Yarımmüdafiəçi (futbol)
![](http://upload.wikimedia.org/wikipedia/commons/thumb/4/42/396px-Boisko_PositionsMidfield.png/350px-396px-Boisko_PositionsMidfield.png)
Yarımmüdafiəçi (ing. Midfielder; slenq: halfbək, ing. half-back — yarım-arxa) — futbolda oyunçunun hücumçu ilə müdafiəçi arasında tutduğu mövqe. Yarımmüdafiəçinin əsas vəzifəsi oyun zamanı situasiyadan asılı olaraq hücumçu və ya müdafiəçilərə kömək etməkdir.
Yarımmüdafiəçilər mövqe olaraq 4 yerə bölünür:
1)Dayaq yarımmüdafiəçiləri 2)Mərkəz yarımmüdafiəçiləri 3)Hücuma meyilli yarımmüdafiəçilər 4)Cinah yarımmüdafiəçiləri
Müdafiəyə meyilli (Dayaq) yarımmüdafiəçi
[redaktə | mənbəni redaktə et]Bu mövqedə çıxış edən oyunçular dəstək oyunu ilə seçilir.Kağız üstündə baxsaq mərkəz müdafiəçilərinin önündə çıxış edirlər.Rəqibin ön xətt oyunçuları ilə birə-bir oynayan zaman dayaq yarımmüdafiəçiləri çox böyük rol oynayır.Belə oyunçulara müasir futbolda Carlos Casemiro,Sergio Busquets,Joshua Kimmich kimi oyunçuları örnək göstərə bilərik.Tarixdə isə Roy Keane,Patrick Vieira,Frank Rijkaard kimi oyunçular bu mövqedə çox möhtəşəm oyun sərgiləyib.
Mərkəz yarimmüdafiəçisi
[redaktə | mənbəni redaktə et]Mərkəz yarimmüdafiəçiləri əlaqə oyununun yaradılmasında yaxından iştirak edən oyunçulardır.Meydanın mərkəzinə hakimlik edirlər.Pas səviyyələri yüksək səviyyədə olmalıdır.Geridən topu alaraq ön xəttə daşıyaraq epizodların yaradılmasında yaxından iştirak edirlər.Müasir futbolda Toni Kroos,Frenkie De Jong,Paul Pogba kimi oyunçuları nümunə göstərmək olar.Tarixdə Steven Gerrard,Frank Lampard,Andres İniesta,Xavi Hernandez kimi oyunçular adlarını bu mövqeyə həkk ediblər.
Hücuma meyilli yarımmüdafiəçi
[redaktə | mənbəni redaktə et]Əksər hallarda komandanın beyni sayılırlar.İnamlı Meydan görüşləri,pasları,zərbələri,oyun quruculuqları ilə seçilirlər.Yaradıcılıq səviyyələri yüksək səviyyədə olmalıdır.De Bruyne,Bruno Fernandes,Marco Reus; tarixdə isə Zinedine Zidane,Ronaldinho kimi oyunçular bu mövqedə çox üstün performans göstərməyi bacarıb.
Cinah yarımmüdafiəçisi
[redaktə | mənbəni redaktə et]Yarımmüdafiənin cinahlarında yer alan bu oyunçuların əsas hədəfi aut xəttinə paralel olaraq irəliləyib rəqib cərimə meydançasına qət etməyə çalışmaqdır.Cərimə meydançasına daxil olmağı bacarmadıqları zaman isə əksər hallarda meydanın mərkəzini düşünərək pas oyunu oynayırlar yaxud cərimə meydançası içinə asma ötürmə verirlər.Yannick Carrasco,İvan Perisic,Bukayo Saka bu mövqedə çıxış edirlər.Ryan Giggs,Pavel Nedved,David Beckham da bu mövqedə çıxış edib adını tarixə yazdırmış oyunçulardandır.