərbaycan çempionatı:
  • 1 Qızıl medal (2) — 2007/2008, 2009/2010
  • 2 Gümüş medal (3) — 2008/2009, 2013/2014, 2014/2015
  • 3 Bürünc medal (3) — 2011/2012, 2012/2013, 2019/2020
• Azərbaycan Kuboku:
  • 1 Qızıl medal (2) — 2017/2018, 2020/2021
  • 2 Finalçı (4) — 2004/2005, 2007/2008, 2008/2009, 2010/2011
• Azərbaycan Birinci Liqası:
  • 1 Qızıl medal (1) — 2023/2024
• Birlik Kuboku:
  • 1 Qalib — 2011
  • 1/2 finalçı — 2009

Keşlə Avrokuboklarda

Son yenilənmə: 2020-ci il

Turnir	Oyunlar	Q	H	M	VQ	BQ
UEFA Çempionlar Liqası	6	1	3	2	3	5
UEFA Avropa Liqası	26	12	7	7	37	29
UEFA İntertoto Kuboku	4	3	0	1	6	4
Cəmi	36	16	10	10	46	38

Mövsüm	Turnir	Mərhələ	Klub	Ev	Qonaq	Ümumi
2004	UEFA İntertoto Kuboku	1R	Breqens	2–1	3–0	5–1
		2R	Tampere Yunayted	1–0	0–3	1–3
2008–09	UEFA Çempionlar Liqası	1M	Rabotniçki	0–0	1–1	1–1(a)
		2M	Partizan	1–1	0–2	1–3
2009–10	UEFA Avropa Liqası	2M	Spartak Trnava	1–2	1–3	1–5
2010–11	UEFA Çempionlar Liqası	1M	Lex Poznan	0–1	1–0	1–1(8–9 p.)
2012–13	UEFA Avropa Liqası	1M	Narva Trans	5–0	2–0	7–0
		2M	Asteras Tripolis	1–1	1–1	2–2(2–4 p.)
2013–14	UEFA Avropa Liqası	1M	Mariehamn	1–1	2–0	3–1
		2M	Tromsö	1–0	0–2	1–2
2014–15	UEFA Avropa Liqası	1M	Tiraspol	3–1	3–2	6–3
		2M	Elfsborq	0–1	1–0	1–1(3–4 p.)
2015–16	UEFA Avropa Liqası	1M	Laçi	0–0	1–1	1–1(a)
		2M	Hafnarfyordur	2–2(ə.v.)	2–1	4–3
		3M	Atletik Bilbao	0–0	0–2	0–2
2017–18	UEFA Avropa Liqası	1M	Mladost Luçani	2–0	3–0	5–0
		2M	Fola Eş	1–0	1–4	2–4
2018–19	UEFA Avropa Liqası	1M	Balzan	2–1	1–4	3–5
2020–21	UEFA Avropa Liqası	1M	Laçi	0–0(4–5 p.)	—	—
2021–22	UEFA Konfrans Liqası	2M	Soçi	2–4	0–3	2–7

Heyəti

26 dekabr 2024 tarixində yenilənib

Nömrə Ölkə Mövqeyi Futbolçu 1 GK Rikardo Fernandes 5 DF Arsen Ağcabəyov 6 MF Rauf Rüstəmli 8 MF İlkin Muradov 9 FW Belajdi Pusi 10 MF Emin Zamanov 11 FW Conatan Benteke 17 MF Rafael Məhərrəmli 19 MF Fəxri Məmmədli 20 FW Leroy Mikels

Nömrə Ölkə Mövqeyi Futbolçu 24 MF Edqar Adilxanov 32 DF Vasiliye Radenoviç 56 MF Samir Ağayev 60 MF Səbayil Bağırov 62 GK Abdulla Seyidəhmədov 66 DF Vasiliye Bakiç 80 DF Zahid Mərdanov 82 DF Rüfət Abbasov 85 GK Kamal Bayramov 93 MF Brahim Konate

Xarici keçidlər

• Rəsmi saytı  (az.)  (ing.)